એક સમયે ઝૂંપડીમાં રહેતા અને પરિવારના 12 લોકો સાથે એક થાળીમાં ખિચડી ખાતા રવિ કિશન આજે કરોડોની સંપત્તિના માલિક છે. ભોજપુરી, બોલીવુડ અને OTT દુનિયામાં સફળતાપૂર્વક નામ બનાવ્યા બાદ રવિ કિશન હવે ભારતીય રાજકારણમાં પણ મજબૂત હાજરી ધરાવે છે.
છેલ્લા ઇન્ટરવ્યુમાં રવિ કિશને પોતાની સંઘર્ષયુક્ત જીવનયાત્રાની વાત કરી હતી. તેમણે જણાવ્યું કે કુટુંબ પર ભારે જવાબદારીઓ હતી, ખેતીની જમીન પણ ગીરવે મુકાઈ ગઈ હતી. જોકે, આજે તેમની પાસે મુંબઈ, પુણે, ગોરખપુર અને જૌનપુરમાં મળી કુલ 11 ઘર છે અને ચૂંટણી સોગંદનામા મુજબ તેમની કુલ સંપત્તિ ₹36 કરોડ છે. તેમની પૈતૃક મિલકત ₹2.55 કરોડની છે.
રવિ કિશને ભોજપુરી ઉદ્યોગમાં ‘સૈયાં હમાર’, ‘ગંગા’, ‘દુલ્હા મિલલ દિલદાર’ જેવી હિટ ફિલ્મો આપી છે. 2024માં રિલીઝ થયેલી ફિલ્મ ‘લપતા લેડીઝ’માં પોલીસ અધિકારીના પાત્રમાં તેમણે શ્રેષ્ઠ સહાયક અભિનેતાનો IIFA એવોર્ડ જીત્યો હતો.
OTT જગતમાં પણ તેમની સફળતાની યાત્રા યથાવત્ રહી છે. તેમણે ‘રંગબાઝ’, ‘હંસમુખ’, ‘મત્સ્ય કાંડ’, ‘ખાકી: ધ બિહાર ચેપ્ટર’ અને ‘મમલા લીગ હૈ’ જેવી હિટ વેબ સિરીઝમાં યાદગાર ભૂમિકાઓ ભજવી છે. ‘મમલા લીગ હૈ’ની આગામી સીઝનમાં તેઓ જજની ભૂમિકામાં જોવા મળશે.
રાજકારણમાં, રવિ કિશન 2014માં પ્રવેશ્યા હતા. પ્રથમ વખત કોંગ્રેસ તરફથી ચૂંટણી લડી પણ સફળતા ન મળતા તેમણે 2017માં ભાજપનો હાથ પકડી લીધો. ત્યારબાદ 2019 અને 2024માં ગોરખપુરથી લોકસભાની ચૂંટણી જીતતા તેઓ સંસદ સુધીના સફરને પાર કરી ચૂક્યા છે.
હવે રવિ કિશન ‘સન ઑફ સરદાર 2’ ફિલ્મમાં મહત્વની ભૂમિકામાં જોવા મળશે, જે 25 જુલાઈ 2025ના રોજ રિલીઝ થવાની છે. હાલ તેઓ ફિલ્મના પ્રમોશનમાં વ્યસ્ત છે.
