આસામમાં 10 મહિનાના બાળકમાં 'હ્યુમન મેટાન્યૂમોવાયરસ' (HMPV)નો કેસ નોંધાયો. આસામમાં આ પ્રકારનો આ પહેલો કેસ છે. અધિકારીઓએ કહ્યું કે બાળકની ડિબ્રુગઢની આસામ મેડિકલ કોલેજ-હોસ્પિટલમાં સારવાર ચાલી રહી છે અને હવે તેની હાલત સ્થિર છે. AMCHના અધિક્ષક ડૉ. ધ્રુબજ્યોતિ ભુયાએ જણાવ્યું કે ચાર દિવસ પહેલા બાળકને શરદીના લક્ષણોને કારણે સરકારી હોસ્પિટલમાં દાખલ કરવામાં આવ્યો હતો. 'ગઈકાલે લાહૌલ સ્થિત ICMR-RMRC તરફથી પરીક્ષણના પરિણામો મળ્યા બાદ HMPV વાયરસની પુષ્ટિ થઈ.
ડો. ભુઈયાએ જણાવ્યું કે ઈન્ફલ્યુએન્ઝા અને ફ્લૂ સંબંધિત કેસોમાં ટેસ્ટિંગ માટે ઈન્ડિયન કાઉન્સિલ ઓફ મેડિકલ રિસર્ચ ને નિયમિત પણે સેમ્પલ મોકલવામાં આવે છે. તેમણે કહ્યું, 'તે એક નિયમિત પરીક્ષણ હતું, જે દરમિયાન HMPV ચેપ જોવા મળ્યો. બાળકની હાલત હવે સ્થિર છે. આ એક સામાન્ય વાયરસ છે અને તેમાં ચિંતા કરવાની કોઈ વાત નથી.
2014માં HMPVના આવ્યા હતા 10 કેસ
ડિબ્રુગઢના લાહોવાલ ખાતે સ્થિત ICMRના પ્રાદેશિક તબીબી સંશોધન કેન્દ્રના વરિષ્ઠ વૈજ્ઞાનિક.
ડો.વિશ્વજીત બોરકાકોટીએ આ અંગે વધુ માહિતી આપી હતી. તેમણે કહ્યું, '2014થી, અમે ડિબ્રુગઢ જિલ્લામાં HMPVના 110 કેસ શોધ્યા છે. આ સિઝનનો આ પહેલો કેસ છે. તે દર વર્ષે સામે આવે છે અને તે કંઈ નવું નથી. અમને AMCHમાંથી સેમ્પલ મળ્યા છે અને તે HMPV હોવાની પુષ્ટિ થઈ છે. ,
ઉનાળામાં ઠંડક અને હાઇડ્રેશન માટે શ્રેષ્ઠ પીણું: ગંભીર બીમારીઓમાં રામબાણ ઈલાજ, ફાયદાની જાણીને ચોંકી જશો
