FIFA World Cup 2026 : ચાર વર્ષે આવનારો ફૂટબોલનો સૌથી મોટો ઉત્સવ એટલે કે ફિફા વર્લ્ડ કપ 2026ની શરૂઆત મેક્સિકો અને દક્ષિણ આફ્રિકા વચ્ચેના શાનદાર ઓપનિંગ મુકાબલા સાથે થઈ ચૂકી છે. આગામી દોઢ મહિના સુધી દુનિયાભરના કરોડો ચાહકોને એકથી એક ચડિયાતી રોમાંચક મેચો જોવા મળવાની છે. આ બધાની વચ્ચે ફેન્સે અત્યારથી જ અંદાજ લગાવવાનું શરૂ કરી દીધું છે કે આ વખતે સૌથી વધુ ગોલ કરનાર ખેલાડીને મળનારી 'ગોલ્ડન બૂટ'ની ચમકતી ટ્રોફી કોના હાથમાં સજશે. ખાસ સંશોધન પછી એવા 10 સર્વશ્રેષ્ઠ ફૂટબોલરોની યાદી તૈયાર કરવામાં આવી છે જેમના વચ્ચે આ એવોર્ડ માટે જોરદાર જંગ જામશે.
1. કાયલિયન એમબાપ્પે (ફ્રાન્સ) - ફ્રાન્સનો સ્પીડ કિંગ
મહત્વના આંકડા : 98 આંતરરાષ્ટ્રીય મેચોમાં 56 ગોલ | 14 વર્લ્ડ કપ મેચોમાં 12 ગોલ
ગ્રુપ સ્ટેજ વિરોધીઓ : સેનેગલ, ઇરાક, નોર્વે
ફેન્ટસી વેલ્યુ : $10.5 Million
ફ્રાન્સના મહાન ખેલાડી થિએરી હેનરી અને ઓલિવિયર ગિરોડ જ્યારે દેશના ટોપ સ્કોરર બન્યા ત્યારે તેમની ઉંમર 30 થી 36 વર્ષની હતી, પરંતુ એમબાપ્પે માત્ર 27 વર્ષની ઉંમરે આ રેકોર્ડ પોતાના નામે કરવા માટે તૈયાર છે. તેણે ફ્રાન્સ માટે પોતાની છેલ્લી 49 મેચોમાં 39 ગોલ કર્યા છે. પીએસજી (PSG) અને રીઅલ મેડ્રિડ માટે ક્લબ ફૂટબોલમાં પણ તે દર મેચે સરેરાશ એક ગોલ કરી રહ્યો છે. ઓસ્માન ડેમ્બેલે અને માઈકલ ઓલિસ જેવા શાનદાર સાથી ખેલાડીઓના સપોર્ટ સાથે એમબાપ્પે સતત બીજી વખત ગોલ્ડન બૂટ જીતી શકે છે.
2. હેરી કેન (ઇંગ્લેન્ડ) - ઇતિહાસ રચવાની સોનેરી તક
મહત્વના આંકડા : 113 આંતરરાષ્ટ્રીય મેચોમાં 79 ગોલ | 11 વર્લ્ડ કપ મેચોમાં 8 ગોલ
ગ્રુપ સ્ટેજ વિરોધીઓ : ક્રોએશિયા, ઘાના, પનામા
ફેન્ટસી વેલ્યુ : $10.5 Million
વર્ષ 2018 ના વર્લ્ડ કપમાં ગોલ્ડન બૂટ જીતનાર હેરી કેન સામે આ વખતે સૌથી મોટો સવાલ એ છે કે, શું તે ઇતિહાસમાં બે વાર આ એવોર્ડ જીતનાર પ્રથમ ખેલાડી બનશે? બાયર્ન મ્યુનિક ક્લબ તરફથી રમતા 32 વર્ષીય કેને બુન્ડેસલીગાની દરેક મેચમાં સરેરાશ એકથી વધુ ગોલ કર્યા છે. ઇંગ્લેન્ડની ટીમમાં જુડ બેલિંગહામ અને બુકાયો સાકા જેવા સ્ટાર્સ તેને ગોલ કરવા માટે શાનદાર પાસ આપશે, જેનો ફાયદો કેનને ચોક્કસ મળશે.
FIFA World Cup 2026માં મેસ્સી અને રોનાલ્ડોની એન્ટ્રી ક્યારે થશે?: જાણો બંને સુપરસ્ટારનું સંપૂર્ણ શેડ્યૂલ અને ડ્રીમ ફાઇનલનું ગણિત
3. મિકેલ ઓયાર્ઝાબાલ (સ્પેન) - અણધારી એન્ટ્રીથી ધમાકો
મહત્વના આંકડા : 53 આંતરરાષ્ટ્રીય મેચોમાં 25 ગોલ | 0 વર્લ્ડ કપ મેચ
ગ્રુપ સ્ટેજ વિરોધીઓ : કાબો વર્ડે, સાઉદી અરેબિયા, ઉરુગ્વે
ફેન્ટસી વેલ્યુ : $8.1 Million
બે વર્ષ પહેલાં સુધી આ 29 વર્ષીય ખેલાડી ફેવરિટ ખેલાડીઓની રેસમાં ક્યાંય નહોતો, પરંતુ આજે તે ચાર્ટમાં ઘણો આગળ છે. સ્પેન માટે રમી રહેલા ઓયાર્ઝાબાલે તેની છેલ્લી 13 મેચોમાં 13 ગોલ ફટકાર્યા છે. પેડ્રી અને લેમિન યમલ જેવા યુવા સર્જકોની મદદથી તે આ વર્લ્ડ કપમાં વિરોધી ટીમો માટે મુશ્કેલીઓ ઊભી કરી શકે છે.
