Car Price Drop : ભારતીય ઓટોમોબાઈલ બજારમાં ટૂંક સમયમાં જ મોટો ફેરફાર જોવા મળવાનો છે. જો તમે પ્રીમિયમ કે લક્ઝરી કાર ખરીદવાનું વિચારી રહ્યા છો, તો તમારા માટે ખુશખબર છે. આગામી દિવસોમાં મોંઘી અને લક્ઝરી કારોની કિંમતોમાં મોટો ઘટાડો થવા જઈ રહ્યો છે. જોકે, આ ઘટાડો સામાન્ય કે બજેટ કાર ખરીદનારાઓ માટે નથી, પરંતુ તે લોકો માટે છે જેઓ લક્ઝરી બ્રિટિશ કારોના શોખીન છે. આ ફેરફાર ભારત અને યુનાઇટેડ કિંગડમ (UK) વચ્ચે થયેલા ફ્રી ટ્રેડ એગ્રીમેન્ટ (FTA) એટલે કે મુક્ત વેપાર કરારના કારણે થવા જઈ રહ્યો છે.
15 જુલાઈથી બદલાશે નિયમ
ભારત-UK મુક્ત વેપાર કરાર 15 જુલાઈથી સત્તાવાર રીતે અમલમાં આવી જશે. આ કરાર હેઠળ બંને દેશો વચ્ચે વેપાર થતી ઘણી વસ્તુઓ પર ટેરિફ (આયાત ડ્યુટી) કાં તો સાવ નાબૂદ કરવામાં આવશે અથવા ખૂબ જ ઓછી કરવામાં આવશે. ઓટોમોબાઈલ સેક્ટર માટે આ કરાર ખૂબ જ મહત્વનો સાબિત થશે, કારણ કે બ્રિટનથી ભારત આવતી પ્રીમિયમ કારો પર ટેરિફમાં મોટો ઘટાડો થશે. યુકેના બિઝનેસ અને ટ્રેડ વિભાગના જણાવ્યા અનુસાર, આ કરાર પછી બ્રિટિશ કાર કંપનીઓ માટે ભારતનું બજાર ખૂબ સરળ બની જશે. ખાસ વાત એ છે કે ક્વોટા હેઠળ કાર પરનો ટેરિફ 100% થી ઘટાડીને સીધો 10% કરી દેવામાં આવશે.
આ પણ ખાસ વાંચો : તહેવારોની સીઝનમાં ધમાકો કરવા તૈયાર Bajaj Pulsar N125! : એડવાન્સ સસ્પેન્શન અને સ્માર્ટ ફીચર્સ સાથે નવા અવતારમાં થશે લોન્ચ
તૈયારી માટે મળ્યો 28 દિવસનો સમય
આ ઐતિહાસિક ફ્રી ટ્રેડ એગ્રીમેન્ટના અમલીકરણની જાહેરાત 17 જૂને કરવામાં આવી છે. આ નિયમને લાગુ કરતા પહેલાં તમામ બિઝનેસ અને કંપનીઓને તેમની સિસ્ટમ સેટ કરવા અને જરૂરી રજીસ્ટ્રેશન પ્રક્રિયા પૂર્ણ કરવા માટે 28 દિવસનો સમય આપવામાં આવ્યો છે. બ્રિટિશ સરકાર આ ડીલને ભારત સાથેનો અત્યાર સુધીનો સૌથી મોટો અને વ્યાપક વેપાર કરાર ગણાવી રહી છે. જોકે, આ ઘટાડેલા ટેરિફ હેઠળ બ્રિટિશ કંપનીઓ એક વર્ષમાં ભારતમાં કેટલી ગાડીઓ આયાત કરી શકશે, તે ક્વોટાની ચોક્કસ વિગતો હજુ જાહેર કરવામાં આવી નથી.
