જેલની અંદરથી ઈમરાન ખાને લગાવી : USA સમક્ષ મદદની ગુહાર

જેલની સજા કાપી રહેલા પાકિસ્તાનના પૂર્વ વડાપ્રધાન ઈમરાન ખાને આંતરરાષ્ટ્રીય સમુદાય, ખાસ કરીને અમેરિકાને લોકશાહી, માનવાધિકાર અને ક્ષેત્રીય સ્થિરતા માટે પોતાની પ્રતિબદ્ધતા દોહરાવવા અપીલ કરી છે. ટાઈમ મેગેઝિનમાં પ્રકાશિત થયેલા એક લેખમાં આ સંદેશ ઈમરાન ખાનના નામે શેર કરવામાં આવ્યો હતો.

ટ્રમ્પને અભિનંદન, અમેરિકા પાસેથી સમર્થનની આશા

ઇમરાન ખાને આર્ટિકલમાં અમેરિકાના રાષ્ટ્રપતિ ડોનાલ્ડ ટ્રમ્પને તેમના રાજકીય પુનરાગમન માટે અભિનંદન આપ્યા હતા. તેમણે અમેરિકા અને પાકિસ્તાન વચ્ચે આર્થિક સહયોગ અને સ્થિરતાની આશા વ્યક્ત કરી હતી. ખાને એમ પણ કહ્યું કે અમેરિકાએ સંઘર્ષ અને ઉગ્રવાદને રોકવા માટે પાકિસ્તાન સાથે કામ કરવું જોઈએ. જો કે, તે હજુ સ્પષ્ટ નથી કે આ આર્ટિકલ ખરેખર ઇમરાન ખાન દ્વારા લખવામાં આવ્યો છે કે કેમ અને તે 'ટાઇમ' મેગેઝિન સુધી કેવી રીતે પહોંચ્યો.

લોકશાહી માટેની લડાઈ અને રાજકીય સતામણીના આક્ષેપો
ઈમરાન ખાને પાકિસ્તાનમાં લોકશાહીના કથિત ધોવાણ અંગે ઊંડી ચિંતા વ્યક્ત કરી હતી. દેશ ઈતિહાસમાં ખૂબ જ મુશ્કેલ સમયમાંથી પસાર થઈ રહ્યો છે. ખાને આરોપ લગાવ્યો હતો કે તેમની ધરપકડ રાજકીય કાવતરાના ભાગરૂપે કરવામાં આવી હતી અને તેમની સામે ખોટા આરોપો મૂકવામાં આવ્યા હતા. તેમણે એમ પણ કહ્યું હતું કે, આ સંઘર્ષ માત્ર તેમના માટે જ નહીં પરંતુ સમગ્ર દેશના લોકશાહી ભવિષ્ય માટે છે.

પાકિસ્તાનની સ્થિરતા અંગે આંતરરાષ્ટ્રીય સ્તરે ચિંતા
પાકિસ્તાનના વ્યૂહાત્મક મહત્વને ધ્યાનમાં રાખીને ખાને કહ્યું કે આંતરરાષ્ટ્રીય સમુદાયે સંકટની ગંભીરતાને સમજવી જોઈએ. તેમણે આક્ષેપ કર્યો હતો કે આતંકવાદ વિરોધી પ્રયાસોથી ધ્યાન હટાવીને પીટીઆઈ (પાકિસ્તાન તહરીક-એ-ઇન્સાફ) વિરુદ્ધ રાજકીય બદલો લેવા માટે સંસાધનોનો ઉપયોગ કરવામાં આવી રહ્યો છે.