Vijay Mallya : સોશિયલ મીડિયા પર અવારનવાર સેલિબ્રિટીઝના વેકેશન ફોટા વાયરલ થતાં હોય છે. હાલમાં બિઝનેસમેન વિજય માલ્યાના પુત્ર સિદ્ધાર્થ માલ્યા અને તેમની પત્ની જાસ્મીન ચર્ચાનું કેન્દ્ર બન્યા છે. જૂન 2024 માં લગ્નના બંધનમાં બંધાયા બાદ આ કપલ સતત પોતાની તસવીરો શેર કરતું રહે છે. હાલમાં ઈંગ્લેન્ડના બીચ પર આ બંનેનો કેઝ્યુઅલ અને રોમેન્ટિક લુક જોવા મળ્યો છે, જે સોશિયલ મીડિયા પર ધૂમ મચાવી રહ્યો છે.
બીચ પર ટ્વિનિંગ લુક
સિદ્ધાર્થ અને જાસ્મીન અવારનવાર એકબીજા સાથે ક્વોલિટી ટાઈમ સ્પેન્ડ કરતાં જોવા મળે છે. આ વખતે ઈંગ્લેન્ડના બીચ પર બંનેનો લુક ખૂબ જ હળવો અને આરામદાયક (Relaxed) જોવા મળ્યો હતો. વેકેશન માટે બંનેએ બેઝિક કપડાં પસંદ કર્યા હતા, જેમાં તેઓ એકબીજા સાથે ટ્વિનિંગ કરતાં હોય તેવું લાગતું હતું. સિદ્ધાર્થના લાલ અને કાળા ચશ્માએ તેના સ્પોર્ટી લુકમાં એક અલગ જ ફંકી ટચ ઉમેર્યો હતો.
જાસ્મીનનો સિમ્પલ છતાં સ્ટાઇલિશ અંદાજ
જાસ્મીનના લુકની વાત કરીએ તો, તેને ઓલિવ ગ્રીન કલરનું ગૂંથેલું (Knitted) સ્વેટર પહેર્યું હતું. આ સ્વેટર પર સફેદ ફ્લોરલ પેટર્ન હતી, જે તેને ફ્રેશ લુક આપી રહી હતી. આ સાથે તેને બ્લુ સ્ટ્રેટ-ફિટ ડેનિમ જીન્સ પહેર્યું હતું. તેના વાંકડિયા વાળની હાઈ પોનીટેલ અને સનગ્લાસે તેના આ કેઝ્યુઅલ લુકને વધુ આકર્ષક બનાવ્યો હતો.
સિદ્ધાર્થનો કૂલ અને સ્પોર્ટી લુક
બીજી તરફ સિદ્ધાર્થ માલ્યા પણ પાછળ રહ્યો નથી. તેને બ્લુ કલરની સ્પોર્ટ્સ જર્સી પહેરી હતી, જેના પર 'Rangers' લખેલું હતું. તેને આ જર્સીને બ્રાઉન લૂઝ-ફિટ પેન્ટ અને ક્રીમ કલરના સ્નીકર્સ સાથે જોડી હતી. સિદ્ધાર્થનો આ અંદાજ ખૂબ જ કૂલ અને સ્પોર્ટી લાગતો હતો. બંનેના લુક પરથી સ્પષ્ટ થાય છે કે, તેઓ વેકેશનમાં સ્ટાઇલની સાથે કમ્ફર્ટને પણ પ્રાથમિકતા આપે છે.
ગ્લેમરસ અવતારમાં પણ માહેર
માત્ર કેઝ્યુઅલ જ નહીં, પણ જાસ્મીન ગ્લેમરસ આઉટફિટમાં પણ અદભૂત લાગે છે. તે અવારનવાર ફ્લોરલ પ્રિન્ટેડ સ્કર્ટ, હોલ્ટર નેક ટોપ અને બંદના સ્કાફ જેવા સ્ટાઇલિશ કપડાંમાં જોવા મળે છે. તેની ડ્રેસિંગ સેન્સ અને સ્ટાઇલિંગની રીતને કારણે તે હંમેશા ફેન્સનું ધ્યાન ખેંચવામાં સફળ રહે છે.
