370 biryani controversy: સોશિયલ મીડિયા પર વાયરલ થયેલા નિવેદન બાદ દેશભરમાં ચર્ચા, કોમેડિયન પ્રણિત મોરે પણ જાહેર માફી માંગતા કહ્યું- ‘હું તેને ત્યાં જ રોકી શકતો હતો’. તાજેતરના દિવસોમાં સોશિયલ મીડિયા પર ચર્ચાનો કેન્દ્ર બનેલા ‘₹370 બિરયાની’ વિવાદમાં હવે મુખ્ય પાત્ર હિમાંશુ જાંગ્રાએ ખુલીને પસ્તાવો વ્યક્ત કર્યો છે. ગુરુગ્રામના રહેવાસી અને વેબ ડેવલપર તરીકે કામ કરતા હિમાંશુ જાંગ્રાએ સ્વીકાર્યું છે કે તેણે જાહેર મંચ પર “ખોટા શબ્દો” વાપર્યા હતા અને તેને કોમેડિયન પ્રણિત મોરેના શોમાં જવાનું પણ પસ્તાવો છે. વિવાદાસ્પદ ટિપ્પણી વાયરલ થયા બાદ તેને પોતાની નોકરી પણ ગુમાવવી પડી હોવાનું સામે આવ્યું છે.
'હું ગે નથી': છૂટાછેડા બાદ ટ્રોલર્સના નિશાને આવેલી મૌની રોયનો ખુલાસો
આ સમગ્ર વિવાદની શરૂઆત પ્રણિત મોરેના એક સ્ટેન્ડ-અપ કોમેડી શોના ‘ક્રાઉડ વર્ક’ સેગમેન્ટમાંથી થઈ હતી. વાયરલ થયેલા વીડિયોમાં હિમાંશુ જાંગ્રા પોતાની ડેટિંગ સંબંધિત એક ઘટના વર્ણવતો જોવા મળ્યો હતો. તેણે દાવો કર્યો હતો કે ડેટ દરમિયાન તેણે ₹370ની ચિકન બિરયાની માટે ખર્ચ કર્યો હતો અને ત્યારબાદ તેણે તેના બદલામાં કંઈક અપેક્ષા રાખી હતી. આ નિવેદનને સોશિયલ મીડિયા પર મહિલાઓ પ્રત્યે અપમાનજનક, અસંવેદનશીલ અને સંમતિ (Consent) વિશે ખોટી માનસિકતા દર્શાવતું ગણાવવામાં આવ્યું.
વિવાદ બાદ ભારે પ્રતિક્રિયા
વીડિયો વાયરલ થતાં જ સોશિયલ મીડિયા પર ભારે વિરોધ જોવા મળ્યો. અનેક સોશિયલ મીડિયા ઇન્ફ્લુએન્સર્સ, કલાકારો અને મહિલા અધિકાર કાર્યકરોએ આ નિવેદનની ટીકા કરી. ચર્ચાનો મુખ્ય મુદ્દો એ રહ્યો કે કોઈ વ્યક્તિએ ડેટ દરમિયાન ખર્ચ કર્યો હોય તો તેનાથી તેને કોઈપણ પ્રકારની અંગત નજીકતા અથવા સંબંધનો અધિકાર મળતો નથી. ‘Biryani Is Not Consent’ જેવા હેશટેગ્સ પણ ટ્રેન્ડ થયા અને મુંબઈ પોલીસે પણ સંમતિ અંગે જાગૃતિ ફેલાવતો સંદેશ શેર કર્યો હતો.
વિવાદ માત્ર સોશિયલ મીડિયા સુધી મર્યાદિત રહ્યો નહોતો. હિમાંશુ જ્યાં નોકરી કરતો હતો તે ગુરુગ્રામ સ્થિત ડિઝાઇન અને બ્રાન્ડિંગ કંપનીએ જાહેર કર્યું કે તેના નિવેદનો કંપનીના મૂલ્યો સાથે મેળ ખાતા નથી. આંતરિક સમીક્ષા બાદ કંપનીએ તેની સાથેનો રોજગાર સંબંધ સમાપ્ત કરવાનો નિર્ણય લીધો હતો. કંપનીના સંચાલકોએ જણાવ્યું હતું કે કર્મચારી સામે કાર્યસ્થળે કોઈ ફરિયાદ નહોતી, પરંતુ જાહેર વિવાદ કંપનીની પ્રતિષ્ઠા અને કાર્યસંસ્કૃતિને અસર કરી રહ્યો હતો.
