વિવાદાસ્પદ ટિપ્પણીના કેસમાં કુણાલ કામરાને મોટી રાહત : મદ્રાસ કોર્ટમાંથી આગોતરા વચગાળાના મળ્યા જામીન

પેરોડી કલાકાર કુણાલ કામરાને નાયબ મુખ્યમંત્રી એકનાથ શિંદે પર કરેલી ટિપ્પણીના મામલામાં મોટી રાહત મળી છે. આ મામલે કામરા વિરુદ્ધ કેસ નોંધવામાં આવ્યો હતો. જો કે હવે મદ્રાસ હાઈકોર્ટે તેમને વચગાળાની રાહત આપી છે. 7 એપ્રિલ સુધી કામરા સામે કોઈ કાર્યવાહી ન કરવાના આદેશ આપવામાં આવ્યા છે. જો કે, કુણાલ કામરાને 31 માર્ચે મુંબઈ પોલીસ સમક્ષ પૂછપરછ માટે બોલાવવામાં આવ્યો છે. અગાઉના દિવસે, 36 વર્ષીય હાસ્ય કલાકારે હાઈકોર્ટમાં રજૂઆત કરી હતી કે તે 2021 માં મુંબઈથી તમિલનાડુ ગયો હતો અને "ત્યારથી તે સામાન્ય રીતે આ રાજ્યમાં રહે છે" અને તે મુંબઈ પોલીસ દ્વારા ધરપકડનો ડર રાખે છે.

મુંબઈ પોલીસ દ્વારા બે વાર સમન્સ મોકલવામાં આવ્યા બાદ મુંબઈમાં તેમના શો દરમિયાન કામરાએ શિંદે પર કરેલી ટિપ્પણીઓએ તેમને મુશ્કેલીમાં મુકી દીધા હતા અને એક મોટો વિવાદ ઉભો કર્યો હતો. આ વિવાદ મુંબઈના ખારમાં હેબિટેટ કોમેડી ક્લબ ખાતેના તેમના શોથી ઉભો થયો હતો, જ્યાં તેણે શિંદેને નિશાન બનાવીને પેરોડી ગીત ગાયું હતું.

શિવસેના સમર્થકોએ તોડફોડ કરી હતી
આ પછી શિવસેના સમર્થકોએ આકરી પ્રતિક્રિયા આપી અને તોડફોડ કરી. ખાર પોલીસ સ્ટેશને શિવસેનાના ધારાસભ્ય મુરજી પટેલ વતી કુણાલ કામરા વિરુદ્ધ કેસ નોંધ્યો છે. તેમના પર નાયબ મુખ્યમંત્રી વિરુદ્ધ કથિત રીતે અપમાનજનક ટિપ્પણી કરવાનો આરોપ છે. મુંબઈ પોલીસે કામરાને 31 માર્ચે હાજર થવા જણાવ્યું હતું. મુંબઈ પોલીસે ગુરુવારે કુણાલ કામરાને તેની સામેના કેસના સંબંધમાં 31 માર્ચે તેની સમક્ષ હાજર થવા જણાવ્યું હતું. એક પોલીસ અધિકારીએ જણાવ્યું કે તેમને જારી કરાયેલા બીજા સમન્સમાં કુણાલ કામરાને 31 માર્ચે પોલીસ સમક્ષ હાજર થવાનું કહેવામાં આવ્યું છે.

તોડફોડના આરોપમાં 12 શિવસેનાના કાર્યકરોની ધરપકડ
સ્ટુડિયોમાં તોડફોડ કરવા બદલ પોલીસે નેતા રાહુલ કનાલ સહિત 12 શિવસેનાના કાર્યકરોની ધરપકડ કરી હતી. તોડફોડની ઘટનાએ સમગ્ર દેશમાં ચકચાર જગાવી છે અને તેના પર રાજકીય ગરમાવો જોવા મળી રહ્યો છે. કામરાએ કથિત રીતે એકનાથ શિંદેને નિશાન બનાવીને અને તેમને દેશદ્રોહી કહીને મજાક ઉડાવીને વિવાદ સર્જ્યો હતો. ત્યારથી તેની સામે કાર્યવાહી કરવાની સતત માંગ કરવામાં આવી રહી છે.