તૂટ્યો યુદ્ધવિરામનો કરાર : ગાઝામાં ઈઝરાયેલનો ભયંકર હુમલો

ઇઝરાયેલ સંરક્ષણ દળો (IDF)એ મંગળવારે સવારે ગાઝા પટ્ટીમાં ભીષણ હવાઈ હુમલો કર્યો હતો. ઇઝરાયલના આ ભયાનક હુમલાથી સમગ્ર ગાઝા પટ્ટી હચમચી ગઈ હતી. એસોસિએટેડ પ્રેસના અહેવાલ અનુસાર, આ ભયંકર ઇઝરાયેલી હવાઈ હુમલામાં 413થી વધુ પેલેસ્ટિનિયન નાગરિકો માર્યા ગયા હતા. ઈઝરાયેલ અને ગાઝા વચ્ચે 19 જાન્યુઆરીએ થયેલા યુદ્ધવિરામ કરાર બાદ મંગળવારનો હવાઈ હુમલો સૌથી મોટો હતો. ઇઝરાયેલી સેનાએ વહેલી સવારે હમાસના ડઝનબંધ આતંકવાદી લક્ષ્યો પર બોમ્બમારો કર્યો હતો. તે જ સમયે, ઇઝરાયેલ અને ગાઝા વચ્ચેનો યુદ્ધવિરામ કરાર પણ તૂટી ગયો હતો.

ઈઝરાયેલના હુમલામાં બાળકો, વૃદ્ધો અને મહિલાઓના મોત
ગાઝાની નાગરિક સુરક્ષા એજન્સીએ કહ્યું, "રમઝાનના પવિત્ર મહિના દરમિયાન આ ઇઝરાયેલી હવાઈ હુમલાના મોટાભાગના પીડિતો બાળકો, વૃદ્ધો અને મહિલાઓ હતા. 150થી વધુ પેલેસ્ટાઇનીઓ ઘાયલ થયા હતા.

એજન્સીએ કહ્યું, "ઉત્તર ગાઝા, ગાઝા શહેર, મધ્ય અને દક્ષિણ ગાઝાના ઘણા વિસ્તારોમાં ઇઝરાયેલી બોમ્બ વિસ્ફોટનો અવાજ સંભળાયો હતો, જેમાં દેર અલ-બલાહ, ખાન યુનિસ અને રફાહનો સમાવેશ થાય છે. ગાઝા પટ્ટીમાં હમાસ પોલીસ અને આંતરિક સુરક્ષા સેવાના વડા મહમૂદ અબુ વાથફા પણ ઇઝરાયેલી વિસ્ફોટોમાં માર્યા ગયા હોવાના અહેવાલ છે.

IDFનું નિવેદન
ઇઝરાયેલ સંરક્ષણ દળોએ મંગળવારે (18 માર્ચ) સવારે X પર પોસ્ટ કરેલું નિવેદન બહાર પાડ્યું હતું. "ઇઝરાયેલી સંરક્ષણ દળો (IDF) રાજકીય નેતૃત્વ દ્વારા નિર્ધારિત લક્ષ્યોને પ્રાપ્ત કરવા માટે સમગ્ર ગાઝા પટ્ટીમાં હમાસના તમામ આતંકવાદી લક્ષ્યોને નિશાન બનાવી રહ્યા છે", IDF એ એક નિવેદનમાં જણાવ્યું હતું. ઇઝરાયેલે ગાઝા પટ્ટીની તમામ શાળાઓ બંધ રાખવાનો પણ આદેશ આપ્યો છે.