બોટ્સ અને ફેક એકાઉન્ટ્સ હટાવવા માટે ઇન્સ્ટાગ્રામે અત્યાર સુધીનું સૌથી મોટું અભિયાન શરૂ કર્યું છે.
સોશિયલ મીડિયા પ્લેટફોર્મ ઇન્સ્ટાગ્રામે May 6, 2026થી પ્લેટફોર્મ પરથી નકલી એકાઉન્ટ્સ, સ્પામ બોટ્સ અને નિષ્ક્રિય પ્રોફાઇલ્સને દૂર કરવાનું મોટા પાયે કામ શરૂ કર્યું છે. આ કાર્યવાહીને કારણે દુનિયાભરના સેલિબ્રિટીઝના ફોલોઅર્સના આંકડામાં રાતોરાત લાખો-કરોડોનો ઘટાડો જોવા મળ્યો છે. જેને યુઝર્સ "Great Purge of 2026" તરીકે ઓળખાવી રહ્યા છે.
કોને કેટલી અસર થઈ?
ઇન્સ્ટાગ્રામની આ સફાઈ ઝુંબેશમાં કોઈ બચી શક્યું નથી. પ્રાપ્ત અહેવાલો મુજબ, નીચેના સેલેબ્રિટીઝના ફોલોઅર્સમાં મોટું ગાબડું પડ્યું છે:
કાઈલી જેનર: સૌથી વધુ અસર, અંદાજે 14 મિલિયનથી 15 મિલિયન ફોલોઅર્સ ગુમાવ્યા.
BLACKPINK: આ પોપ ગ્રુપે આશરે 10 મિલિયન ફોલોઅર્સ ગુમાવ્યા છે.
ક્રિસ્ટિયાનો રોનાલ્ડો: ફૂટબોલ સ્ટારના ફોલોઅર્સમાં 8 મિલિયનથી 18 મિલિયન સુધીનો ઘટાડો નોંધાયો છે.
સેલેના ગોમેઝ: અંદાજે 6 મિલિયન ફોલોઅર્સ ઓછા થયા છે.
લિયોનલ મેસ્સી: આશરે 5 મિલિયનથી 8 મિલિયન ફોલોઅર્સ ઘટ્યા છે.
વિરાટ કોહલી: ભારતના સ્ટાર ક્રિકેટરે પણ અંદાજે 2 મિલિયનથી વધુ ફોલોઅર્સ ગુમાવ્યા હોવાના અહેવાલ છે.
ઇન્સ્ટાગ્રામ ઓફિશિયલ: ખુદ ઇન્સ્ટાગ્રામના પોતાના એકાઉન્ટમાંથી પણ 9 મિલિયન ફોલોઅર્સ ઘટ્યા છે.
મેટા (Meta) ની સ્પષ્ટતા
મેટા કંપનીએ આ બાબતે સ્પષ્ટતા કરી છે કે આ એક 'રૂટિન પ્રોસેસ' છે. પ્લેટફોર્મ પર પારદર્શિતા જાળવવા અને સાચું એન્ગેજમેન્ટ લાવવા માટે આવા નકલી એકાઉન્ટ્સ હટાવવા જરૂરી છે. કંપનીએ ખાતરી આપી છે કે જે જેન્યુઈન યુઝર્સના એકાઉન્ટ ભૂલથી પ્રતિબંધિત થયા હશે, તેમને વેરિફિકેશન બાદ પુનઃસ્થાપિત કરવામાં આવશે.
નવી ટેકનોલોજીનો ઉપયોગ
રિપોર્ટ્સ સૂચવે છે કે આ વખતે ઇન્સ્ટાગ્રામે અત્યાધુનિક AI (આર્ટિફિશિયલ ઇન્ટેલિજન્સ) ટુલ્સનો ઉપયોગ કર્યો છે, જે બોટ્સ અને અસલી યુઝર્સ વચ્ચેનો તફાવત ચોકસાઈથી પારખી શકે છે. નાના ક્રિએટર્સના ફોલોઅર્સમાં પણ 2% થી 5% સુધીનો ઘટાડો જોવા મળી રહ્યો છે.
