IND vs SA: ટીમ ઈન્ડિયા હવે વનડે સીરિઝમાં ટેસ્ટ સીરિઝમાં મળેલા ક્લીન સ્વીપનો બદલો લેવાનો પ્રયાસ કરશે. ભારત અને સાઉથ આફ્રિકા વચ્ચે ત્રણ મેચની વનડે સીરિઝ 30 નવેમ્બરથી શરૂ થવાની છે. બંને ટીમો વચ્ચેની પહેલી વનડે રવિવારે રાંચીમાં રમાશે. કેપ્ટન શુભમન ગિલ ઈજાને કારણે આ સીરિઝનો ભાગ નથી. તેના સ્થાને વિકેટકીપર-બેટ્સમેન કે. એલ રાહુલને કેપ્ટનશીપ સોંપવામાં આવી છે. પ્રથમ વનડે માટે ટીમ ઈન્ડિયાની પ્લેઈંગ ઈલેવન કેવી હશે? જાણો તેની સંપૂર્ણ માહિતી.
રોહિત શર્માની સાથે ઓપનિંગ કોણ કરશે?
પૂર્વ કેપ્ટન રોહિત શર્મા પ્રથમ વનડેમાં ઇનિંગ ઓપન કરશે તે નિશ્ચિત છે. જોકે, તેની સાથે કોણ ઓપનિંગ કરશે? આ એક મોટો પ્રશ્ન છે. રોહિત સાથે ઓપનિંગ કરવા માટે બે દાવેદાર છે. આવી સ્થિતિમાં, ઋતુરાજ ગાયકવાડ અને યશસ્વી જયસ્વાલમાંથી ફક્ત એકને જ તક મળશે. સ્ટાર બેટ્સમેન વિરાટ કોહલીનું પણ ત્રીજા નંબરે રમવું નિશ્ચિત છે.
તિલક વર્મા કે ઋષભ પંત, શ્રેયસ ઐયરનું સ્થાન કોણ લેશે?
ODI ના વાઇસ-કેપ્ટન શ્રેયસ ઐયર પણ ઈજાને કારણે આ સીરિઝનો ભાગ નથી. આવી સ્થિતિમાં, તિલક વર્મા કે ઋષભ પંત ચોથા નંબર પર તેની જગ્યાએ રમી શકે છે. કેપ્ટન કે. એલ રાહુલ પણ પાંચમા નંબર પર રમવાનું નક્કી છે. હાર્દિક પંડ્યાની જગ્યાએ નીતીશ કુમાર રેડ્ડીને ODI સીરિઝમાં તક મળી શકે છે.
ક્યાં ક્યાં બોલિંગ ઓપ્શન હશે
રાંચીની પિચને ધ્યાનમાં રાખીને, ટીમ ઇન્ડિયા ત્રણ સ્પિનરોને મેદાનમાં ઉતારી શકે છે. જેમાં બે ઓલરાઉન્ડરનો સમાવેશ થાય છે. ચાઇનામેન સ્પિનર કુલદીપ યાદવ, વોશિંગ્ટન સુંદર અને રવિન્દ્ર જાડેજા સાથે એક્શનમાં હોઈ શકે છે. હર્ષિત રાણા અને અર્શદીપ સિંહ ફાસ્ટ બોલિંગ સંભાળશે. નીતિશ રેડ્ડી સાથે, કુલ 6 બોલિંગ ઓપ્શન હશે.
સાઉથ આફ્રિકા સામેની પ્રથમ વનડે માટે ભારતની સંભવિત પ્લેઈંગ ઈલેવન - રોહિત શર્મા, ઋતુરાજ ગાયકવાડ/યશસ્વી જયસ્વાલ, વિરાટ કોહલી, ઋષભ પંત, કે. એલ રાહુલ (કેપ્ટન અને વિકેટકીપર), નીતિશ કુમાર રેડ્ડી, વોશિંગ્ટન સુંદર, રવિન્દ્ર જાડેજા, કુલદીપ યાદવ, હર્ષિત રાણા અને અર્શદીપ સિંહ.
