ગુજરાતમાં ફરી વાઘ આવ્યો; જાણો ક્યાં દેખાયો વાઘ અને વનવિભાગે શું કહ્યું?

થોડા સમય પહેલાં ગુજરાતના દાહોદ જિલ્લાના ધાનપુર તાલુકામાં આવેલાં રતનમહાલના જંગલોમાં વાઘ દેખાયો હોવાની પુષ્ટી વનવિભાગ કરી ચુક્યું છે. જેની સાથે જ ગુજરાત વાઘ, સિંહ અને દીપડો બીગ કેટ કેટેગરીના ત્રણેય પ્રાણીઓ ધરાવતું દેશનું એક માત્ર રાજ્ય બની ગયું છે. એવામાં ગુજરાતના વઘુ એક જિલ્લામાં વાઘ દેખાયો હોવાની વાતની વનવિભાગે પુષ્ટી કરી છે. આ વખતે ગુજરાતના છોટાઉદેપુરના જંગલોમાં વાઘની અવરજવરની વનવિભાગ દ્વારા સત્તાવાર રીતે પુષ્ટી કરવામાં આવી છે. 17 મહિનાથી સતત મોનિટરિંગ કયા પછી વનવિભાગ એ વાત પર સંમત થયું છેકે, અહીં ના જંગલોમાં વાઘની અવરજવર છે. વનવિભાગ દ્વારા વાઘની દરેક ગતિવિધિ પર નજર રાખવામાં આવી રહી છે. ખાસ કરીને ગુજરાતના છોટાઉદેપુર જિલ્લાના કેવડી અને ડોલરિયા વિસ્તારમાં છેલ્લાં લગભગ 17 મહિનાથી વાઘની અવરજવર નોંધાઈ રહી છે. વન વિભાગ દ્વારા વાઘની નાનામાં નાની ગતિવિધી પર નર રાખી મોનિટરિંગ કરવામાં આવી રહ્યું છે. અલગ અલગ સ્થળોએ વાઘના પગરવ અને વિવિધ પુરાવાઓ મળ્યાં છે.