Kolkata airport: કોલકાતાના નેતાજી સુભાષચંદ્ર બોઝ આંતરરાષ્ટ્રીય એરપોર્ટ પર શિલોંગ જતી ઇન્ડિગો ફ્લાઇટ 6E3074માં બોમ્બ હોવાની ધમકી મળી હતી. સવારે 9:15 વાગ્યે ઉપડવાની આ ફ્લાઇટમાં બોર્ડિંગ દરમિયાન ક્રૂ મેમ્બર્સને ટોઇલેટ કમ્પાર્ટમેન્ટમાં એક કાગળનો ટુકડો મળ્યો, જેમાં હાથથી લખેલું હતું કે "વિમાનની અંદર બોમ્બ છે".આ નોંધ જોતાં જ તાત્કાલિક એમરજન્સી પ્રોટોકોલ અમલમાં મૂકાયા. તમામ મુસાફરોને સુરક્ષિત રીતે વિમાનમાંથી બહાર કાઢવામાં આવ્યા અને ફ્લાઇટને આઇસોલેશન બેમાં ખસેડી દેવામાં આવી.
આ ઘટનાને કારણે મુસાફરોને ભારે અસુવિધા
બોમ્બ ડિસ્પોઝલ સ્ક્વોડ અને સ્નિફર ડોગ્સ સાથે વિમાનની સંપૂર્ણ તપાસ શરૂ કરાઈ છે. એરપોર્ટ ડિરેક્ટરે જણાવ્યું કે મુસાફરો અને વિમાનની સલામતીને પ્રાથમિકતા આપીને તમામ માનક સાવચેતીના પગલાં લેવામાં આવી રહ્યા છે. આ ઘટનાને કારણે મુસાફરોને ભારે અસુવિધા ભોગવવી પડી રહી છે અને ફ્લાઇટ સસ્પેન્ડ થઈ ગઈ છે.તપાસ હજુ ચાલુ છે અને વધુ વિગતોની રાહ જોવાઈ રહી છે. સત્તાવાળાઓએ લોકોને શાંત રહેવા અને સહકાર આપવાની અપીલ કરી છે.
