How is the Indian team performing in Visakhapatnam: ભારત અને સાઉથ આફ્રિકા વચ્ચે ચાલી રહેલી ત્રણ મેચની ODI સીરિઝ રોમાંચક તબક્કામાં પહોંચી ગઈ છે. ભારતે રાંચીમાં પહેલી ODI 17 રને જીતી હતી, જ્યારે સાઉથ આફ્રિકાએ રાયપુરમાં બીજી ODI 4 વિકેટે જીતી હતી. સીરિઝ 1-1 થી બરાબર છે. ત્રીજી અને નિર્ણાયક મેચ શનિવારે વિશાખાપટ્ટનમમાં રમાશે. જાણો વિશાખાપટ્ટનમમાં ODI ફોર્મેટમાં ભારતનો રેકોર્ડ કેવો રહ્યો છે.
ભારતીય ટીમનો રેકોર્ડ
વિશાખાપટ્ટનમ ખાતે ભારતીય ટીમનો ODI ફોર્મેટમાં ઉત્તમ રેકોર્ડ છે. ટીમ ઇન્ડિયાએ આ મેદાન પર અત્યાર સુધીમાં 10 મેચ રમી છે. જેમાંથી ભારતે 7 જીતી છે અને 2 હારનો સામનો કરવો પડ્યો છે. 1 મેચનું પરિણામ આવ્યું નથી. ભારતે હજુ સુધી વિશાખાપટ્ટનમમાં સાઉથ આફ્રિકા સામે એક પણ વનડે મેચ રમી નથી.
સૌથી વધુ સ્કોર
વિશાખાપટ્ટનમના ACA-VDCA ક્રિકેટ સ્ટેડિયમની પીચને બેટિંગ માટે અનુકૂળ પીચ માનવામાં આવે છે. આ પીચ પર બે સૌથી વધુ સ્કોર ભારતીય ટીમ દ્વારા બનાવવામાં આવ્યા છે. 18 ડિસેમ્બર, 2019 ના રોજ, ભારતે વેસ્ટ ઈન્ડિઝ સામે 5 વિકેટે 387 રન બનાવ્યા હતા. 5 એપ્રિલ, 2005 ના રોજ, ભારતે પાકિસ્તાન સામે 9 વિકેટે 356 રન બનાવ્યા હતા. બંને મેચમાં ભારતીય ટીમનો વિજય થયો હતો.
સૌથી ઓછો સ્કોર
સૌથી ઓછા સ્કોરનો રેકોર્ડ ન્યૂઝીલેન્ડના નામે છે, જે 29 ઓક્ટોબર, 2016 એ ભારત સામે 79 રનમાં ઓલઆઉટ થયું હતું. બીજો સૌથી ઓછો સ્કોર ભારતનો છે, જે 19 માર્ચ, 2023 ના રોજ ઓસ્ટ્રેલિયા સામે 117 રનમાં ઓલઆઉટ થઈ ગયું હતું.
સૌથી મોટો વિજય
ભારતનો રન માર્જિનથી સૌથી મોટો વિજય 2016 માં ન્યુઝીલેન્ડ સામે હતો, જેમાં 190 રનથી વિજય થયો હતો. ઓસ્ટ્રેલિયાએ 2023 માં ભારતને 10 વિકેટથી હરાવીને વિકેટ માર્જિનથી સૌથી મોટો વિજય મેળવ્યો હતો.
ક્યાં ખેલાડીનો રેકોર્ડ વિશાખાપટ્ટનમમાં સૌથી સારો છે?
વિશાખાપટ્ટનમ પણ વિરાટ કોહલી માટે ભાગ્યશાળી રહ્યું છે. તેને 7 મેચમાં 3 સેંચુરી ફટકારી છે. આ મેદાન પર સૌથી વધુ સેંચુરી ફટકારવાનો રેકોર્ડ વિરાટ કોહલીના નામે છે. આ સ્ટેડિયમમાં એક ઇનિંગમાં સૌથી વધુ રોહિત શર્મા (159 રન) એ 2019 માં વેસ્ટ ઇન્ડીઝ સામે રમી હતી. વિરાટ કોહલી બીજા ક્રમે છે, જેને 2018 માં વેસ્ટ ઇન્ડીઝ સામે નોટઆઉટ 157 રન બનાવ્યા હતા. ભારતના કુલદીપ યાદવ વિશાખાપટ્ટનમમાં સૌથી સફળ બોલર રહ્યા છે. કુલદીપે 9 મેચમાં 4 વિકેટ લીધી છે. એકંદરે, વિશાખાપટ્ટનમમાં આંકડા ભારતના પક્ષમાં છે. ભારતીય ટીમ ત્રીજી મેચમાં સાઉથ આફ્રિકાને હરાવીને સીરિઝ જીતી શકે છે કે નહીં તે જોવાનું રહેશે.
