દિલ્હીના તમામ અધિકારીઓની રજા રદ : હાલની પરિસ્થિતિને ધ્યાનમાં રાખીને સરકારે લીધો નિર્ણય

ભારત અને પાકિસ્તાન વચ્ચે ચાલી રહેલા તણાવને ધ્યાનમાં રાખીને દિલ્હીના સીએમ રેખા ગુપ્તા સરકારે એક મોટો નિર્ણય લીધો છે. હાલની પરિસ્થિતિને ધ્યાનમાં રાખીને, સરકારે તમામ અધિકારીઓની રજા રદ કરી છે.

આદેશમાં કહેવામાં આવ્યું છે કે વર્તમાન પરિસ્થિતિ અને કટોકટી પ્રતિભાવ પ્રણાલીની તૈયારીને ધ્યાનમાં રાખીને સક્ષમ અધિકારીએ નિર્દેશ આપ્યો છે કે આગામી આદેશો સુધી દિલ્હી સરકારના કોઈપણ અધિકારી/કર્મચારીને કોઈ રજા આપવામાં આવશે નહીં. આ ઉપરાંત જમ્મુ, પંજાબ અને રાજસ્થાનમાં પાકિસ્તાન દ્વારા ડ્રોન હુમલાના નિષ્ફળ પ્રયાસ બાદ દિલ્હીમાં સુરક્ષા વધારી દેવામાં આવી છે. અહીં પોલીસને એલર્ટ કરવામાં આવી છે.