દિલ્હીની ભાજપ સરકારે આજે પોતાનું પ્રથમ બજેટ રજૂ કર્યું છે. મુખ્યમંત્રી રેખા ગુપ્તાએ આ બજેટમાં ઘણી મોટી યોજનાઓની જાહેરાત કરી છે. AAP સરકાર દ્વારા શરૂ કરવામાં આવેલી ફ્રી બસ સેવા પણ ચાલુ રહેશે. જો કે દિલ્હી સરકારે તેમાં કેટલાક ફેરફાર કર્યા છે. દિલ્હી સરકારના જણાવ્યા અનુસાર, હવે મફત બસ સેવાનો લાભ લેવા માટે ગુલાબી ટિકિટની જરૂર રહેશે નહીં, તેના બદલે મહિલાઓએ તેના માટે બનાવેલું કાર્ડ લેવું પડશે.
ગુલાબી ટિકિટમાં ભ્રષ્ટાચાર
વિધાનસભામાં બજેટ રજૂ કરતી વખતે દિલ્હીના મુખ્યમંત્રી રેખા ગુપ્તાએ ગુલાબી ટિકિટને લઈને AAP સરકાર પર ભ્રષ્ટાચારનો આરોપ લગાવ્યો છે. સીએમ રેખા ગુપ્તાનું કહેવું છે કે પિંક ટિકિટ પર ભ્રષ્ટાચાર રોકવા માટે દરેક વસ્તુને ડિજીટલ કરવામાં આવી રહી છે. હવે મહિલાઓને બસમાં મુસાફરી કરવા માટે ગુલાબી ટિકિટ ખરીદવી પડશે નહીં. આ માટે તેનું કાર્ડ બનાવવામાં આવશે. જો કે હજુ સુધી કાર્ડ બનાવવા માટેની શરતો જાહેર કરવામાં આવી નથી.
5,000 नई इलेक्ट्रिक बसों से पर्यावरण भी बचेगा, सफर भी होगा आसान। ₹12,952 करोड़ के बजट से दिल्ली की सार्वजनिक परिवहन प्रणाली को आधुनिक और पर्यावरण के अनुकूल बनाया जाएगा।#ViksitDelhiBudget pic.twitter.com/j7xDF7wwJX
— BJP Delhi (@BJP4Delhi) March 25, 2025
ક્યાંથી મળશે કાર્ડ?
હવે પ્રશ્ન એ છે કે મહિલાઓને મફત બસ સેવા કાર્ડ મેળવવા માટે શું કરવું પડશે. દિલ્હી સરકારે હજુ સુધી આ સંબંધિત માહિતી શેર કરી નથી. પરંતુ જો મીડિયા રિપોર્ટ્સનું માનીએ તો દિલ્હી સરકારના પરિવહન વિભાગ દ્વારા ફ્રી બસ સર્વિસ કાર્ડ જાહેર કરવામાં આવી શકે છે.
CAGના રિપોર્ટમાં ઉભા થયા છે સવાલો
તમને જણાવી દઈએ કે CAGનો રિપોર્ટ ગઈકાલે જાહેર કરવામાં આવ્યો હતો, જે મુજબ DTCને છેલ્લા 7 વર્ષમાં 5000 કરોડ રૂપિયાનું નુકસાન થયું છે. આવી સ્થિતિમાં સવાલો ઉઠી રહ્યા હતા કે શું ફ્રી બસ સેવા ચાલુ રહેશે કે પછી દિલ્હી સરકાર આ ખોટ ઘટાડવા માટે સ્કીમમાં કેટલાક ફેરફાર કરશે. દિલ્હી સરકારે મહિલાઓ માટે મફત બસ સેવા ચાલુ રાખવાની જાહેરાત કરી છે. જો કે, નવા કાર્ડ અંગે હજુ સુધી સંપૂર્ણ માહિતી જાહેર કરવામાં આવી નથી.
