વર્તમાન સમયના સ્પર્ધાત્મક યુગમાં દરેક મનુષ્ય પોતાના અને પરિવારના ઉજ્જવળ ભવિષ્ય માટે તનતોડ મહેનત કરતો હોય છે. જોકે ઘણીવાર એવું જોવા મળે છે કે અથાગ પ્રયત્નો કરવા છતાં ધાર્યું પરિણામ મળતું નથી અને હાથમાં આવેલી સફળતા સરકી જાય છે. ઘણીવાર બનતા કામ પણ બગડી જતા હોય છે. જ્યોતિષ શાસ્ત્ર અનુસાર ગ્રહોની પ્રતિકૂળ સ્થિતિ આ માટે જવાબદાર હોઈ શકે છે. શાસ્ત્રોમાં એવા કેટલાક ચમત્કારિક ઉપાયોનું વર્ણન કરવામાં આવ્યું છે જેના થકી વ્યક્તિ જીવનના દુઃખો અને આર્થિક સંકડામણમાંથી મુક્તિ મેળવી શકે છે. એવી માન્યતા છે કે લોખંડના તાળા સાથે જોડાયેલા અમુક ટોટકા કરવાથી વ્યક્તિનું સૂતેલું નસીબ જાગી જાય છે અને વ્યવસાય તેમજ નોકરીમાં આવતી રુકાવટો દૂર થાય છે.
જો તમે નોકરી અથવા વ્યવસાયમાં સતત અવરોધોનો સામનો કરી રહ્યા હોવ તો લોખંડના તાળાનો એક સરળ ઉપાય તમને મદદરૂપ થઈ શકે છે. આ માટે તમારે બજારમાંથી એક નવું તાળું ખરીદવું પડશે. ખરીદી કરતી વખતે ખાસ ધ્યાન રાખવું કે તે તાળાને ચાવી નાખીને ખોલવું નહીં અને દુકાનદારને પણ ચેક કરવા માટે ખોલવા દેવું નહીં. બંધ તાળું જ ખરીદીને ઘરે લાવવું. હવે આ તાળાને ઘરના મંદિરમાં મૂકી દો. ઈશ્વરની આરાધના કર્યા બાદ આ તાળાને ઘરથી દૂર કોઈ પવિત્ર સ્થાન પર અથવા મંદિરની બહાર દાન કરી દો. શનિવાર અથવા મંગળવારના દિવસે આ ઉપાય કરવાથી તમારા અટકેલા કાર્યોમાં ગતિ આવશે અને બાધાઓ દૂર થશે.
જીવનમાં આવતી આર્થિક સમસ્યાઓ અને પૈસાની તંગી દૂર કરવા માટે પણ તાળાનો પ્રયોગ સૂચવવામાં આવ્યો છે. આ માટે એક નવું તાળું ખરીદો અને તેને ખોલ્યા વગર જ રાખો. સાંજના સમયે સ્નાન કરી સ્વચ્છ વસ્ત્રો ધારણ કરો. ત્યારબાદ આ તાળાને મંદિરમાં લઈ જઈને તેની વિધિવત પૂજા કરો અને પછી તેને ઘરે લઈ આવો. રાત્રે સૂતી વખતે આ તાળાને તમારા ઓશિકા નીચે રાખીને સૂઈ જાઓ. અહીં એક વાતનું ખાસ ધ્યાન રાખવું કે તાળું અને તેની ચાવી એકસાથે ન રાખવા. સંપૂર્ણ શ્રદ્ધા સાથે આ ઉપાય કરવાથી જાતક પર માતા લક્ષ્મીની કૃપા વરસે છે અને ધીરે ધીરે આર્થિક સ્થિતિમાં સુધારો જોવા મળે છે.
