BOEING કંપનીનું પ્લેન અમદાવાદમાં થયું હતું ક્રેશ : જાણો કઈ એરલાઈન પાસે કેટલા BOEINGના પ્લેન

ભારતમાં તમામ એરલાઇન્સ દ્વારા ઉપયોગમાં લેવાતા બોઇંગ વિમાનોના ફ્યુઅલ કંટ્રોલ સ્વીચની સુરક્ષા તપાસ ઝડપથી આગળ વધી રહી છે. જેમાં Air India Express આગળ રહી છે – તેણે તેના કાફલામાંના તમામ 75 બોઇંગ વિમાનોનું નિરીક્ષણ પૂર્ણ કર્યું છે. બીજી તરફ, એર ઇન્ડિયાએ 57માંથી 30 જેટલા વિમાનોનું નિરીક્ષણ પૂરું કર્યું છે. બંને એરલાઇન્સે દાવો કર્યો છે કે તપાસ દરમિયાન કોઈ ગંભીર ખામી જોવા મળી નથી.

એર ઇન્ડિયા અને Air India Express સિવાય, સ્પાઇસજેટ પાસે 27 અને અકાસા એર પાસે 30 બોઇંગ વિમાનો છે, જ્યારે ઇન્ડિગો પાસે વેટ લીઝ પર લેવાયેલું બોઇંગ 787 વિમાન છે, જે ડિરેક્ટ ડીજીસીએ (DGCA) ની ઝીણવટભરી તપાસના ક્ષેત્રમાં નથી આવતું. તેમ છતાં, તમામ એરલાઇન્સે DGCA ના તાત્કાલિક આદેશ અનુસાર તેમના બોઇંગ વિમાનોના ફ્યુઅલ કંટ્રોલ સ્વીચની નિરીક્ષણ પ્રક્રિયા શરૂ કરી છે.

દુર્ઘટનાના પીછળા પરિપ્રેક્ષ્યમાં લેવાઈ કાર્યવાહી
આ કાર્યવાહી ત્યારે વધુ મહત્વની બની ગઈ છે, જ્યારે 12 જૂનના રોજ અમદાવાદમાં એર ઇન્ડિયાની ફ્લાઇટ ક્રેશ થઈ હતી. અનુસંધાન એજન્સી AAIBના પ્રાથમિક રિપોર્ટ અનુસાર, બોઇંગ 787-8 વિમાનનો ફ્યુઅલ કંટ્રોલ સ્વીચ અચાનક બંધ થઈ ગયો હતો, જેના કારણે બંને એન્જિનોમાં ફ્યુઅલ સપ્લાય બંધ થઈ ગયો અને વિમાન દુર્ઘટનાગ્રસ્ત બન્યું.

પાંખો પર સતત પડતા ખતરા
વિગતવાર RTI રિપોર્ટ અનુસાર, છેલ્લા પાંચ વર્ષમાં 65 જેટલાં વિમાનોના એન્જિન ફ્લાઇટ દરમિયાન બંધ થઈ ચૂક્યા છે – સરેરાશ દર મહિને એક દુર્ઘટના જેવી ઘટના. તેમ છતાં, તમામ કિસ્સામાં પાઇલટ્સ એક એન્જિનના સહારે વિમાનોને સુરક્ષિત રીતે લેન્ડ કરાવ્યા હતા. વધુમાં, 2024 થી 2025 વચ્ચેના 17 મહિનામાં 11 ફ્લાઇટ્સમાંથી 'મેડે' કોલ પણ જાહેર થયા હતા.

પૂર્વચેતવણીને અવગણી?
ચિંતાજનક બાબત એ છે કે દુર્ઘટનાથી ચારેક અઠવાડિયા પહેલાં જ યુકેની સિવિલ એવિએશન ઓથોરિટી (CAA) એ ફ્યુઅલ કંટ્રોલ સ્વીચમાં ખામીઓ અંગે ચેતવણી આપી હતી. 15 મે, 2025ના રોજ જ સલામતી સૂચના જાહેર કરીને, બોઇંગ 787 સહિત પાંચ મોડેલો માટે દરરોજ ચકાસણીના આદેશ આપ્યા હતા. આ સૂચનાઓ US FAA (Federal Aviation Administration) ના એરવર્થિનેસ ડાયરેક્ટિવ હેઠળ આવતી હતી, જેને કાયદેસર રીતે લાગુ પાડવામાં આવે છે.