Honda City Facelift : ભારતીય ઓટોમોબાઈલ માર્કેટમાં મધ્યમ સાઇઝની સેડાન કારમાં હોન્ડા સિટી હંમેશા ગ્રાહકોની પ્રથમ પસંદ રહી છે. લાંબા સમયથી આ સેગમેન્ટ પર રાજ કરનારી આ કાર હવે નવા અવતારમાં આવવા તૈયાર છે. કંપની આ લોકપ્રિય કારને વધુ આધુનિક અને સ્પોર્ટી બનાવીને તેના ફેસલિફ્ટ મોડલ સાથે માર્કેટમાં ઉતારવાની તૈયારી કરી રહી છે. ખાસ કરીને યુવા જનરેશનને ધ્યાનમાં રાખીને આ કારમાં લુક અને ફીચર્સ બંને બાબતે મોટા ફેરફારો કરવામાં આવ્યા છે. નવી Honda City Facelift ભારતીય માર્કેટમાં 22 મે, 2026 ના રોજ લોન્ચ થવા જઈ રહી છે. કંપની આ દિવસે કાર પરથી સત્તાવાર રીતે પડદો ઉઠાવશે અને તેની કિંમતોની જાહેરાત કરશે.
નવી ડિઝાઇન અને દેખાવ
નવી હોન્ડા સિટી ફેસલિફ્ટની ડિઝાઇન વૈશ્વિક સ્તરે જાણીતી હોન્ડા પ્રિલ્યુડ પર આધારિત હોવાનું માનવામાં આવે છે, જે તેને એક શાર્પ સ્પોર્ટ્સ કાર જેવો લુક આપે છે. તેના આગળના ભાગમાં સૌથી મોટો ફેરફાર જોવા મળશે, જેમાં પહેલા કરતા વધુ પહોળી LED હેડલાઇટ્સ અને નવી ગ્રિલ આપવામાં આવશે. કારના બમ્પરને પણ આક્રમક રીતે રિડિઝાઇન કરવામાં આવ્યું છે. તેની બોડી લાઇન હવે વધુ આધુનિક લાગે છે અને નવા એલોય વ્હીલ્સ કારની પ્રોફાઇલને વધુ પ્રીમિયમ બનાવે છે.
ઇન્ટિરિયર અને કેબિન અપડેટ
કારની અંદર પગ મૂકતા જ તમને લક્ઝરીનો અહેસાસ થશે કારણ કે કેબિનમાં હવે ઘણા પ્રીમિયમ ફેરફારો કરવામાં આવ્યા છે. કેબિનમાં હવે નવી અને મોટી ટચસ્ક્રીન ઇન્ફોટેનમેન્ટ સિસ્ટમ જોવા મળી શકે છે, જે વાયરલેસ કનેક્ટિવિટીને સપોર્ટ કરશે. ડેશબોર્ડની લેઆઉટ અને મટીરિયલ ક્વોલિટીમાં પણ નોંધપાત્ર સુધારો કરવામાં આવ્યો છે. જોકે, હોન્ડા સિટી તેની પાછળની સીટના આરામ માટે જાણીતી છે, તેથી કંપનીએ લેગ-રૂમ અને હેડ-રૂમ જેવી સુવિધાઓમાં કોઈ જ બાંધછોડ કરી નથી.
5-star safety પહેલા અટકી ગઈ હતી આ કારો!: ભારત NCAP ની ‘કડક’ પ્રક્રિયાનો ખુલાસો
આધુનિક ફીચર્સ અને સેફ્ટી
ટેકનોલોજી અને સુરક્ષાની દ્રષ્ટિએ આ કાર હવે વધુ સ્માર્ટ બની છે. તેમાં સૌથી મહત્વનું અપડેટ 360-ડિગ્રી કેમેરા હોઈ શકે છે, જે ટ્રાફિક અને પાર્કિંગમાં ખૂબ મદદરૂપ થશે. આ ઉપરાંત પાવર એડજસ્ટેબલ ડ્રાઇવર સીટ અને મલ્ટીપલ એરબેગ્સ જેવી સેફ્ટી ફીચર્સ પણ ઉમેરવામાં આવ્યા છે. આ હાઇ-ટેક ફીચર્સ કારને માત્ર આરામદાયક જ નહીં પરંતુ સુરક્ષિત પણ બનાવે છે, જે આજના સમયની માગ છે.
2026-27 માં Royal Enfield કરશે અનેક ધમાકા!: બુલેટ 650 થી હિમાલયન 440 સુધી, કંપનીની આગામી બાઇક્સ વિશે જાણો
એન્જિન અને પરફોર્મન્સ
પાવર અને પરફોર્મન્સની વાત કરીએ તો, કંપની તેના ભરોસાપાત્ર એન્જિનમાં કોઈ મોટો ફેરફાર કરી રહી નથી. નવી હોન્ડા સિટીમાં પણ શક્તિશાળી 1.5-લિટર i-VTEC પેટ્રોલ એન્જિન જ મળશે, જે શ્રેષ્ઠ માઇલેજ અને પાવરનું મિશ્રણ પૂરું પાડે છે. ગ્રાહકોને તેમની પસંદગી મુજબ 6-સ્પીડ મેન્યુઅલ અને એડવાન્સ CVT ઓટોમેટિક ગિયરબોક્સના બંને વિકલ્પો પહેલાની જેમ જ મળતા રહેશે, જે શહેર અને હાઈવે બંને ડ્રાઇવિંગ માટે અનુકૂળ છે.
