થાળી થઈ મોંઘી : ભોજનની થાળી થઈ મોંઘી, શાકભાજીના ભાવ વધવાની થઈ અસર

ટામેટાં અને બટેટા જેવી ખાદ્ય ચીજોના ભાવ વધવાને કારણે ડિસેમ્બરમાં ઘરે બનાવેલા ખાદ્યપદાર્થોની કિંમતોમાં વધારો થયો છે. રેટિંગ એજન્સી ક્રિસિલના અહેવાલ મુજબ, શાકાહારી થાળી બનાવવાની સરેરાશ કિંમત ડિસેમ્બરમાં છ ટકા વધીને 31.6 રૂપિયા પ્રતિ પ્લેટ થઈ છે, જે ગયા વર્ષના સમાન મહિનામાં 29.7 રૂપિયા હતી. જો કે, નવેમ્બરમાં શાકાહારી થાળીની કિંમત 32.7 રૂપિયા હતી. એટલે તે તેના ભાવમાં ઉત્તરોતર વધારો થઈ રહ્યો છે.ક્રિસિલે શોધી કાઢ્યું હતું કે ગયા વર્ષની સરખામણીમાં ડિસેમ્બરમાં માંસાહારી થાળીની કિંમતમાં 12 ટકાનો વધારો થયો હતો અને નવેમ્બરમાં ત્રણ ટકા વધીને રૂ. 63.3 થયો હતો.

ખાદ્ય પદાર્થઓ મોંઘા થવાના કારણો વિશે રિપોર્ટમાં કહેવામાં આવ્યું છે કે, ડિસેમ્બરમાં ટામેટાની કિંમતો 24 ટકા વધીને 47 રૂપિયા કિલોગ્રામ થયા છે. જ્યારે બટેટાના ભાવ દોઢ ગણા થઈ ગયા છે. સરકાર દ્વારા આયાત ડ્યુટીમાં વધારાને કારણે વનસ્પતિ તેલના ભાવમાં 16 ટકાનો વધારો થયો છે, જેના કારણે સામાન્ય માણસની મુશ્કેલી વધી છે. અહેવાલમાં જણાવાયું છે કે એલપીજી ઇંધણના ભાવમાં ગયા વર્ષની સરખામણીમાં 11 ટકાનો ઘટાડો થયો છે, જેણે ઊંચા ખર્ચની અસરને ઘટાડવામાં મદદ કરી છે.

એટલું જ નહીં માંસાહારી થાળી પણ મોંઘી થઈ ગઈ છે, તેની કિંમતમાં 20 રૂપિયાનો વધારો થયો છે. ખાસ વાત એ છે કે, ગયા વર્ષે માંસાહારી થાળીમાં વધારો થયો હતો.ડુંગળીના ભાવમાં 12 ટકાનો ઘટાડો અને બટાકાના ભાવમાં બે ટકાના ઘટાડાથી નવેમ્બર અને ડિસેમ્બર વચ્ચે ભાવમાં ઘટાડો થયો, એમ અહેવાલમાં જણાવાયું છે. અહેવાલમાં જણાવાયું છે કે ઠંડીની લહેર, તહેવારો અને લગ્નની માંગમાં વધારો અને ફીડની ઊંચી કિંમતને કારણે ઉત્પાદનમાં ઘટાડો થવાને કારણે બ્રોઈલરના ભાવમાં 11 ટકાનો વધારો થયો છે, જેના કારણે ડિસેમ્બરમાં માંસાહારી થાળીની કિંમતમાં ત્રણ ટકાનો વધારો થયો છે. ટકાવારી વધી છે.