MrBeast Wants To Collaborated with Virat Kohli: MrBeast તરીકે વિશ્વભરમાં જાણીતા યુટ્યુબર, જેનું સાચું નામ James Stephen Donaldson છે, તેમણે ભારતીય સ્ટાર બેટ્સમેન વિરાટ કોહલીને વિડિયો કોલૅબરેશન માટે આમંત્રણ આપ્યું છે. MrBeast તેના વાયરલ ચેલેન્જ વીડિયો માટે જાણીતો છે. વિશ્વના મોટા સ્પોર્ટ્સ સ્ટાર્સ પણ તેની ચેલેન્જમાં દેખાય છે. MrBeast ના યુટ્યુબ પર 458 મિલિયનથી વધુ સબ્સ્ક્રાઇબર્સ છે. તેમણે અગાઉ Cristiano Ronaldo, Noah Lyles, Neymar Jr. and Carlos Alcaraz જેવા દિગ્ગજ ખેલાડીઓ સાથે વિડિયો કોલૅબરેશન કર્યું છે. MrBeast એ એક ઇન્ટરવ્યૂમાં કહ્યું કે, તેઓ ભારત પાછા આવવા માંગે છે અને આ માટે તેમણે વિરાટ કોહલી માટે એક ખાસ મેસેજ પણ આપ્યો છે.
MrBeast એ વિરાટ કોહલી વિશે શું કહ્યું?
MrBeast એ કહ્યું, "હું તમને બધાને ખૂબ પ્રેમ કરું છું. હું જલ્દી ભારત પાછો આવવા માંગુ છું. હે વિરાટ કોહલી, જો તમે આ ઇન્ટરવ્યૂ જોઈ રહ્યા છો, તો અમે તમારી સાથે એક વિડિયો શૂટ કરવા માંગીએ છીએ. તમે લોકો હંમેશા અદ્ભુત છો. મોટાભાગના લોકો જાણતા નથી કે, ભારત અમારા સૌથી મોટી ઑડિયન્સમાંનું એક છે, તેથી તમારો બધાનો ખૂબ ખૂબ આભાર."
MrBeast એ પહેલા પણ વિરાટ કોહલીને આમંત્રણ આપ્યું છે.
MrBeast એ અગાઉ વિરાટ કોહલીને વીડિયો કોલૅબરેશન માટે આમંત્રણ આપ્યું છે. એપ્રિલ 2025 માં, તેમણે વિરાટ કોહલીને ટેગ કરીને એક ટ્વિટ પણ કર્યું હતું, જે તે સમયે સોશિયલ મીડિયા પર ખૂબ વાયરલ થયું હતું.
વિરાટ કોહલી ભારત-ન્યૂઝીલેન્ડ ODI સિરીઝ માટે તૈયાર
11 જાન્યુઆરી, 2026 થી શરૂ થનારી ભારત અને ન્યુઝીલેન્ડ વચ્ચેની ODI સિરીઝમાં વિરાટ કોહલી ફરી એકવાર મેદાનમાં ઉતરશે. વિરાટ કોહલીનું હાલનું ફોર્મ શાનદાર રહ્યું છે, અને તેમણે 2025 માં ભારતના સૌથી વધુ રન બનાવનાર ખેલાડી તરીકે પૂર્ણ કર્યું, કુલ 651 રન બનાવ્યા. ગયા મહિને સાઉથ આફ્રિકા સામેની ત્રણ મેચની ODI સિરીઝમાં, વિરાટ કોહલીએ 2 સેન્ચુરી અને 1 હાફ-સેન્ચુરી ફટકારી, ત્રણ મેચમાં 302 રન બનાવ્યા. ત્યારપછી, વિરાટ કોહલી વિજય હજારે ટ્રોફીમાં દિલ્હી માટે ફરીથી રમતો જોવા મળ્યો. વિરાટ કોહલી ડોમેસ્ટિક ક્રિકેટમાં પણ શાનદાર ફોર્મમાં છે, તેને 2 મેચમાં અનુક્રમે 131 અને 77 રન બનાવ્યા છે.
