મનોરંજન ઉદ્યોગના ઘણા લોકો પહેલગામ આતંકી હુમલા પર ટ્વિટ કરી રહ્યા છે. જ્યારે જાવેદ અખ્તરે ટ્વિટર (X) પર પોતાનો ગુસ્સો વ્યક્ત કર્યો ત્યારે એક વ્યક્તિએ તેમને ટ્રોલ કરવાનો પ્રયાસ કર્યો. હંમેશની જેમ જાવેદે એ વ્યક્તિને નક્કર જવાબ આપ્યો. તેમણે લખ્યું કે આ સમય એકબીજાને નિંદા કરવાનો નથી. જાવેદે પોતાના ટ્વિટમાં હત્યારાઓને મૃત્યુદંડની માંગ કરી છે.
જાવેદ અખ્તરે ટ્વીટ કર્યું
કાશ્મીરના પહલગામમાં થયેલા આતંકી હુમલાને લઈને સમગ્ર ભારતમાં શોકનો માહોલ છે. સોશિયલ મીડિયા પર દરેક લોકો શોક વ્યક્ત કરી રહ્યા છે. આ દરમિયાન ગીતકાર જાવેદ અખ્તરે પણ ટ્વિટ કર્યું છે. તેમણે લખ્યું 'ગમે તે થાય ગમે તે કિંમત હોય પરિણામ ગમે તે આવે પહેલગામના આતંકવાદીઓને બક્ષવામાં નહીં આવે. આ સામૂહિક હત્યારાઓએ આ અમાનવીય કૃત્યની કિંમત તેમના જીવન સાથે ચૂકવવી પડશે.
જાવેદ પર ટિપ્પણી
જાવેદના ટ્વીટ પર કોઈએ કમેન્ટ કરી કે 'મૌલાના જાવેદ તમે તમારા કટ્ટરપંથીઓની નિંદા કેમ નથી કરતા આ આતંકવાદીઓ તેમના બતાવેલા માર્ગ પર ચાલે છે.'
જાવેદ અખ્તરે જવાબ આપ્યો
જેના જવાબમાં જાવેદ અખ્તરે કહ્યું મારી સલાહ લો. મને ચિડાવવાનો પ્રયાસ કરશો નહીં. હું પહેલેથી જ ખૂબ ખરાબ મૂડમાં છું. કેટલાક લોકોએ આપણા દેશને પડકારવાનો પ્રયાસ કર્યો છે. શું આ સમય છે એકબીજાને નીચા કરવાનો? હું ઈચ્છું છું કે તમામ ભારતીયો એક અવાજમાં બોલે આ સહન કરવામાં આવશે નહીં. બહુ થયું.'
પ્રીતિ ઝિન્ટાની ફરી બોલિવૂડમાં એન્ટ્રી!: શાહરૂખ-સલમાન નહીં, આ અભિનેતા છે ફેવરિટ! જવાબ સાંભળીને ચોંકી ગયા ચાહકો
