શું જુઠ્ઠુ બોલે છે પાકિસ્તાન સરકાર? : ટ્રેન હાઈજેકમાં 214 બંધકોને મારી નાખ્યાનો BLAનો દાવો

બલુચિસ્તાન લિબરેશન આર્મી (બીએલએ)ના પ્રવક્તા ઝિયાંદ બલોચે દાવો કર્યો છે કે તેના સૈનિકોએ જાફર એક્સપ્રેસ ટ્રેનને હાઈજેક કર્યા પછી 214 બંધકોને મારી નાખ્યા છે . તેમણે એમ પણ કહ્યું કે પાકિસ્તાન સરકારની બેદરકારી અને ઘમંડી વલણને કારણે તેમણે આ પગલું ભરવું પડ્યું.

પાકિસ્તાની સેનાએ એક પત્રકાર પરિષદમાં કહ્યું હતું કે 21 બંધકો માર્યા ગયા છે તે પછી બીએલએનું નિવેદન આવ્યું છે. પાકિસ્તાની સેનાએ કહ્યું હતું કે ટ્રેન અકસ્માતમાં માર્યા ગયેલા 21 બંધકોમાંથી 18 સૈનિકો હતા. સેનાએ એવો પણ અહેવાલ આપ્યો હતો કે તમામ 33 BLAના લડવૈયાઓ માર્યા ગયા હતા અને બંધકોને મુક્ત કરવામાં આવ્યા હતા.

બલૂચ લિબરેશન આર્મીએ પાકિસ્તાની સેનાને યુદ્ધ કેદીઓની અદલાબદલી માટે 48 કલાકનું અલ્ટીમેટમ આપ્યુ હતુ. પાકિસ્તાની સેના માટે ટ્રેનમાં પોતાના બંદીવાન સૈનિકોનો જીવ બચાવવાની આ છેલ્લી તક હતી. પરંતુ તેમણે હંમેશની જેમ હઠીલા અને ઘમંડી વલણ અપનાવ્યું, માત્ર સંવાદને જ ટાળ્યો નહીં પરંતુ વાસ્તવિકતા તરફ આંખ આડા કાન પણ કર્યા. તમામ 214 બંધકોને મારી નાખવામાં આવ્યા.

પાકિસ્તાને પોતાના જ લોકોનો ઉપયોગ કર્યો

BLAએ દાવો કર્યો હતો કે તેમણે હંમેશા આંતરરાષ્ટ્રીય કાયદા અનુસાર કામ કર્યું છે, પરંતુ પાકિસ્તાનની જીદ તેમને આ વખતે આમ કરવા માટે મજબૂર કરે છે. બલૂચ લિબરેશન આર્મીએ હંમેશાં યુદ્ધના સિદ્ધાંતો અને આંતરરાષ્ટ્રીય કાયદા અનુસાર કામ કર્યું હતું, પરંતુ પાકિસ્તાને પોતાના લોકોની સુરક્ષાને બદલે તેનો ઉપયોગ યુદ્ધ માટે બળતણ તરીકે કર્યો હતો.

BLAના 12 જવાન માર્યા ગયા
બીએલએએ જણાવ્યું હતું કે અથડામણમાં તેના 12 સૈનિકો માર્યા ગયા હતા. બીએલએ આ યુદ્ધમાં શહીદ થયેલા 12 સ્વાતંત્ર્ય સેનાનીઓને શ્રદ્ધાંજલિ આપે છે જેમણે દુશ્મન સામે અવિસ્મરણીય બલિદાન આપ્યું હતું. બુધવારે રાત્રે ત્રણ અને ગુરુવારે ચાર સ્વાતંત્ર્ય સેનાનીઓ માર્યા ગયા હતા. આ પછી, મજીદ બ્રિગેડના પાંચ ફિદાયીનોએ પોતાના જીવનનું બલિદાન આપ્યું અને દુશ્મનને એવી રીતે હરાવ્યો કે ઇતિહાસ યાદ રાખશે.