Global Terrorism Index 2025 : આતંકવાદ મામલે આ દેશ સૌથી આગળ

વર્લ્ડ ટેરરિઝમ ઈન્ડેક્સ (GTI) 2025ના રિપોર્ટમાં કહેવામાં આવ્યું છે કે પાકિસ્તાનમાં આતંકવાદ સતત વધી રહ્યો છે, વર્ષ 2024માં દુનિયાનો બીજો સૌથી વધુ આતંકવાદ પ્રભાવિત દેશ બન્યો છે. રિપોર્ટ અનુસાર, પાકિસ્તાનમાં આતંકવાદના કારણે મૃત્યુઆંકમાં 45 ટકાનો વધારો થયો છે. વર્ષ 2023માં 748 લોકોના મૃત્યુની સરખામણીમાં વર્ષ 2024માં આ આંકડો વધીને 1,081 થયો હતો. આ આંકડા વૈશ્વિક સ્તરે આતંકવાદથી થતા મૃત્યુમાં સૌથી તીવ્ર વધારો દર્શાવે છે.

બુર્કિના ફાસો પશ્ચિમ આફ્રિકાનો સૌથી મોટો દેશ છે. ત્રીજા સ્થાને સીરિયા છે, ત્યારબાદ માલી આવે છે. તે પછી નાઇજિરીયા, સોમાલિયા સાતમા અને ઇઝરાયેલ આઠમા ક્રમે છે. અફઘાનિસ્તાન નવમા સ્થાને છે જ્યારે કેમરૂન દસમા સ્થાને છે.

યુએસ ડિપાર્ટમેન્ટ ઓફ સ્ટેટ અનુસાર, બુર્કિના ફાસોની કુલ વસ્તી 22.5 મિલિયન છે, જેમાંથી મુસ્લિમ વસ્તી સૌથી વધુ છે. 2019ની વસ્તી ગણતરી અનુસાર, બુર્કિના ફાસોની 60 ટકાથી વધુ વસ્તી ખ્રિસ્તીઓ ઉપરાંત મુસ્લિમ પણ છે.

અગાઉ પાકિસ્તાન આ સૂચકાંકમાં ચોથા સ્થાને હતું. પાકિસ્તાનમાં આતંકવાદી હુમલાની સંખ્યા પણ 2023માં 517થી વધીને 2024માં 1,099 થઈ ગઈ છે. આ પ્રથમ વખત છે જ્યારે આ આંકડો 1,000ને આંકડો વટાવી ગયો છે.

રિપોર્ટમાં કહેવામાં આવ્યું છે કે પાકિસ્તાન લાંબા સમયથી દાવો કરી રહ્યું છે કે પ્રતિબંધિત તહરીક-એ-તાલિબાન પાકિસ્તાન (ટીટીપી) અને અન્ય આતંકવાદી સંગઠનો પાકિસ્તાનમાં હુમલા કરવા માટે અફઘાનિસ્તાનની ધરતીનો ઉપયોગ કરી રહ્યા છે. અહેવાલમાં ભારપૂર્વક જણાવવામાં આવ્યું છે કે પાકિસ્તાનમાં આતંકવાદનો ઉદય અને કાબુલમાં અફઘાન તાલિબાનના સત્તામાં આવવા વચ્ચે નોંધપાત્ર સંબંધ છે.

અફઘાનિસ્તાનમાં સક્રિય આતંકવાદી જૂથોએ ખાસ કરીને પાકિસ્તાન-અફઘાનિસ્તાન સરહદ પર તેમના હુમલાઓ વધુ ઘાતક બનાવ્યા છે, એમ અહેવાલમાં જણાવાયું છે.
ટીટીપી દેશનું સૌથી ઘાતક આતંકવાદી જૂથ છે, જે આતંકવાદથી મૃત્યુના 52 ટકા માટે જવાબદાર છે, એમ અહેવાલમાં જણાવાયું છે. ટીટીપીએ વર્ષ 2024માં કુલ 482 હુમલા કર્યા હતા, જેમાં 558 લોકો માર્યા ગયા હતા. ગયા વર્ષની સરખામણીમાં ટીટીપી હુમલાની સંખ્યા બમણી થઈ ગઈ છે, જ્યારે મૃત્યુઆંકમાં 90 ટકાનો વધારો થયો છે.

"2021માં અફઘાનિસ્તાનમાં તાલિબાન સત્તામાં પાછુ આવ્યું અને પછી ટીટીપીએ સરહદ પાર વધુ સ્વતંત્રતા અને સલામત આશ્રય મેળવ્યા છે, જેનાથી તેને હુમલાની યોજના બનાવવા માટે છુટ્ટો હાથ મળ્યો છે.

અહેવાલમાં એમ પણ કહેવામાં આવ્યું છે કે બલૂચિસ્તાન અને ખૈબર પખ્તુનખ્વા પાકિસ્તાનમાં આતંકવાદથી સૌથી વધુ અસરગ્રસ્ત વિસ્તારો હતા. બંને દેશોની સરહદ અફઘાનિસ્તાન સાથે જોડાયેલા છે. વર્ષ 2024માં પાકિસ્તાનમાં થયેલા 96 ટકાથી વધુ આતંકવાદી હુમલાઓ અને મૃત્યુ આ પ્રાંતોમાં નોંધાયા હતા.

અહેવાલમાં વર્ષ 2024માં પ્રતિબંધિત બલૂચિસ્તાન લિબરેશન આર્મી (બીએલએ) દ્વારા કરવામાં આવેલા સૌથી ઘાતક આતંકવાદી હુમલાનો ઉલ્લેખ કરવામાં આવ્યો છે. ક્વેટા રેલવે સ્ટેશન પર એક આત્મઘાતી હુમલાખોરે ઓછામાં ઓછા 25 નાગરિકો અને સૈનિકોને મારી નાખ્યા હતા.