K. L. Rahul Recently Bought His New MG M9 Electric MPV: ભારતમાં લક્ઝરી ઇલેક્ટ્રિક કારનો ક્રેઝ સતત વધી રહ્યો છે, અને હવે ટીમ ઇન્ડિયાનો સ્ટાર ક્રિકેટર કે. એલ રાહુલ પણ આ ટ્રેન્ડમાં જોડાયો છે. કે. એલ રાહુલે હાલમાં જ તેની નવી MG M9 Electric MPV ખરીદી છે. રસપ્રદ વાત એ છે કે, કે. એલ રાહુલ આ મોડલ ખરીદનાર પ્રથમ ભારતીય ક્રિકેટર બન્યો છે. સોશિયલ મીડિયા પર વાયરલ થયેલા એક વીડિયોમાં કે. એલ રાહુલ પોતાની નવી કારની ડિલિવરી લેતા જોવા મળ્યા હતા. જાણો કારની કિંમત, ફીચર્સ અને બેટરી વિશેની માહિતી.
MG M9 ઇલેક્ટ્રિક MPV કિંમત અને વેરિઅન્ટ
MG M9 ઇલેક્ટ્રિક MPV ભારતમાં ફક્ત એક જ ટોપ વેરિઅન્ટ Presidential Limo માં લોન્ચ કરવામાં આવી છે. તેની એક્સ-શોરૂમ કિંમત ₹69.90 લાખ છે, જે તેને ભારતની સૌથી પ્રીમિયમ અને લક્ઝરી ઇલેક્ટ્રિક MPVs માંથી એક બનાવે છે. રસપ્રદ વાત એ છે કે, અભિનેત્રી હેમા માલિનીએ આ કારની ડિલિવરી લીધી છે. હવે, કે. એલ રાહુલના ગેરેજમાં આ અદભુત ઇલેક્ટ્રિક કારના ઉમેરા સાથે, તેનું કલેક્શન વધુ શાહી બની ગયું છે.
પાવરફૂલ ઇલેક્ટ્રિક પર્ફોર્મન્સ અને લાંબી રેન્જ
MG M9 Electric MPV માં એક પાવરફૂલ ઇલેક્ટ્રિક મોટર છે જે 245PS પાવર અને 350Nm ટોર્ક જનરેટ કરે છે. તેની 90kWh બેટરી કારને 548 કિલોમીટરની દમદાર રેન્જ આપે છે. જે એક જ ચાર્જ પર રોકાયા વિના લાંબા અંતર સુધી ચલાવી શકાય છે. આ કાર Vehicle-to-Vehicle (V2V) અને Vehicle-to-Load (V2L) ટેકનોલોજી પણ આપવામાં આવે છે, જે તેને અન્ય વાહનો અથવા Electric ઉપકરણોને ચાર્જ કરવાની મંજૂરી આપે છે.
ઇન્ટિરિયર કેવું છે?
MG M9 નું કેબિન એટલું પ્રીમિયમ છે કે કોઈ પણ કહેશે,"આ ફક્ત કાર નથી, તે ચાલવા માટેનો બિઝનેસ ક્લાસ લાઉન્જ છે." તેનું ઇન્ટિરિયર Cognac અને Black ડ્યુઅલ ટોન થીમમાં ડિઝાઇન કરવામાં આવ્યું છે, જે બ્રશ કરેલા એલ્યુમિનિયમ અને વૂડના ફિનિશથી શણગારવામાં આવ્યું છે. તેમાં આપવામાં આવેલી સીટો 16-વે ઇલેક્ટ્રિક એડજસ્ટમેન્ટ, હીટિંગ, વેન્ટિલેશન અને મસાજ ફંક્શન સાથે આવે છે. સીટોને સંપૂર્ણપણે રિક્લાઇન મોડમાં રૂપાંતરિત કરી શકાય છે, જે લાંબી મુસાફરીને અત્યંત આરામદાયક બનાવે છે.
ફીચર્સ
MG M9 Electric MPV માં એવા ફીચર આપવામાં આવ્યા છે, જે તેને 5-સ્ટાર હોટલના ખાનગી લાઉન્જ જેવો અનુભવ આપે છે. આમાં 12-સ્પીકર JBL સાઉન્ડ સિસ્ટમ, 12.23-ઇંચ ઇન્ફોટેનમેન્ટ ટચસ્ક્રીન, 360° કેમેરા, લેવલ-2 ADAS, રીઅર પેસેન્જર ડિસ્પ્લે, થ્રી-ઝોન ક્લાઇમેટ કંટ્રોલ, વાયરલેસ ચાર્જર અને કનેક્ટેડ કાર ટેકનોલોજીનો સમાવેશ થાય છે.
MG M9 સેલિબ્રિટીઓમાં નવી પસંદગી બની રહી છે
MG M9 Electric MPV ધીમે ધીમે બોલિવૂડ અને ક્રિકેટ સ્ટાર્સમાં નવી પસંદગી બની રહી છે. હેમા માલિની પછી, કે. એલ રાહુલે હવે તેને પોતાના ગેરેજમાં ઉમેરી દીધું છે. અગાઉ હેમા માલિની પાસે Land Rover Defender, BMW X7, અને Mercedes-AMG C43 જેવી હાઇ-એન્ડ કાર હતી. કે. એલ રાહુલની નવી MG M9 એ વાતનો સંકેત છે કે, ભારતમાં ઇલેક્ટ્રિક કાર હવે ફક્ત "ઇકો-ફ્રેન્ડલી" નથી રહી, પરંતુ તે અલ્ટ્રા-લક્ઝરી સ્ટેટસ સિમ્બોલ બની ગઈ છે - જ્યાં પર્ફોર્મન્સ, કમ્ફર્ટ અને સ્ટાઈલ બધું એકસાથે આવે છે.
