Travis Head century: સિડની ક્રિકેટ ગ્રાઉન્ડ (SCG) પર Ashes સિરીઝના પાંચમા ટેસ્ટમાં ટ્રેવિસ હેડે પોતાની આક્રમક બેટિંગથી ફરી એકવાર સૌનું ધ્યાન ખેચ્યુ છે. તેણે પ્રથમ ઇનિંગ્સમાં 105 બોલમાં સદી ફટકારી અને ઓસ્ટ્રેલિયાને મજબૂત સ્થિતિ અપાવી. આ સદીએ તેને ઘણા રેકોર્ડ્સની યાદીમાં સામેલ કર્યો અને ઇતિહાસમાં અમર બનાવ્યો.
AUS vs ENG: એશેઝ સિરીઝમાં ટ્રેવિસ હેડનો જબરદસ્ત ફોર્મ સિડનીમાં પણ યથાવત
Ashes 2025-26 સિરીઝમાં ટ્રેવિસ હેડે ખૂબ રન માર્યા છે. પર્થ અને એડિલેડમાં સદી ફટકાર્યા બાદ સિડનીમાં પણ તેણે ત્રીજી સદી પૂરી કરી. આ સદી 105 બોલમાં આવી, જેમાં 17 ચોગ્ગા સામેલ હતા. લેફ્ટ હેન્ડેડ ઓસ્ટ્રેલિયન બેટ્સમેનની આ સદીએ ઇંગ્લેન્ડના બોલર્સને હંફાવી દીધા. વધુમાં, તેણે આ ઇનિંગ્સને 160થી વધુ રનમાં ફેરવી અને ઓસ્ટ્રેલિયાને વધુ મજબૂતાઈ અપાવી.
ટ્રેવિસ હેડે સિડનીમાં સદી બાદ બનાવ્યા કયા રેકોર્ડ્સ?
ટ્રેવિસ હેડે ઇંગ્લેન્ડ વિરુદ્ધ સિડની ટેસ્ટની પ્રથમ ઇનિંગ્સમાં પોતાની કારકિર્દીની 12મી ટેસ્ટ સદી ફટકારી. Ashes ના ઇતિહાસમાં આ તેની પાંચમી સદી છે, જેનાથી તે જસ્ટિન લેંગર, મેથ્યુ હેડન અને એલિસ્ટર કુકની બરાબરીમાં આવી ગયો. વર્તમાન Ashes સિરીઝમાં આ તેની ત્રીજી સદી છે. SCG પર આ તેની પ્રથમ ટેસ્ટ સદી હતી. વધુમાં, તેણે ડોન બ્રેડમેનના 96 વર્ષ જૂના રેકોર્ડને પાછળ છોડીને Ashes માં સૌથી ઝડપી 150માંથી એક બનાવ્યું.
ટ્રેવિસ હેડે શું કમાલ કર્યો? આ ખેલાડીઓના ક્લબમાં જોડાયા
આ તમામ સિદ્ધિઓ સાથે ટ્રેવિસ હેડ પાંચમા એવા ખેલાડી બની ગયા છે જેમણે ઓસ્ટ્રેલિયામાં રમાયેલા દરેક વેન્યુ પર ટેસ્ટ સદી ફટકારી છે. ઓસ્ટ્રેલિયામાં કુલ 7 મુખ્ય ટેસ્ટ વેન્યુ છે – એડિલેડ, ગાબા, પર્થ, મેલબોર્ન, સિડની, હોબાર્ટ અને કેનબેરા. હેડે એડિલેડમાં 4 સદી, ગાબામાં 2 અને બાકીના વેન્યુ પર 1-1 સદી ફટકારી છે. તેમના પહેલા આ કમાલ કરનારા ખેલાડીઓમાં સ્ટીવ વો, જસ્ટિન લેંગર, મેથ્યુ હેડન અને ડેવિડ વોર્નરના નામ સામેલ છે. આ રેકોર્ડથી હેડે પોતાને ઓસ્ટ્રેલિયન ક્રિકેટના દિગ્ગજોની હરોળમાં સ્થાન અપાવ્યું.
ટ્રેવિસ હેડે 7મી વખત કર્યો આ કારનામો
સિડનીમાં સદી ફટકારીને હેડ અહીંયા અટક્યા નહીં, તેમણે ઇનિંગ્સને 150થી વધુના મોટા સ્કોરમાં ફેરવી. તેણે પોતાની ટેસ્ટ કારકિર્દીમાં 7મી વખત 150+ રનનો આંકડો પાર કર્યો, જે 153 બોલમાં આવ્યો. આ સિરીઝમાં હેડનું ઓપનર તરીકેનું પ્રદર્શન અદ્ભુત રહ્યું છે, જેમાં તેણે 500થી વધુ રન બનાવ્યા અને સ્ટ્રાઇક રેટ 87થી વધુ રાખ્યો. એશેઝમાં આવી આક્રમક બેટિંગથી તેણે ઇંગ્લેન્ડને પરેશાન કરી દીધું છે અને ઓસ્ટ્રેલિયાને સિરીઝમાં મજબૂતાઈ અપાવી છે.