એક જ શો, બે વિવાદ, બે અલગ પરિણામ: હિમાંશુની નોકરી ગઈ, જ્યારે સેજલને માત્ર 15 દિવસની ફરજિયાત રજા કેમ?
હિમાંશુનો પસ્તાવો અને જાહેર નિવેદન
વિવાદ વધતા હિમાંશુ જાંગ્રાએ પોતાનું મૌન તોડ્યું. મીડિયા અહેવાલો અનુસાર તેણે સ્વીકાર્યું કે તેના દ્વારા વપરાયેલા શબ્દો ખોટા હતા અને સમગ્ર ઘટનાને લઈને તેને દુઃખ છે. તેણે કહ્યું કે તે કોમેડી શોમાં ગયો હતો, પરંતુ ત્યારબાદ જે કંઈ બન્યું તે અંગે હવે તેને પસ્તાવો થાય છે. હિમાંશુના નિવેદનને કેટલાક લોકોએ જવાબદારી સ્વીકારવાનો પ્રયાસ ગણાવ્યો છે, જ્યારે કેટલાકનું માનવું છે કે આ માફી ખૂબ મોડેથી આવી છે. આ દરમિયાન કોમેડિયન પ્રણિત મોરે પણ સતત ટીકા વચ્ચે આવ્યા. કારણ કે વાયરલ ક્લિપ દરમિયાન તેઓ હિમાંશુની વાતો પર હસતા જોવા મળ્યા હતા અને તેમણે તેને તરત પડકાર્યો નહોતો. બાદમાં પ્રણિત મોરેએ જાહેર માફી માગી હતી અને સ્વીકાર્યું હતું કે તેઓ તે સમયે હિમાંશુને રોકી શકતા હતા, પરંતુ પ્રેક્ષકોની પ્રતિક્રિયા વચ્ચે તેઓ પોતે પણ ‘કૅરીડ અવે’ થઈ ગયા હતા. તેમણે કહ્યું કે આ તેમની સૌથી મોટી ભૂલ હતી અને જેના કારણે લોકો દુઃખી થયા હોય તેમની સામે તેઓ માફી માંગે છે.
બેંકોકથી મુંબઈ આવી અને સીધી જેલમાં!: 11.82 કરોડના ડ્રગ્સ સાથે ઝડપાઈ કેરળની બ્યુટી ક્વીન
કાનૂની અને સામાજિક અસર
વિવાદ વધતા મામલો કાનૂની સ્તર સુધી પણ પહોંચ્યો છે. વિવિધ અહેવાલો અનુસાર મહારાષ્ટ્ર સાયબર પોલીસ દ્વારા કેસ નોંધાયો છે અને સંબંધિત તપાસ ચાલી રહી છે. ઉપરાંત રાષ્ટ્રીય મહિલા આયોગે પણ આ મામલે નોંધ લીધી હોવાનું અહેવાલોમાં જણાવાયું છે. પ્રણિત મોરેએ કહ્યું છે કે તેઓ તમામ કાનૂની પ્રક્રિયામાં સત્તાધિકારીઓ સાથે સહકાર આપી રહ્યા છે. આ ઘટના માત્ર એક વાયરલ વીડિયો પૂરતી મર્યાદિત રહી નથી. તેણે ડેટિંગ સંસ્કૃતિ, સંમતિ, સોશિયલ મીડિયા જવાબદારી અને જાહેર મંચો પર કરવામાં આવતા નિવેદનોની અસર અંગે રાષ્ટ્રીય સ્તરે ચર્ચા ઊભી કરી છે. અનેક નિષ્ણાતો માને છે કે ડિજિટલ યુગમાં વ્યક્તિગત ટિપ્પણીઓ પણ વ્યાવસાયિક અને સામાજિક જીવન પર લાંબા ગાળાની અસર કરી શકે છે.
હિમાંશુ જાંગ્રાની માફી અને પ્રણિત મોરેના સ્પષ્ટીકરણ બાદ પણ વિવાદ સંપૂર્ણપણે શમ્યો નથી. સોશિયલ મીડિયા પર હજુ પણ ચર્ચા ચાલુ છે કે જાહેર મંચો પર કરવામાં આવેલા આવા નિવેદનો સામે સમાજ અને કાનૂની તંત્રે કેવી પ્રતિક્રિયા આપવી જોઈએ. આ કેસ હવે માત્ર એક કોમેડી શોના વિવાદથી આગળ વધી સંમતિ, જવાબદારી અને ડિજિટલ યુગના પરિણામો અંગેની મોટી ચર્ચામાં પરિવર્તિત થયો છે.
