DPL 2025 Qualifier 1 Live Streaming: દિલ્હી પ્રીમિયર લીગ (DPL 2025) ની પ્રથમ ફાઇનલિસ્ટ ટીમ આજે મળશે. સેન્ટ્રલ દિલ્હી કિંગ્સ અને ઇસ્ટ દિલ્હી રાઇડર્સ ક્વોલિફાયર-1 મેચમાં એકબીજાનો સામનો કરશે. ત્યારબાદ, એક એલિમિનેટર મેચ થશે, જેમાં હારનાર ટીમ ટુર્નામેન્ટમાંથી બહાર થઈ જશે અને વિજેતા ટીમ ફાઇનલ માટે ક્વોલિફાયર-1 માં હારનાર ટીમની સામે રમશે. મેચનો સમય અને લાઇવ સ્ટ્રીમિંગ વિગતો જાણો.
પોઇન્ટ્સ ટેબલ
પોઈન્ટ ટેબલની વાત કરીએ તો, સેન્ટ્રલ દિલ્હીએ 10 માંથી 7 મેચ જીતી હતી અને 15 પોઈન્ટ સાથે પ્રથમ સ્થાને હતી. બીજા સ્થાને રહેલી ઈસ્ટ દિલ્હી રાઈડર્સે 10 માંથી 6 મેચ જીતી હતી અને 14 પોઈન્ટ મેળવ્યા હતા. આજે બંને વચ્ચે ક્વોલિફાયર-1 મેચ રમાશે. વિજેતા ટીમ દિલ્હી પ્રીમિયર લીગની બીજી સીઝનની પ્રથમ ફાઇનલિસ્ટ ટીમ બનશે. જોકે, હારનારી ટીમ બહાર નહીં રહે, તેને ફાઇનલમાં પહોંચવાની બીજી તક મળશે.
DPL 2025 ક્વોલિફાયર 1 ક્યારે શરૂ થશે?
દિલ્હી પ્રીમિયર લીગની પહેલી ક્વોલિફાયર મેચ આજે, 29 ઓગસ્ટના રોજ બપોરે 2 વાગ્યે શરૂ થશે. આ મેચ દિલ્હીના અરુણ જેટલી સ્ટેડિયમ ખાતે રમાશે.
લાઈવ ટેલિકાસ્ટ કયા જોવા મળશે?
દિલ્હી પ્રીમિયર લીગની પ્રથમ ક્વોલિફાયર મેચનું લાઈવ ટેલિકાસ્ટ સ્ટાર સ્પોર્ટ્સ 2 હિન્દી પર થશે.
ઓનલાઇન સ્ટ્રીમિંગ?
ક્વોલિફાયર 1 નું ઓનલાઇન સ્ટ્રીમિંગ Jio Hotstar એપ અને વેબસાઇટ પર થશે. દિલ્હી પ્રીમિયર લીગની મેચો પણ ફેનકોડ એપ પર લાઈવ સ્ટ્રીમ કરવામાં આવશે.
ઈસ્ટ દિલ્હી રાઇડર્સ સ્ક્વોડ
અર્પિત રાણા, સુજલ સિંહ, હાર્દિક શર્મા, શિવમ ત્રિપાઠી, અનુજ રાવત (વિકેટકીપર/કેપ્ટન), મયંક રાવત, રોહન રાઠી, રૌનક વાઘેલા, નવદીપ સૈની, અખિલ ચૌધરી, આશિષ મીના, રોહિત યાદવ, વૈભવ બૈસલા, વંશ જેટલી, કાવ્યા ગુપ્તા, સલિલ મલ્હોત્રા, અજય અહલાવત, યુવરાજ રાઠી, યશવર્ધન ઓબેરોય, કુણાલ શર્મા, મૃણાલ ગુલાટી, ઋષભ રાણા.
સેંટ્રલ દિલ્હી કિંગ્સ સ્ક્વોડ
આર્યવીર સેહવાગ, કૌશલ સુમન (વિકેટકીપર), યુગલ સૈની, જોન્ટી સિદ્ધુ (કેપ્ટન), જસવીર સેહરાવત, આર્યન રાણા, આદિત્ય ભંડારી, સિમરજીત સિંહ, તેજસ બરોકા, મણિ ગ્રેવાલ, ગેવિંશ ખુરાના, અરુણ પુંડિર, સંપૂર્ણ ત્રિપાઠી, વિવેક કુમાર તિવારી, સુમિત ચિકારા, પ્રાંશુ વિજયરન, યશ ધૂલ, અર્ણવ કૌલ, સિદ્ધાર્થ જૂન, નિખિલ મલિક, હર્ષિત સેઠી, યામિત સેહરાવત, ઋષિ શર્મા.
એલિમિનેટરમાં પશ્ચિમ અને સાઉથ દિલ્હી વચ્ચે મેચ
દિલ્હી પ્રીમિયર લીગનો એલિમિનેટર મેચ પણ આજે (29 ઓગસ્ટ) યોજાશે, જેમાં વેસ્ટ દિલ્હી લાયન્સ અને સાઉથ દિલ્હી સુપરસ્ટાર્સ એકબીજા સામે ટકરાશે. આ મેચ સાંજે 7 વાગ્યાથી રમાશે. આ મેચનું લાઇવ ટેલિકાસ્ટ સ્ટાર સ્પોર્ટ્સ 2 હિન્દી પર થશે અને લાઇવ સ્ટ્રીમિંગ JioHotstar એપ/વેબસાઇટ અને ફેન કોડ એપ પર થશે. એલિમિનેટર મેચ હારનારી ટીમ બહાર થઈ જશે અને વિજેતા ટીમ શનિવારે ક્વોલિફાયર 2 માં રમશે.