ભારતીય કંપનીઓ માટે પણ મોટી તક
આ કરાર માત્ર બ્રિટિશ કાર કંપનીઓ માટે જ ફાયદાકારક નથી, પરંતુ તેનાથી ભારતીય ઉદ્યોગો માટે પણ બ્રિટનમાં પ્રગતિના નવા દ્વાર ખુલશે. આ ડીલ બાદ ભારતીય કંપનીઓને યુકે (UK) ના બજારમાં કાપડ (ટેક્સટાઈલ), ચામડું (લેધર), ફૂટવેર, ઈલેક્ટ્રોનિક્સ અને ફાર્માસ્યુટિકલ્સ (દવાઓ) જેવા ક્ષેત્રોમાં મોટું બજાર મળશે અને નિકાસમાં ભારે વધારો થશે.
આ પણ ખાસ વાંચો : પહેલીવાર BMWની એક જ કારમાં મળશે 5 પાવરટ્રેનના ઓપ્શન! : નવી જનરેશન X5માં મળશે દમદાર ફીચર્સ અને પ્રીમિયમ ટેક્નોલોજી
કઈ કાર કેટલી સસ્તી થઈ?
આ કરારની અસર નિયમ લાગુ થતાં પહેલાં જ બજારમાં દેખાવા લાગી છે. ઘણી મોટી કંપનીઓએ પોતાની લક્ઝરી ગાડીઓની કિંમતો ઘટાડવાનું શરૂ કરી દીધું છે. બ્રિટનથી કાર આયાત કરતી જાણીતી કંપની જગુઆર લેન્ડ રોવર (JLR) એ 5 મેના રોજ જ પોતાના બે લોકપ્રિય રેન્જ રોવર મોડલ્સના ભાવ ઘટાડી દીધા છે. કંપનીએ રેન્જ રોવર SV ની કિંમતમાં 75 લાખ રૂપિયાનો મોટો ઘટાડો કર્યો છે, જેથી હવે આ કાર 4.25 કરોડ રૂપિયાના બદલે 3.50 કરોડ રૂપિયામાં મળશે. આ સિવાય રેન્જ રોવર સ્પોર્ટ SV ની કિંમતમાં પણ 40 લાખ રૂપિયાનો ઘટાડો કરાયો છે, જેનાથી તેની કિંમત 2.75 કરોડ રૂપિયાથી ઘટીને 2.35 કરોડ રૂપિયા થઈ ગઈ છે. સુપરકાર બનાવતી કંપની મેકલેરેન (McLaren) પણ પોતાની કારના ભાવમાં 38% સુધીનો ઘટાડો કરવાની તૈયારી કરી રહી છે, જેનાથી મેકલેરેન 750S કૂપેની કિંમત 7.94 કરોડ રૂપિયાથી ઘટીને 4.94 કરોડ રૂપિયા થઈ શકે છે.
સમજો નવો કર ઘટાડો અને ક્વોટા
આ એગ્રીમેન્ટ (FTA) હેઠળ અલગ-અલગ એન્જિન ક્ષમતા ધરાવતી કાર પર પહેલા વર્ષે આ મુજબ ટેક્સ લાગશે:
3000cc થી વધુ એન્જિન ધરાવતી પેટ્રોલ અને 2500cc થી વધુ એન્જિન ધરાવતી ડીઝલ કાર: આ કારો પરનો ટેરિફ 110% થી ઘટાડીને 30% કરવામાં આવશે. આ નિયમ વાર્ષિક 10,000 વાહનોના ક્વોટા પર લાગુ થશે.
1500cc થી 3000cc સુધીની પેટ્રોલ અને 2500cc સુધીની ડીઝલ કાર: આ શ્રેણીની કાર પર ટેરિફ 66% થી ઘટાડીને 50% કરવામાં આવશે, જેના માટે વાર્ષિક 5,000 કારનો ક્વોટા નક્કી કરાયો છે.
1500cc સુધીના નાના એન્જિન ધરાવતી કાર: આ કારો પર પણ પહેલા વર્ષે 50% ટેરિફ લાગશે અને તેના માટે પણ 5,000 કારનો ક્વોટા રહેશે.
