India GDP Growth: ઇરાન યુદ્ધ અને હોર્મુઝ સંકટ વચ્ચે પણ ભારતનું અર્થતંત્ર તેજ ગતિથી દોડશે. તેલ અને ગેસ સંકટ વચ્ચે પણ ભારતના વિકાસ દરની રફતાર ઝડપથી વધી રહી છે. અર્થવ્યવસ્થાને લઈને સરકારી આંકડાઓ અનુસાર, નાણાકીય વર્ષ 2025-26માં દેશનો રિયલ જીડીપી (GDP) ગ્રોથ રેટ 7.7 ટકા રહ્યો છે. જણાવી દઈએ કે ફેબ્રુઆરી 2026માં જાહેર કરાયેલા અંદાજમાં તે 7.6 ટકા રહેવાની વાત કહેવામાં આવી હતી.
ભારતના ગ્રોથનું એન્જિન
શુક્રવારે રિઝર્વ બેંક ઓફ ઇન્ડિયા (RBI) એ ભારતના જીડીપી ગ્રોથના અંદાજમાં ઘટાડો થવાની સંભાવના વ્યક્ત કરી હતી. રિઝર્વ બેંકના અંદાજ મુજબ નાણાકીય વર્ષ 2026-27 દરમિયાન ભારતનો રિયલ જીડીપી ગ્રોથ રેટ 6.6 ટકા રહેવાનો અંદાજ છે, જે અગાઉ 6.9 ટકા જાહેર કરવામાં આવ્યો હતો. શુક્રવારે મિનિસ્ટ્રી ઓફ સ્ટેટિસ્ટિક્સ એન્ડ પ્રોગ્રામ ઇમ્પ્લીમેન્ટેશન (MoSPI) દ્વારા જાહેર કરાયેલા આંકડા અનુસાર, નાણાકીય વર્ષ 2025-26માં ભારતનો વિકાસ દર વધીને 7.7% થઈ ગયો છે. આ વર્ષે અગાઉ આ આંકડો 7.1% હતો.
ભારતીય અર્થતંત્રની તાકાતને સમજો
MoSPI ના ડેટા અનુસાર, નાણાકીય વર્ષ 2025-26ના છેલ્લા ક્વાર્ટર (ત્રિમાસિક ગાળા) દરમિયાન ભારતનો જીડીપી ગ્રોથ 7.8% રહ્યો હતો. આ અગાઉના ક્વાર્ટર એટલે કે ઓક્ટોબર-ડિસેમ્બરના 8% ની સરખામણીએ ઓછો છે. આ ઘટાડાનું મુખ્ય કારણ ઇરાન યુદ્ધને લીધે સપ્લાય ચેનમાં આવેલી રુકાવટના કારણે મેન્યુફેક્ચરિંગ સેક્ટરની ગતિમાં આવેલો ધીમો ઉત્સાહ છે. છેલ્લા ક્વાર્ટરમાં મેન્યુફેક્ચરિંગ સેક્ટરનો ગ્રોથ 12.8% થી ઘટીને 7.3% પર પહોંચી ગયો છે.
તે જ રીતે, કન્સ્ટ્રક્શન સેક્ટરનો ગ્રોથ 8% થી વધીને 8.4% રહ્યો છે. જ્યારે ચોથા ક્વાર્ટરમાં સર્વિસ સેક્ટરનો ગ્રોથ 6.8% થી વધીને 9.9% થઈ ગયો છે. આ ઉપરાંત પ્રાઇવેટ કન્ઝમ્પશન ગ્રોથ: 5.6% થી વધીને 7.1% થયો, ગ્રોસ ફિક્સ્ડ કેપિટલ ફોર્મેશન ગ્રોથ: 6.2% થી વધીને 10.8% થયો. ગવર્મેન્ટ કન્ઝમ્પશન એક્સપેન્ડિચર ગ્રોથ: 3.6% થી વધીને 4.9% થયો. ઇન્ડસ્ટ્રી ગ્રોથ: 10% થી ઘટીને 7.3% રહ્યો. ટ્રેડ, હોટેલ, ટ્રાન્સપોર્ટ, ટેલિકોમ ગ્રોથ: 12.5% પર પહોંચી ગયો.
જાન્યુઆરીથી માર્ચ સુધી ભારતની GDPએ ભરી હરણફાળ : 7.8% વૃદ્ધિ સાથે નોંધાવી મજબૂત ગતિ
પ્રગતિની સાથે પડકાર પણ
ગ્રોસ વેલ્યુ એડેડ (GVA) નો ગ્રોથ રેટ 7.9% રહ્યો છે. આ સંકેત આપે છે કે આર્થિક ગતિવિધિઓમાં મજબૂતી જળવાઈ રહી છે. નોંધનીય છે કે GVA દર્શાવે છે કે દેશના અલગ-અલગ ક્ષેત્રોમાં કુલ કેટલી અસલી કમાણી કે વેલ્યુ (મૂલ્ય) ઉમેરાઈ છે. જોકે, વિકાસની સાથે પડકારો પણ જોડાયેલા છે. વૈશ્વિક પરિસ્થિતિઓ અને સ્થાનિક જોખમો વચ્ચે આ રફતારને જાળવી રાખવી પડકારજનક રહેશે.
