એ લોકોને બનવાયા હતા બંધક જેમને યુદ્ધથી કોઈ લેવાદેવા નહીં : સીઝફાયર પછી તમામને છોડ્યા

ગાઝા યુદ્ધવિરામ બાદ ઈઝરાયેલના બંધકો અને પેલેસ્ટિનિયન કેદીઓને મુક્ત કરવામાં આવ્યા છે. ગાઝાના યુદ્ધ દરમિયાન માત્ર ઈઝરાયેલ અને પેલેસ્ટાઈનમાં જ નહીં પરંતુ 25 લોકોને બંધક બનાવવામાં આવ્યા હતા, જેમને આ યુદ્ધ સાથે કોઈ લેવાદેવા નથી.

19 નવેમ્બર, 2023 ના રોજ, રેડ સીમાં ઓપરેશન હાથ ધરતી વખતે, હુથીએ 'ગેલેક્સી લીડર' નામનું ઇઝરાયેલનું જહાજ કબજે કર્યું. ગાઝા માટે યમનના સૈન્ય સમર્થનના ભાગ રૂપે હાથ ધરવામાં આવેલા ઓપરેશનના પરિણામે 25 લોકોની અટકાયત કરવામાં આવી હતી જે જહાજ હૂથીઓ દ્વારા એક વર્ષથી વધુ સમયથી રાખવામાં આવ્યું હતું. આપને જણાવી દઈએ કે ઈઝરાયેલને બદલે આ જહાજમાં તમામ વિદેશી સ્ટાફ હતો, જેમાંથી મોટાભાગના ફિલિપાઈન્સના હતા. હવે સીઝ ફાયર પછી તમામને મુક્ત કરવામાં આવ્યા છે.

હમાસ સાથેની વાતચીત બાદ બંધકોને મુક્ત કરવામાં આવ્યા
યમનની સુપ્રીમ પોલિટિકલ કાઉન્સિલે ગેલેક્સી લીડર જહાજના ક્રૂને મુક્ત કરવાની જાહેરાત કરી. ઓમાનની મધ્યસ્થીથી ક્રૂને મુક્ત કરવામાં આવ્યું છે. આ નિર્ણયને ગાઝામાં યુદ્ધવિરામ સમજૂતીને સમર્થન આપતા હુથીઓના સંકેત તરીકે વર્ણવવામાં આવી રહ્યું છે. હુથી બળવાખોરોએ મધ્યસ્થી દ્વારા પહેલેથી જ સ્પષ્ટ કરી દીધું હતું કે ક્રૂની મુક્તિ હમાસના હાથમાં છે અને હમાસ તરફથી સંકેત મળતાં જ તેઓ તેમને મુક્ત કરશે.