શું તમારા બાળકની ઉંમર વધી રહી છે, પરંતુ તેની હાઈટ નથી વધી રહી? જો હા, તો તેના વિશે વધારે ચિંતા કરવાની જરૂર નથી. વેલ, બાળકોની ઉંચાઈ ન વધવા પાછળ એક નહીં પરંતુ ઘણા કારણો છે. પરંતુ શક્ય છે કે તેની પ્લેટમાંથી કેટલાક ખૂબ જ મહત્વપૂર્ણ પોષક તત્વોથી ભરેલુ ભોજન ગાયબ હોય, જેના કારણે તેની હાઈટ અટકી ગઈ હોય.
વિટામિન સી: આ વિટામિન હાડકાં અને પેશીઓના નિર્માણ માટે જરૂરી માનવામાં આવે છે. તે ગ્રોથ હોર્મોન્સ માટે મહત્વપૂર્ણ છે. નારંગી, લીંબુ, આમળા, જામફળ અને ટામેટા જેવી વસ્તુઓમાં વિટામિન સી ભરપૂર માત્રામાં હોય છે.
વિટામિન B12: આ વિટામિન કોષોના વિભાજન અને DNA સંશ્લેષણમાં મદદ કરે છે, જે શરીરની યોગ્ય વૃદ્ધિ તરફ દોરી જાય છે. આ માટે બાળકોની થાળીમાં દૂધ, ઈંડા, દહીં અને કેટલાક નોન-વેજ ફૂડ ચોક્કસથી સામેલ કરો.
વિટામિન K: વિટામિન K હાડકાની ઘનતા જાળવવામાં મદદ કરે છે. તેની ઉણપ વૃદ્ધિને ધીમું કરી શકે છે. તમે તેને લીલા શાકભાજી, બ્રોકોલી, પાલક અને કોબીમાંથી મેળવી શકો છો અને બાળકોની ઊંચાઈ વધારી શકો છો.
વિટામીન એ: કોષોના વિકાસ માટે વિટામીન એ ખૂબ જ જરૂરી છે. તે હાડકાની લંબાઈ વધારવામાં અને રોગપ્રતિકારક શક્તિને મજબૂત બનાવવામાં મદદ કરે છે. આ માટે બાળકોને ગાજર, પપૈયું, દૂધ, ઈંડા, લીલા પાંદડાવાળા શાકભાજી ચોક્કસ ખવડાવો.
માતા-પિતાએ પણ આ બાબતોનું ધ્યાન રાખવું જોઈએ: ફાસ્ટ ફૂડ અને જંક ફૂડ બાળકોના વિકાસને ધીમો પાડે છે. માત્ર દૂધ પીવડાવવાથી પૂરતું નથી, સંપૂર્ણ પોષણ જરૂરી છે. ઊંઘનો સમય, કસરત અને પીવાનું પાણી પણ એટલું જ મહત્વનું છે. બાળકોને દરરોજ તડકામાં રમવા દો, અઠવાડિયામાં 3-4 દિવસ ઓછામાં ઓછા 20-30 મિનિટ માટે આઉટડોર પ્રવૃત્તિઓ કરવા દો, પ્રોટીન, વિટામિન અને મિનિરલ્સ સમાન માત્રામાં હોય એવો સંતુલિત આહાર તૈયાર કરો, જો વૃદ્ધિ અટકી ગઈ હોય તો બાળરોગ ચિકિત્સક પાસેથી ચેક-અપ કરાવતા રહો.
પેકેટવાળા ચિપ્સને કહો બાય-બાય!: ઘરે બનાવો આ ક્રિસ્પી, કુરકુરી અને હેલ્ધી કેળાની વેફર, જાણો સરળ રેસીપી
