Gujarat News Live Updates 18 July 2026: આજે 17 જુલાઈ 2026. અમદાવાદ, સુરત, રાજકોટ, વડોદરા અને ગાંધીનગર સહિત ગુજરાતના દરેક શહેરો અને જિલ્લાઓના દિવસભરના મોટા અને મહત્વના તમામ સમાચાર જાણો Offbeat Stories પર. વરસાદથી લઇને તમારા વિસ્તારની સ્થાનિક સમસ્યાઓ, ક્રાઈમથી લઇના ગુજરાતની રાજકીય હલચલ સુધીની તમામ મહત્ત્વની બાબતોની લેટેસ્ટ અપડેટ્સ અહીં જાણો.
ગિરનાર પર્વત પર યાત્રાળુઓની સુરક્ષા માટે આજથી 'IN/OUT' ઓનલાઇન રજીસ્ટ્રેશન સિસ્ટમ શરૂ
જૂનાગઢના ગિરનાર પર્વત પર સિંહ દ્વારા બાળક પર થયેલા હુમલાની દુર્ઘટના બાદ વહીવટી તંત્ર દ્વારા યાત્રાળુઓની સુરક્ષા અને વન્યજીવોના સંરક્ષણ માટે મોટો નિર્ણય લેવાયો છે. વન વિભાગ દ્વારા આજથી પ્રાયોગિક ધોરણે 'IN/OUT' ઓનલાઇન રજીસ્ટ્રેશન સિસ્ટમ અમલમાં મૂકવામાં આવી છે. આ નવી વ્યવસ્થા હેઠળ દરેક યાત્રાળુએ પર્વત પર જતા પહેલા ક્યુઆર કોડ કે અધિકૃત વેબસાઇટ દ્વારા પોતાની 'IN' એન્ટ્રી અને પરત ફરતી વખતે ફરજિયાત 'OUT' એન્ટ્રી કરાવવી પડશે, જેના માટે આઈડી પ્રૂફ સાથે રાખવું જરૂરી રહેશે. સ્માર્ટફોન ન ધરાવતા યાત્રિકો માટે એન્ટ્રી પોઈન્ટ પર વિનામૂલ્યે ઓફલાઇન રજીસ્ટ્રેશનની સુવિધા પણ ઉપલબ્ધ કરાવાઈ છે, જેથી દરેક યાત્રીની સુરક્ષા સુનિશ્ચિત કરી શકાય.
વડોદરામાં જીવલેણ ચાંદીપુરા વાયરસનો પ્રથમ શંકાસ્પદ કેસ, તંત્ર એલર્ટ
સમગ્ર ગુજરાતમાં હાહાકાર મચાવનાર જીવલેણ 'ચાંદીપુરા વાયરસ' વડોદરામાં પણ પગપેસારો કરી ચૂક્યો છે. શહેરના ભાયલી વિસ્તારમાં રહેતા એક ૩ વર્ષના માસૂમ બાળકમાં ચાંદીપુરા વાયરસના લક્ષણો જણાતા તેને ગોત્રી હોસ્પિટલમાં સઘન સારવાર હેઠળ ખસેડાયો છે. આ કેસની સચોટ પુષ્ટિ કરવા બાળકના લોહીના સેમ્પલ પુના અને ગાંધીનગર લેબોરેટરીમાં મોકલાયા છે. સેન્ડફ્લાય (રેત માખી) દ્વારા ફેલાતો આ વાયરસ બાળકોના મગજ પર સીધી અસર કરે છે, જે અત્યંત જાનલેવા સાબિત થઈ શકે છે. આરોગ્ય વિભાગે વાલીઓને અપીલ કરી છે કે બાળકને તીવ્ર તાવ, ઉલટી કે આંચકી જેવા લક્ષણો દેખાય તો સમય બગાડ્યા વિના તાત્કાલિક હોસ્પિટલ પહોંચવું, કારણ કે વહેલી સારવાર જ જીવ બચાવી શકે છે.
Whatsapp ચેનલ સાથે જોડાઓ 
Join Now
