IND vs SA 2nd Test Day 4 Highlights: બીજી ટેસ્ટમાં સાઉથ આફ્રિકાએ ભારતને 549 રનનો લક્ષ્યાંક આપ્યો હતો. જવાબમાં, ચોથા દિવસની રમતના અંતે ભારતે 27 રનમાં બે વિકેટ ગુમાવી દીધી હતી. ભારત હજુ પણ 522 રન પાછળ છે. સાઈ સુદર્શન અને કુલદીપ યાદવ હાલમાં ક્રીઝ પર છે. ચોથા દિવસે, સાઉથ આફ્રિકાએ 260 રન પર પોતાની બીજી ઇનિંગ ડિકલેર કરી, જેમાં ભારતને પ્રથમ ઇનિંગની લીડના આધારે 549 રનનો લક્ષ્યાંક આપ્યો હતો. ભારતીય ટીમ મોટી હારની આરે છે. અને ચોથા દિવસનો અંત થઈ ગયો છે.
ચોથા દિવસની શરૂઆત
સાઉથ આફ્રિકાએ ચોથા દિવસની શરૂઆત 26/0 થી કરી. રાયન રિકેલ્ટન 35 અને એડન માર્કરામ 29 રને આઉટ થયા. સાઉથ આફ્રિકા માટે ટ્રિસ્ટન સ્ટબ્સે મુખ્ય ભૂમિકા ભજવી, તેને 94 રન બનાવ્યા. ટોની ડી જોર્ઝી ફિફ્ટી ચૂકી ગયો, રવિન્દ્ર જાડેજાએ તેને 49 રને આઉટ કર્યો. રવિન્દ્ર જાડેજાએ બીજી ઇનિંગમાં ભારત માટે ચાર વિકેટ લીધી.
ટીમ ઈન્ડિયા શરમજનક હારની તૈયારીમાં
549 રનના લક્ષ્યાંકનો પીછો કરતી વખતે, ભારતીય ટીમે ચોથા દિવસની રમતના અંતે બે વિકેટ ગુમાવી દીધી હતી અને માત્ર 35 રન બનાવ્યા છે. તમને જણાવી દઈએ કે ભારત સામે ટેસ્ટમાં રનના સંદર્ભમાં સૌથી મોટી જીત ઓસ્ટ્રેલિયાના નામે છે, જેણે 2024માં ટીમ ઈન્ડિયાને 342 રનથી હરાવ્યું હતું. આ સંદર્ભમાં, સાઉથ આફ્રિકા ઓસ્ટ્રેલિયાને પાછળ છોડીને ભારતને સૌથી વધુ રનથી હરાવનારી ટીમ બની શકે છે.
ભારતની બેટિંગ અને બોલિંગ ફ્લોપ
ગુવાહાટી ટેસ્ટમાં, ભારતીય ટીમ બેટિંગ હોય કે બોલિંગ બંનેમાં સારું પ્રદર્શન કરવામાં નિષ્ફળ ગઈ. પ્રથમ ઇનિંગમાં, ભારતીય બોલરોએ સાઉથ આફ્રિકાના છ બેટ્સમેનોને 246 રનમાં આઉટ કર્યા. જોકે, આફ્રિકન ટીમની છેલ્લી ચાર વિકેટો 243 રનમાં પડી ગઈ. પરિણામે, સાઉથ આફ્રિકાનો પ્રથમ ઇનિંગ 489 રન પર સમાપ્ત થયો. આટલા મોટા સ્કોરનો પીછો કરવા ઉતરેલી ભારતની પહેલી ઈનિંગ 201 રનમાં ઓલઆઉટ થઈ ગઈ હતી. જેના કારણે સાઉથ આફ્રિકાને 288 રનની લીડ મળી ગઈ. ભારતીય બોલરોએ સાઉથ આફ્રિકાની બીજી ઇનિંગને સસ્તામાં આઉટ થાય તે સુનિશ્ચિત કરવાનું હતું, પરંતુ તેમાં પણ ભારતીય ટીમ ખાલી 260 રનમાં 5 વિકેટ જ લઈ શકી અને સાઉથ આફ્રિકાએ પોતાની ઇનિંગ્સ ડિકલેર કરી. હવે, ભારતીય ટીમ 549 રનના લક્ષ્યનો પીછો કરવા ઉતરેલી ટીમ ઈન્ડિયાએ 27 રનમાં ફક્ત બે વિકેટ ગુમાવી દીધી છે.
આવતીકાલની સંભાવના
હવે આવતીકાલનો દિવસ નિર્ણાયક છે. જો ટીમ ઓલઆઉટ થાય છે તો સીરિઝમાં વ્હાઇટ-વોશ થશે. જો ડ્રૉ કરે છે તો સીરિઝ 1-0 થી હારી જશે. અને કોઈ જાદુ થાય તો ઈન્ડિયા આ મેચ જીતીને આ સીરિઝને 1-1 થી ડ્રૉ કરશે.
