સ્ત્રી 3, ભેડિયા 2 સહિત મુંજ્યા 2ની રિલિઝ ડેટ થઈ જાહેર : જાણો ક્યારે ક્યારે થશે આ ફિલ્મો રિલીઝ

વર્ષ 2024માં કોમેડી હોરર ફિલ્મો ‘મુંજ્યા’ અને ‘સ્ત્રી 2’ જેવી રિલીઝ થઈ હતી. જેને દર્શકોએ ખૂબ જ પસંદ કરી હતી. રાજકુમાર રાવ અને શ્રદ્ધા કપૂર સ્ટારર ફિલ્મ 'સ્ત્રી 2' એ વૈશ્વિક સ્તરે જંગી કમાણી કરી હતી. આ ફિલ્મોની અપાર સફળતા જોઈને દિનેશ વિજન અને નેપિયન કેપિટલની મેડડોક ફિલ્મ્સે નવા વર્ષ 2025ના અવસર પર ચાહકોને એક ખાસ ભેટ આપી છે. માત્ર 'સ્ત્રી 3', 'મુંજ્યા 2' અથવા 'ભેડિયા 2' જ નહીં પરંતુ એક સાથે 8 નવી ફિલ્મોની જાહેરાત કરવામાં આવી છે. આ યાદીમાં કેટલીક નવી ફિલ્મોના નામ પણ સામેલ છે.

એકસાથે 8 ફિલ્મોની જાહેરાત
તમને જણાવી દઈએ કે મેડૉક ફિલ્મ્સ દ્વારા આગામી 8 ફિલ્મો માટેનું લિસ્ટ જાહેર કર્યું છે, જે વર્ષ 2028 સુધીમાં રિલીઝ કરવામાં આવનાર છે. આ સાથે જ એ પણ જણાવવામાં આવ્યું છે કે, કઈ ફિલ્મની સિક્વલ છે અને નવી ફિલ્મ ક્યારે રિલીઝ થશે. આવી સ્થિતિમાં, ચાહકોને માત્ર 2025માં જ નહીં પરંતુ આગામી 2028 સુધી મનોરંજનનો પૂરો ડોઝ મળવાનો છે. આ જાહેરાત બાદ ચાહકોની ખુશીની કોઈ સીમા નહીં રહે.

2025માં કઈ ફિલ્મો રિલીઝ થશે
મેડૉક ફિલ્મ્સની ઑફિશિયલ પોસ્ટ અનુસાર, આયુષ્માન ખુરાના સ્ટારર ફિલ્મ 'થમા' દિવાળી, 2025ના રોજ રિલીઝ થશે. આ પછી, 'શક્તિ શાલિની' 31 ડિસેમ્બર, 2025 ના રોજ રિલીઝ થશે. બંને હોરર-કોમેડી ફ્રેન્ચાઈઝીની નવી ફિલ્મો છે.

2026માં કઈ ફિલ્મો રિલીઝ થશે?
આવતા વર્ષે 2026માં વરુણ ધવન સ્ટારર ફિલ્મ 'ભેડિયા'નો બીજો ભાગ રિલીઝ થશે. 'ભેડિયા 2' 14 ઓગસ્ટે રિલીઝ થશે. તમને જણાવી દઈએ કે ફિલ્મનો પહેલો ભાગ વર્ષ 2022માં રિલીઝ થયો હતો જેમાં કૃતિ સેનન પણ જોવા મળી હતી. હવે જોવાનું એ રહે છે કે શું મેકર્સ તેને સિક્વલમાં પરત લાવશે? તે પછી નવી ફિલ્મ ‘ચામુંડા’ 4 ડિસેમ્બર, 2026ના રોજ રીલિઝ થશે.

સિક્વલ 2027માં દસ્તક આપશે
વર્ષ 2027 માં, મેડૉક ફિલ્મ્સ શ્રદ્ધા કપૂર અને રાજકુમાર રાવ સાથે ફરી પાછા ફરશે. 'સ્ત્રી 3' 13 ઓગસ્ટે સિનેમાઘરોમાં રિલીઝ થશે. આ પછી, 'મહા મુંજ્યા' 24 ડિસેમ્બર, 2027 ના રોજ સિનેમાઘરોમાં આવશે. સ્વાભાવિક છે કે આ ફિલ્મ 2024માં રિલીઝ થયેલી 'મુંજ્યા'ની સિક્વલ હશે. તૈયારી અહીં સમાપ્ત થતી નથી. વર્ષ 2028માં મેડૉક ફિલ્મ્સ 'મહાયુદ્ધ' નામની ફ્રેન્ચાઈઝી લઈને આવી રહી છે. તેનો પહેલો ભાગ 11 ઓગસ્ટ, 2028ના રોજ અને બીજો ભાગ 18 ઓક્ટોબર, 2028ના રોજ રિલીઝ થશે.