સોશિયલ મીડિયા પર એક અનોખી સ્ટોરી વાયરલ થઈ રહી છે, જેમાં ભિવાની જિલ્લાના કલિંગા ગામની પૂજા નરેન્દ્ર કલિંગા ‘રોબોટિક હરિયાણવી બાર્બી વાઈફ’ તરીકે પ્રખ્યાત થઈ છે. તેના રોબોટ જેવા હાવભાવ અને અંદાજથી લોકો દંગ રહી જાય છે.
કેવી રીતે થયો આ બદલાવ?
પૂજા મૂળ ઝજ્જર જિલ્લાના ભૂપાનિયા ગામની રહેવાસી છે.
2015માં, તેનું લગ્ન નરેન્દ્ર કલિંગા સાથે થયું, જે તે સમયે હોટેલમાં આસિસ્ટન્ટ મેનેજર હતા અને સોશિયલ મીડિયા માટે કન્ટેન્ટ બનાવતા હતા.
લગ્ન પહેલા પૂજા એક ખાનગી શાળામાં શિક્ષિકા હતી.
શરૂઆતમાં તેને સોશિયલ મીડિયામાં રસ નહોતો, મોબાઈલથી પોતાનો ફોટો લેવડાવવામાં પણ શરમાતી હતી.
‘રોબોટિક વાઈફ’ બનવાની પ્રેરણા
નરેન્દ્રએ મજાકિયા અંદાજમાં સોશિયલ મીડિયામાં વીડિયો શેર કર્યો અને લખ્યું –
“મારા લગ્ન નહોતા થવાના, તેથી હું રોબોટિક વાઈફ લઈને આવ્યો.”
આ વીડિયો જ વાયરલ થયો. ત્યારબાદ હરિયાણાના અનેક ભાગોમાંથી કુંવારા યુવકો પૂજાને જોવા આવવા લાગ્યા.
પૂજા અને નરેન્દ્ર કહે છે કે તેમને આ વિચાર ટીવી સીરિયલ ‘બહુ હમારી રજનીકાંત’માંથી આવ્યો.
સોશ્યલ મીડિયા પર ઓળખ
શરૂઆતમાં પૂજાએ ડાન્સ અને ઘરેલુ વિષયોના વીડિયો બનાવ્યા, પરંતુ ખાસ પ્રતિસાદ ન મળ્યો.
બાદમાં ‘રોબોટિક બાર્બી ડોલ’ સ્ટાઇલ અપનાવીને તે પ્રસિદ્ધ થઈ ગઈ.
આજે તેના એકાઉન્ટ પર લાખો લોકો તેને ફોલો કરે છે.
ઘરે પણ તે પોતાના પતિ સાથે રોબોટિક હાવભાવમાં જ વાતચીત કરે છે.
