Bardoli Leopard Story : દક્ષિણ ગુજરાતમાં શેરડી કાપણીની મોસમ ચાલી રહી છે. કાપણી પહેલાં ખેડૂતો શેરડી બાળી રહ્યા છે. ત્યારે બારડોલી તાલુકાના આકોટ ગામમાં શેરડી બાળતી વખતે, ત્રણ દીપડાના બચ્ચા આગમાં ફસાઈ ગયા હતા, જેમાંથી એકનું મોતનીપજ્યું. માહિતી મળતાં વન વિભાગની ટીમ ઘટનાસ્થળે પહોંચી અને ઘાયલ બચ્ચાઓને લઈ ગઈ હતી.
આગમાં ઘાયલ થયયા દીપડાના બચ્ચા
આગને કારણે માદા દીપડાએ તેના બચ્ચાઓને છોડી દીધા હતા. ત્યારથી માદા દીપડા તેના બચ્ચાઓને શોધવા માટે દરરોજ શેરડીના ખેતરમાં આવી રહી હતી, પરંતુ તે તેમને શોધી શકી ન હતી. વન વિભાગ ઘાયલ બચ્ચાઓની સારવાર પણ કરી રહ્યું બતું. બંને બચ્ચા સ્વસ્થ થયા પછી વન વિભાગની ટીમે તેમને તેમની માતા સાથે ફરીથી મિલાવવાનું નક્કી કર્યું હતું.
દીપડાના બચ્ચાનું માતા સાથે વન વિભાગે કરાવ્યું મિલન
વન વિભાગની ટીમે માતાને તેના બચ્ચાઓ શોધતી જોઈ, તેમને ટોપલીમાં મૂક્યા અને નજીકમાં એક કેમેરા લગાવ્યો. માતા, જે તેના બચ્ચાઓની આતુરતાથી રાહ જોઈ રહી હતી, તે દરરોજ તેમને શોધવા આવી રહી હતી, એક દિવસ તેમને શોધવાની આશામાં. આખરે, તેમને બચ્ચા મળી ગયા. સીસીટીવી ફૂટેજમાં સ્પષ્ટ દેખાય છે કે દીપડો તેના બે બચ્ચા ધરાવતી ટોપલી પાસે આવે છે અને તરત જ બંનેને પોતાની સાથે લઈ જાય છે.
