Josh Tongue Historic Bowling Performance: મેલબોર્ન ક્રિકેટ ગ્રાઉન્ડ (MCG) ખાતે બોક્સિંગ ડે ટેસ્ટમાં ઈંગ્લેન્ડના રાઈટ-આર્મ પેસર જોશ ટોંગે ઐતિહાસિક પર્ફોર્મ કર્યું હતું. તેણે ઓસ્ટ્રેલિયાની પ્રથમ ઇનિંગ્સમાં 5/45ના આંકડા સાથે પાંચ વિકેટ ઝડપીને ઈંગ્લેન્ડને મજબૂત સ્થિતિ અપાવી.
MCGમાં 21મી સદીની પ્રથમ ઈંગ્લિશ બોલરની પાંચ વિકેટ
જોશ ટંગે બોક્સિંગ ડે ટેસ્ટમાં ઓસ્ટ્રેલિયાની પ્રથમ ઇનિંગ્સમાં માત્ર 152 રનમાં ઓલઆઉટ કરાવવામાં મુખ્ય ભૂમિકા ભજવી. આ તેની કારકિર્દીની સૌથી બેસ્ટ બોલિંગ હતી અને MCGમાં 1998 પછી પ્રથમ વખત કોઈ ઈંગ્લિશ બોલરે ટેસ્ટમાં પાંચ વિકેટ લીધી. 1998માં ડેરન ગોફ અને ડીન હેડલીએ આ સિદ્ધિ મેળવી હતી. ટંગે 27 વર્ષની આ દુષ્કાળને અંત આપ્યો, જેનાથી ઓસ્ટ્રેલિયાએ પહેલેથી જ ક્લિન્ચ કરેલી એશેઝ સિરીઝમાં ઈંગ્લેન્ડે કર્યું કમબેક.
ટંગની ઘાતક બોલિંગ અને હેટ્રિકની તક
ટંગના આ સ્પેલ તેની ટેસ્ટ કારકિર્દીમાં સૌથી ઉત્કૃષ્ટ હતી, જેમાં તેણે 2023માં આયર્લેન્ડ સામેના 5/66ને પાછળ છોડી દીધા. તેણે ઓસ્ટ્રેલિયાની ઇનિંગ્સના છેલ્લા બે બોલમાં માઈકલ નેસર (35) અને સ્કોટ બોલેન્ડને (0)માં આઉટ કર્યા, જેનાથી બીજી ઇનિંગ્સમાં તે હેટ્રિક પર હશે.
ઓસ્ટ્રેલિયાનું નબળું પ્રદર્શન
માઈકલ નેસરે કેપ્ટન પેટ કમિન્સની જગ્યાએ આવીને ટોપ સ્કોર (35) કર્યો હતો. ઉસ્માન ખ્વાજા (29) સિવાય કોઈ બેટ્સમેન 20થી વધુ રન ન કરી શક્યો. ઓસ્ટ્રેલિયા પ્રથમ દિવસે ટી પહેલાં જ ઓલઆઉટ થઈ ગયું, જેમાં કેમેરોન ગ્રીનની રનઆઉટે પણ મોટો ફટકો આપ્યો.
ઓસ્ટ્રેલિયા અને ઈંગ્લેન્ડની ટીમો
ઓસ્ટ્રેલિયા XI: ટ્રેવિસ હેડ, જેક વેધરાલ્ડ, માર્નસ લેબુશેન, સ્ટીવ સ્મિથ (કેપ્ટન), ઉસ્માન ખ્વાજા, એલેક્સ કેરી (વિકેટકીપર), કેમેરોન ગ્રીન, માઈકલ નેસર, મિચેલ સ્ટાર્ક, જાય રિચર્ડસન, સ્કોટ બોલેન્ડ.
ઈંગ્લેન્ડ XI: ઝેક ક્રોલી, બેન ડકેટ, જેકબ બેથેલ, જો રૂટ, હેરી બ્રુક, બેન સ્ટોક્સ (કેપ્ટન), જેમી સ્મિથ (વિકેટકીપર), વિલ જેક્સ, ગસ એટકિન્સન, બ્રાયડન કાર્સ, જોશ ટોંગ.
આ મેચમાં રેકોર્ડબ્રેકિંગ ભીડ જોવા મળી, જેમાં 93,422 દર્શકોએ MCGને ભરી દીધું હતું. ઈંગ્લેન્ડે ટોસ જીતીને પહેલા બોલિંગ પસંદ કરી અને ગ્રીન પિચનો ફાયદો ઉઠાવ્યો. ટોંગના આ પ્રદર્શનથી એશેઝમાં ઈંગ્લેન્ડે પ્રતિસ્પર્ધા જીવંત રાખી છે, જોકે સિરીઝ ઓસ્ટ્રેલિયાના નામે છે.
