Hero Xtreme 160R 4V And Pulsar N160: ભારતીય 160cc બાઇક યુવાનોમાં ખૂબ જ લોકપ્રિય છે. આ સેગમેન્ટમાં, Hero Xtreme 160R 4V અને Bajaj Pulsar N160 બે બાઇક છે જે લોકપ્રિયતા મેળવી રહી છે. બંને બાઇક સ્પોર્ટી ડિઝાઇન, આધુનિક ફીચર્સ અને રોજિંદા સવારી માટે પર્ફોર્મન્સ આપે છે. જાણો આ બંને બાઇકની કિંમત, ફીચર્સ અને પાવરની માહિતી
કિંમત અને વેરિઅન્ટ
Hero Xtreme 160R 4V માં બે વેરિઅન્ટમાં ઉપલબ્ધ છે. અમદાવાદમાં તેની ડબલ ડિસ્ક વેરિઅન્ટની એક્સ-શોરૂમ કિંમત ₹1.31 લાખ છે, અને ક્રુઝ કંટ્રોલ વેરિઅન્ટની એક્સ-શોરૂમ કિંમત ₹1.34 લાખ છે. Bajaj Pulsar N160 ત્રણ વેરિઅન્ટમાં ઉપલબ્ધ છે: સિંગલ સીટ ટ્વીન ડિસ્ક વેરિઅન્ટની એક્સ-શોરૂમ કિંમત ₹1.14 લાખ, ડ્યુઅલ ચેનલ ABS વેરિઅન્ટની એક્સ-શોરૂમ કિંમત ₹1.19 લાખ અને USD ફોર્ક્સ વેરિઅન્ટની એક્સ-શોરૂમ કિંમત ₹1.27 લાખ છે.
સ્પેસિફિકેશન અને ફીચર
Xtreme 160R 4V નું વજન 145 કિલો છે, જે તેને શહેરી સવારી માટે હળવી અને વ્યવસ્થિત બાઇક બનાવે છે. Pulsar N160 થોડું ભારે છે અને તેનું વજન 154 કિલો છે, જોકે 14 લિટરની મોટી ટાંકી લાંબી સવારી પર ફાયદો આપે છે. Hero Xtreme ડિજિટલ ક્લસ્ટર, બ્લૂટૂથ કનેક્ટિવિટી, ક્રુઝ કંટ્રોલ, રાઇડ-બાય-વાયર સિસ્ટમ અને 30 થી વધુ સ્માર્ટ ફીચર્સ સામેલ છે. Pulsar N160 બ્લૂટૂથ, ABS મોડ્સ અને LED લાઇટિંગ આપે છે, પરંતુ એડવાન્સ ફીચર્સની સંખ્યા થોડી ઓછી છે.
એન્જિન, પર્ફોર્મન્સ અને માઇલેજ
Xtreme 160R 4V નું 163.2cc, 4-વાલ્વ એન્જિન 16.9ps પાવર ઉત્પન્ન કરે છે અને તે તેના હાઈ રિફાઈનમેન્ટ માટે જાણીતું છે. Pulsar N160 164.82cc એન્જિન 16ps પાવર ઉત્પન્ન કરે છે. માઇલેજ લગભગ સમાન છે, Xtreme 160R 4V 45-48kmpl અને Pulsar N160 45-51kmpl ની માઇલેજ આપે છે.
