સપ્ટેમ્બરમાં આ રાશિઓને આવશે "સારા દિવસો"

Grah Gochar 2025: સપ્ટેમ્બર મહિનો ખૂબ જ ખાસ રહેવાનો છે. આ મહિને (September planetary transit 2025) ઘણા ગ્રહો પોતાની રાશિ બદલશે. સૂર્ય ભગવાન પોતાની રાશિ બદલશે તીરે કન્યા સંક્રાંતિ ઉજવવામાં આવેશે. કન્યા સંક્રાંતિના દિવસે શિલ્પકાર વિશ્વકર્માજીની પૂજા કરવામાં આવે છે. વિશ્વકર્માજીની પૂજા કરવાથી સુખ અને સૌભાગ્યમાં વધારો થાય છે.

જ્યોતિષીઓના અનુસાર, સપ્ટેમ્બર મહિનામાં સૂર્ય, મંગળ, બુધ અને શુક્ર પોતાની રાશિ બદલશે. આનાથી ઘણી રાશિઓના લોકોના જીવનમાં ખુશીઓ આવશે . કરિયર અને વ્યવસાયિક સમસ્યાઓ દૂર થશે. ચાલો આના વિશે જાણીએ..

મંગળ ગોચર 2025

ગ્રહોના સેનાપતિ મંગળ દેવ 13 સપ્ટેમ્બરના રોજ રાત્રે 9:22 વાગ્યે તુલા રાશિમાં ગોચર કરશે. તુલા રાશિમાં ગોચર દરમિયાન, મંગળ દેવ 23 સપ્ટેમ્બરે સ્વાતિમાં અને 13 ઓક્ટોબરે વિશાખા નક્ષત્રમાં ગોચર કરશે. ત્યારબાદ, તેઓ 27 ઓક્ટોબરે વૃશ્ચિક રાશિમાં ગોચર કરશે.

બુધ ગોચર 2025

ગ્રહોનો રાજકુમાર બુધ 15 સપ્ટેમ્બરે કન્યા રાશિમાં ગોચર કરશે. આ પહેલા બુધ સિંહ રાશિમાં રહેશે. કન્યા રાશિમાં જન્મેલા લોકોને બુધના રાશિ પરિવર્તનથી સૌથી વધુ ફાયદો થશે.

સુર્ય રાશિ પરિવર્તન 2025

વર્તમાનમાં સૂર્ય દેવ સિંહ રાશિમાં છે. આત્માના કારક સૂર્ય દેવ 17 સપ્ટેમ્બરે સિંહ રાશિથી કન્યા રાશિમાં ગોચર કરશે. આ દરમિયાન, તે 27 સપ્ટેમ્બરે હસ્ત નક્ષત્રમાં અને 10 ઓક્ટોબરે ચિત્રા નક્ષત્રમાં ગોચર કરશે. આ પછી, તે 17 ઓક્ટોબરે તુલા રાશિમાં પ્રવેશ કરશે. સૂર્યની રાશિમાં પરિવર્તનને કારણે, ઘણી રાશિના લોકો તેમના કરિયરમાં એક નવો પરિમાણ મેળવી શકે છે.

શુક્ર ગોચર 2025

સપ્ટેમ્બર મહિનામાં સુખના કારણ શુક્ર દેવ રાશિ પરિવર્તન કરશે. શુક્ર દેવ 15 સપ્ટેમ્બરે કર્ક રાશિ છોડીને સિંહ રાશિમાં પ્રવેશ કરશે. આ દરમિયાન, નક્ષત્ર ઘણી વખત બદલાશે. ત્યારે, 09 ઓક્ટોબરે કન્યા રાશિમાં ગોચર કરશે. શુક્ર દેવના રાશિ પરિવર્તનથી ઘણી રાશિના લોકોના ભૌતિક સુખોમાં વધારો થશે. આ સાથે, ચંદ્ર દેવ (Moon transit) દર બે દિવસ પછી રાશિ બદલશે.