Indian cricket team : IPL 2026 ની રોમાંચક સિઝન હવે તેના અંતિમ અને નિર્ણાયક તબક્કા તરફ આગળ વધી રહી છે. ક્રિકેટ ફેન્સ અત્યારે IPL ના ફાઇનલના ઉત્સાહમાં છે, પરંતુ બીજી તરફ ભારતીય ક્રિકેટ કંટ્રોલ બોર્ડ (BCCI) એ પડદા પાછળ નેશનલ ટીમની આગામી ઇન્ટરનેશનલ સિરીઝો માટે કમર કસી લીધી છે. IPL ની સમાપ્તિ પછી તરત જ ભારત અને અફઘાનિસ્તાન વચ્ચે એક ઐતિહાસિક ટેસ્ટ મેચ અને ત્યારબાદ ત્રણ મેચોની ODI સિરીઝ રમાવાની છે. આ મહત્વની સિરીઝ માટે ટીમ ઈન્ડિયાના ખેલાડીઓની પસંદગી અને ભવિષ્યની રણનીતિ નક્કી કરવા માટે પસંદગીકારો ટૂંક સમયમાં જ એક હાઇ-લેવલ મીટિંગ યોજવા જઈ રહ્યા છે.
પસંદગી સમિતિની આગામી બેઠક
અજિત અગરકરની આગેવાની હેઠળની પસંદગી સમિતિ આ અઠવાડિયે અથવા આવતા અઠવાડિયાની શરૂઆતમાં BCCI ના ટોપના અધિકારીઓ સાથે બેઠક કરે તેવી પ્રબળ શક્યતા છે. આ બેઠકનો મુખ્ય એજન્ડા માત્ર આગામી સિરીઝ પૂરતો સીમિત નથી, પરંતુ ટેસ્ટ ક્રિકેટમાં ભારતનો આગામી ત્રણ વર્ષનો રોડમેપ તૈયાર કરવાનો પણ છે. પસંદગીકારો ખાસ કરીને ખેલાડીઓના વર્કલોડ મેનેજમેન્ટ પર ધ્યાન કેન્દ્રિત કરશે, કારણ કે IPL જેવી લાંબી ટૂર્નામેન્ટ બાદ ખેલાડીઓની ફિટનેસ તપાસવી અનિવાર્ય છે. ટીમ મેનેજમેન્ટનો સ્પષ્ટ ઈરાદો છે કે, ભલે વિરોધી ટીમ અફઘાનિસ્તાન હોય, પણ ભારત પોતાની સૌથી મજબૂત અને ફિટ પ્લેઈંગ ઈલેવન સાથે જ મેદાનમાં ઉતરે.
ફાસ્ટ બોલિંગ યુનિટ અને પ્લેઓફની અસર
ફાસ્ટ બોલિંગના મોરચે BCCI એ અત્યારથી જ ગણતરીઓ શરૂ કરી દીધી છે. જસપ્રીત બુમરાહના સંદર્ભમાં મોટો નિર્ણય લેવાઈ ચૂક્યો છે. જસપ્રીત બુમરાહની ટીમ મુંબઈ ઈન્ડિયન્સ આ વર્ષે પ્લેઓફની રેસમાંથી વહેલી બહાર થઈ ગઈ હોવાથી, તેને આરામ કરવા અને રિફ્રેશ થવા માટે પૂરતો સમય મળ્યો છે, જે ટીમ ઈન્ડિયા માટે સારા સમાચાર છે. જોકે, હર્ષિત રાણા અને આકાશ દીપ જેવા ઉભરતા સ્ટાર્સ ઈજાના કારણે હાલમાં ટીમની બહાર છે. બીજી તરફ, ગુજરાત ટાઇટન્સના ફાસ્ટ બોલરો મોહમ્મદ સિરાજ અને પ્રસિદ્ધ કૃષ્ણા હાલમાં શાનદાર લયમાં છે. પસંદગીકારો પ્લેઓફની મેચો પૂર્ણ થયા બાદ જ અંતિમ પેસ એટેકની જાહેરાત કરશે, જેથી ખેલાડીઓની ફ્રેશનેસ જળવાઈ રહે.
13 મેચ બાકી અને ટોપ 4 માટે 8 ટીમો દાવેદાર!: IPL માં હવે દર બોલ પર સસ્પેન્સ, કોણ જશે પ્લેઓફમાં અને કોનું તૂટશે સપનું?
મોહમ્મદ શમીની વાપસી પર મોટું સસ્પેન્સ
ભારતના અનુભવી ફાસ્ટ બોલર મોહમ્મદ શમીની ટીમમાં વાપસીને લઈને અત્યારે ભારે ચર્ચા ચાલી રહી છે. શમીએ હાલમાં ડોમેસ્ટિક ક્રિકેટમાં પોતાની તાકાત બતાવી છે અને તે શાનદાર ફોર્મમાં હોવાનું જણાય છે, પરંતુ આશ્ચર્યજનક વાત એ છે કે, તેમણે 2023 ના વર્લ્ડ કપ બાદ ભારત માટે એક પણ ટેસ્ટ મેચ રમી નથી. મીડિયા રિપોર્ટ્સ મુજબ, પસંદગીકારો હાલમાં લાંબા ગાળાના આયોજનને ધ્યાનમાં રાખીને શમીને બીજી તક આપવા અંગે અસમંજસમાં છે. તેઓ યુવા રક્તને વધુ પ્રાધાન્ય આપી રહ્યા હોય તેવું લાગી રહ્યું છે, જેના કારણે શમીના ફેન્સમાં થોડી નિરાશા જોવા મળી શકે છે.
50 ઓવરની મેચમાં 822 રન!: ક્રિકેટ મેદાન પર જે બન્યું તે જોઈ દુનિયા પણ સ્તબ્ધ!
યુવા પ્રતિભાઓ પર પસંદગીકારોની નજર
BCCI હવે ભવિષ્યની ટીમ તૈયાર કરવા પર ભાર મૂકી રહ્યું છે. અફઘાનિસ્તાન સામેની ટેસ્ટમાં કેટલાક નવા ચહેરાઓ જોવા મળી શકે છે. પસંદગીકારોની નજર હાલમાં હરિયાણાના ફાસ્ટ બોલર અંશુલ કંબોજ પર છે, જેને સ્થાનિક સ્તરે સતત પ્રભાવશાળી પ્રદર્શન કર્યું છે. આ ઉપરાંત પંજાબના ઊંચા કદના બોલર ગુર્નૂર બ્રારને પણ નેટ્સમાં બોલિંગ માટે બોલાવવામાં આવી શકે છે અથવા મુખ્ય ટીમમાં સ્થાન મળી શકે છે. આ બેઠકમાં લેવાયેલા નિર્ણયો એ વાત સ્પષ્ટ કરશે કે, શું ટીમ ઈન્ડિયા એક્સપિરિયન્સ સાથે જશે કે પછી નવી જનરેશનના બોલરોને ટેસ્ટ કેપ સોંપશે.
