Gujarat Weather Update Latest Report: આવતીકાલે 8 ફેબ્રુઆરીથી વેસ્ટર્ન ડિસ્ટર્બન્સ સક્રિય થઈ રહ્યું છે. અંબાલાલ પટેલની આગાહી અનુસાર, આગામી બે દિવસ પવનની ગતિ વધુ રહેશે. મધ્ય ગુજરાતના ભાગોમાં પવનની ગતિ 15 કિમી પ્રતિ કલાકની રહેશે. હિમાચલ પ્રદેશ, જમ્મુ-કાશ્મીર, ઉત્તરાખંડ, લદ્દાખમાં વરસાદ અને હિમવર્ષા થઈ શકે છે. ઓડિશા, ઉત્તર પ્રદેશ, મધ્યપ્રદેશ, છત્તીસગઢ અને મધ્ય ભારતમાં ધુમ્મસના કારણે તાપમાનમાં 2 થી 3 ડિગ્રીનો ઘટાડો થશે.
આસામમાં સાયક્લોનિક સરક્યુલેશન સક્રિય છે, જેના કારણે આસામ, મેઘાલય અને અરુણાચલ પ્રદેશમાં ભારે વરસાદનું એલર્ટ છે. અંબાલાલ પટેલે કહ્યું છે કે આ દિવસોમાં સવારે હિમાયળું હવામાન રહેશે. 9 થી 11 ફેબ્રુઆરીમાં ફરી હવામાન પલટાય તેવી શક્યતા છે. 11 અને 12 ફરી ઉત્તર ભારતમાં હિમવર્ષા રહેતા સવારે ઠંડી રહેશે. તો 19 ફેબ્રુઆરીથી ગરમીની શક્યતા દેખાઈ રહી છે. 19 ફેબ્રુઆરીથી 14 એપ્રિલ સુધી રોગીસ્ટ હવામાન રહેશે, જેથી લોકોએ સાવચેતી રાખવી જરૂરી છે. 23 થી ફેબ્રુઆરીના અંત સુધીમાં વાદળવાયુ અને કમોસમી વરસાદના એંધાણ છે.
જુનાગઢના ભાગોમાં પવનની ગતિ 12થી 15 કિમી પ્રતિ કલાક રહેશે. દક્ષિણ ગુજરાતના ભાગોમાં પવનની ગતિ 16 કિમી પ્રતિ કલાક રહેવાની શક્યતા છે. કચ્છના ભાગોમાં પવનની ગતિ વધુ રહેશે. રાજકોટના ભાગોમાં પણ પવનની ગતિ 15 કિમી પ્રતિ કલાકની રહેશે. 8, 9 અને 10 તારીખે તાપમાનમાં વધારો થશે
ઉત્તરી પાકિસ્તાન અને જમ્મુ અને કાશ્મીર પર ચક્રવાતી પરિભ્રમણના રૂપમાં વેસ્ટર્ન ડિસ્ટર્બન્સ સક્રિય છે. તેની અસરને કારણે દિલ્હી-NCR, રાજસ્થાન, હિમાચલ પ્રદેશ સહિત સમગ્ર ઉત્તર ભારતમાં ઠંડા પવનો ફૂંકાઈ રહ્યા છે. આ સિસ્ટમ ધીમે ધીમે પૂર્વ તરફ આગળ વધી રહી છે. પશ્ચિમ અફઘાનિસ્તાન ઉપર સાયક્લોનિક સરક્યુલેશન તરીકે વેસ્ટર્ન ડિસ્ટર્બન્સ જોવા મળી રહ્યું છે. આને કારણે, આજે 7મી ફેબ્રુઆરીએ અરુણાચલ પ્રદેશ અને ઉત્તર-પૂર્વ આસામમાં છૂટાછવાયા વરસાદ/હિમવર્ષાની ગતિવિધિ થવાની સંભાવના છે.
2 ફેબ્રુઆરી સુધી હિમવર્ષા અને વરસાદની ચેતવણી
ભારતીય હવામાન વિભાગે પોતાના વેધર બુલેટિનમાં જણાવ્યું હતું કે હાલમાં પશ્ચિમી વિક્ષેપ ઉત્તર પાકિસ્તાન અને તેની સાથે સંકળાયેલા ખાડા પર સક્રિય છે અને ધીમે ધીમે પૂર્વ તરફ આગળ વધી રહ્યો છે. પાકિસ્તાનમાં ભારે વરસાદ થયો હતો, ત્યારે સમગ્ર ઉત્તર પશ્ચિમ ભારતમાં તાપમાનમાં નોંધપાત્ર ઘટાડો થયો હતો. રાજધાની દિલ્હીમાં લઘુત્તમ તાપમાનમાં -2.8 ડિગ્રી સેલ્સિયસનો ઘટાડો નોંધાયો હતો.
ગાઢ ધુમ્મસ અને શીત લહેરનું એલર્ટ પણ
8 ફેબ્રુઆરીએ વેસ્ટર્ન ડિસ્ટર્બન્સ સક્રિય થવાની અસરને કારણે, 8-12 ફેબ્રુઆરી વચ્ચે પશ્ચિમ હિમાલય વિસ્તારમાં છૂટાછવાયા વરસાદ અને હિમવર્ષાની શક્યતા છે. 8 ફેબ્રુઆરીની સવારે હિમાચલ પ્રદેશ અને ઓડિશાના વિવિધ ભાગોમાં ગાઢ ધુમ્મસની સ્થિતિ સર્જાઈ શકે છે. હિમાચલ પ્રદેશ અને રાજસ્થાનના અલગ-અલગ ભાગોમાં શીત લહેર આવવાની સંભાવના છે.
'ગુજરાતીઓને અભણ કહેતા પહેલા ઇતિહાસ જાણી લેવો જોઈએ': ખડગેના નિવેદન પર માયાભાઈ આહીરનો જડબાતોડ જવાબ
