Team India's Playing XI Canberra 1st T20I: ભારત અને ઓસ્ટ્રેલિયા વચ્ચે 5 મેચની T20 સીરિઝની પહેલી મેચ કેનબેરાના મનુકા ઓવલ ખાતે રમાઈ રહી છે. આ મેચમાં ભારતીય ટીમને પહેલા બેટિંગ કરવાની તક આપવામાં આવી હતી. ઓસ્ટ્રેલિયન કેપ્ટન મિશેલ માર્શે ટોસ જીત્યો હતો. આ મેચમાં બંને ટીમોની પ્લેઈંગ ઈલેવનમાં ઘણા મોટા ફેરફારો જોવા મળ્યા હતા.
નીતિશકુમાર રેડ્ડી ત્રણ મેચમાંથી બહાર!
મેચની શરૂઆતમાં, એક અપડેટ આવી કે, ઓલરાઉન્ડર નીતિશ કુમાર રેડ્ડી પ્રથમ ત્રણ T20 મેચોમાંથી બહાર થઈ ગયા છે. એડિલેડમાં બીજી વનડે દરમિયાન ઓલરાઉન્ડરને ડાબા quadriceps માં ઈજા થઈ હતી. હવે નીતિશકુમાર રેડ્ડી ગરદનમાં ખેંચાણથી પીડાઈ રહ્યો છે, જેના કારણે તેની રિકવરી અને મૂવમેન્ટ પર અસર પડી છે. BCCI મેડિકલ ટીમ સતત તેની સ્થિતિ પર નજર રાખી રહી છે.
પ્રથમ T20I માટે ટીમ ઈન્ડિયાની પ્લેઈંગ ઈલેવન: અભિષેક શર્મા, શુભમન ગિલ, તિલક વર્મા, સૂર્યકુમાર યાદવ (કેપ્ટન), સંજુ સેમસન (વિકેટકીપર), શિવમ દુબે, અક્ષર પટેલ, હર્ષિત રાણા, કુલદીપ યાદવ, વરુણ ચક્રવર્તી, જસપ્રિત બુમરાહ.
પ્રથમ T20I માટે ઓસ્ટ્રેલિયાની પ્લેઇંગ ઇલેવન: મિશેલ માર્શ (કેપ્ટન), ટ્રેવિસ હેડ, જોશ ઇંગ્લિસ (વિકેટકીપર), ટિમ ડેવિડ, મિચ ઓવેન, માર્કસ સ્ટોઇનિસ, જોશ ફિલિપ, ઝેવિયર બાર્ટલેટ, નાથન એલિસ, મેથ્યુ કુહનેમેન, જોશ હેઝલવુડ.
પ્રથમ T20I માંથી અર્શદીપ સિંહને રાખ્યો બહાર
હાલના સમયમાં ભારતના સૌથી સફળ T20I બોલર અર્શદીપ સિંહને પ્લેઇંગ ઇલેવનમાંથી બહાર રાખવામાં આવ્યો છે. નીચલા ક્રમની બેટિંગને મજબૂત બનાવવા માટે ભારતે તેના સ્થાને હર્ષિત રાણાને ટીમમાં સામેલ કર્યો છે. રિંકુ સિંહ, જીતેશ શર્મા અને વોશિંગ્ટન સુંદરને પણ પહેલી મેચમાં બેન્ચ પર રાખવામાં આવ્યા છે.
મેચનો સ્કોરકાર્ડ
પ્રથમ બેટિંગ કરવા આવેલ ભારતીય ટીમે પ્રથમ 5 ઓવરમાં 43 રન ફટકારીને 1 વિકેટ ગુમાવી છે. ભારતીય ટીમ તરફથી અભિષેક શર્માએ 14 બોલમાં 19 રન ફટકારી શક્યો, જેમાં 4 ચોક્કા સામેલ છે. શુભમન ગિલ 9 બોલમાં 16 રન બનાવીને નોટઆઉટ છે, અને તેની સાથે ભારતીય કેપ્ટન સુર્યકુમાર યાદવ 7 બોલમાં 8 રન બનાવીને નોટઆઉટ છે. હાલમાં મેચ વરસાદના વિલંબને કારણે મેચને રોકવામાં આવી છે.
