Babar Azam : પાકિસ્તાનના પૂર્વ ક્રિકેટ દિગ્ગજ બાસિત અલી (Basit Ali) એ પાકિસ્તાનના બેટ્સમેન બાબર આઝમની ટીકા કરી છે. તેમનું માનવું છે કે, ICC T20 વર્લ્ડ કપ 2026 માં ચોથા નંબર પર તક આપવાને બદલે, તેમને આરામ આપવો વધુ સારું રહેશે. તેમણે કહ્યું, "બાબર સાહેબ, જેમણે તેમના જીવનમાં ક્યારેય રિવર્સ સ્વીપ માર્યો નથી, તેઓ પ્રેક્ટિસમાં તેને ફટકારવાનો પ્રયાસ કરી રહ્યા હતા અને આઉટ થઈ ગયો. મને નથી લાગતું કે, તેમણે ચોથા નંબર પર રમવું જોઈએ. તેમને આરામ આપવો વધુ સારું છે. જો તમારે રમવું હોય તો ટોપ ઓર્ડરમાં રમો, નહીં તો કોઈ અર્થ નથી. પણ તમે કેવી રીતે રમશો? સલમાન અલી આગાએ જબરદસ્ત પ્રદર્શન કર્યું છે. સૈમ અયુબને પ્લેયર ઓફ ધ મેચ જાહેર કરવામાં આવ્યો. સૈમ અયુબે બે વિકેટ પણ લીધી અને 40 રન પણ બનાવ્યા હતા. હવે ફક્ત સાહિબઝાદા (સાહિબઝાદા ફરહાન) જ બાકી છે. જો સાહિબજાદા આગામી બે મેચમાં સારું પ્રદર્શન નહીં કરે તો સ્પષ્ટ થઈ જશે કે, બાબર આઝમ વર્લ્ડ કપમાં ટોપ ઓર્ડરમાં જોવા મળશે. નહિંતર, તે મુશ્કેલ લાગે છે. બધાએ જોયું છે કે, નંબર ચાર પોઝિશન નકામી છે. બાબર આઝમે 20 બોલમાં 24 રન બનાવ્યા. પણ તમે એવા ખેલાડીની શોધમાં છો, જે 20 બોલમાં 35 રન બનાવી શકે.
ઓસ્ટ્રેલિયા સામેની પહેલી T20I માં બાબર આઝમનું પર્ફોમન્સ
ઓસ્ટ્રેલિયા હાલમાં પાકિસ્તાનના પ્રવાસે છે, જ્યાં બંને ટીમો વચ્ચે ત્રણ મેચની T20I સિરીઝમાં રમાવાની છે. આ સિરીઝની પહેલી મેચ 29 જાન્યુઆરીએ લાહોરમાં રમાઈ હતી. ચોથા નંબર પર બેટિંગ કરતા, બાબર આઝમ 20 બોલમાં ફક્ત 24 રન બનાવી શક્યો હતો, જે હાલની T20 સ્ટાઇલ બેટિંગને ધ્યાનમાં રાખતા આવી ઈનિંગ્સ સારી માનવમાં આવતી નથી.
બાબર આઝમની T20I ક્રિકેટ કારકિર્દી
બાબર આઝમ હાલમાં T20I ક્રિકેટમાં વિશ્વના સૌથી વધુ રન બનાવનાર ખેલાડી છે. અત્યાર સુધી, બાબર આઝમે પાકિસ્તાન માટે 137 T20I મેચમાં 130 ઈનિંગ્સમાં 39.40 ની એવરેજથી 4453 રન બનાવ્યા છે. બાબર આઝમનો T20I સ્ટ્રાઇક રેટ 128.40 છે, જેમા 3 સેન્ચુરી અને 38 હાફ-સેન્ચુરી ફટકારી છે.