4. એર્લિંગ હાલેન્ડ (નોર્વે) - રન મશીન સ્ટ્રાઇકર
મહત્વના આંકડા : 50 આંતરરાષ્ટ્રીય મેચોમાં 55 ગોલ | 0 વર્લ્ડ કપ મેચ
ગ્રુપ સ્ટેજ વિરોધીઓ : ઇરાક, સેનેગલ, ફ્રાન્સ
ફેન્ટસી વેલ્યુ : $10.5 Million
આ ખેલાડીના આંકડા ખરેખર ચોંકાવનારા છે. તે ફૂટબોલ ઇતિહાસનો માત્ર છઠ્ઠો અને છેલ્લા 53 વર્ષમાં પ્રથમ એવો ખેલાડી બન્યો છે જેણે 50 થી ઓછી મેચોમાં 50 આંતરરાષ્ટ્રીય ગોલ પૂરા કર્યા છે. માન્ચેસ્ટર સિટી માટે પણ તે સતત ગોલ મશીનની જેમ રમે છે. જોકે નોર્વેનું ગ્રુપ થોડું મુશ્કેલ છે, પરંતુ માર્ટિન ઓડેગાર્ડ જેવા ખેલાડી સાથે હાલેન્ડ ગમે તેવા ડિફેન્સને તોડી શકે છે.
FIFA World Cup 2026: ઇંગ્લેન્ડની ટીમ સાથે થઈ મોટી દુર્ઘટના: વર્લ્ડ કપ દરમિયાન ટ્રેનિંગના સાધનોની ચોરી અને ગાડીઓમાં તોડફોડ
5. લિયોનેલ મેસ્સી (આર્જેન્ટિના) - મહાન જાદુગરનો અંતિમ જંગ
મહત્વના આંકડા : 199 આંતરરાષ્ટ્રીય મેચોમાં 117 ગોલ | 26 વર્લ્ડ કપ મેચોમાં 13 ગોલ
ગ્રુપ સ્ટેજ વિરોધીઓ : અલ્જેરિયા, ઑસ્ટ્રિયા, જોર્ડન
ફેન્ટસી વેલ્યુ : $10 Million
ફૂટબોલ જગતના ઓલ-ટાઇમ ગ્રેટ લિયોનેલ મેસ્સી આ વર્લ્ડ કપ દરમિયાન 39 વર્ષના થશે, છતાં તેમનો જાદુ ઓછો થયો નથી. તેમણે આર્જેન્ટિના માટે પોતાની છેલ્લી 37 મેચોમાં 35 ગોલ કર્યા છે અને ઇન્ટર મિયામી ક્લબ માટે પણ નવા રેકોર્ડ બનાવી રહ્યા છે. રસપ્રદ વાત એ છે કે વર્લ્ડ કપનો 'ગોલ્ડન બૂટ' એક એવો પુરસ્કાર છે જે હજી સુધી મેસ્સી જીતી શક્યા નથી, તેથી આ વખતે તેઓ પૂરી તાકાત લગાવશે.
FIFA World Cupની બીજી ભવ્ય ઓપનિંગ સેરેમની આજે: નોરા ફતેહી અને આંતરરાષ્ટ્રીય સ્ટાર્સ સ્ટેજ પર લગાવશે આગ!
6. ક્રિસ્ટિયાનો રોનાલ્ડો (પોર્ટુગલ) - અટકવાનું નામ ન લેતો રેકોર્ડ બ્રેકર
મહત્વના આંકડા : 226 આંતરરાષ્ટ્રીય મેચોમાં 143 ગોલ | 22 વર્લ્ડ કપ મેચોમાં 8 ગોલ
ગ્રુપ સ્ટેજ વિરોધીઓ : કોંગો ડીઆર, ઉઝબેકિસ્તાન, કોલંબિયા
ફેન્ટસી વેલ્યુ : $10 Million
આંતરરાષ્ટ્રીય ફૂટબોલમાં સૌથી વધુ ગોલ કરનાર 40 વર્ષીય રોનાલ્ડો હજી પણ પૂરા જોશમાં છે. અલ નાસર ક્લબ માટે ગોલના ઢગલા કરનાર રોનાલ્ડોએ પોર્ટુગલ માટે છેલ્લી 30 મેચોમાં 25 ગોલ કર્યા છે. ગત વર્લ્ડ કપમાં તેમને ઓછો સમય મળ્યો હતો, પરંતુ નવા કોચ હેઠળ તેઓ પૂરી મેચ રમી રહ્યા છે. બ્રુનો ફર્નાન્ડિસ અને બર્નાર્ડો સિલ્વા જેવા સ્ટાર્સની હાજરીમાં રોનાલ્ડો આ વખતે પોતાનો સર્વશ્રેષ્ઠ વર્લ્ડ કપ રેકોર્ડ (4 ગોલ) તોડવા મેદાનમાં ઉતરશે.
7. લેમિન યમલ (સ્પેન) - નાની ઉંમર મોટો ધમાકો
મહત્વના આંકડા : 25 આંતરરાષ્ટ્રીય મેચોમાં 6 ગોલ | 0 વર્લ્ડ કપ મેચ
ગ્રુપ સ્ટેજ વિરોધીઓ : કાબો વર્ડે, સાઉદી અરેબિયા, ઉરુગ્વે
ફેન્ટસી વેલ્યુ : $10 Million
આ અદભુત વિંગર વર્લ્ડ કપ પૂરો થશે ત્યારે પોતાના 19 માં જન્મદિવસથી માત્ર 6 દિવસ મોટો હશે. તેની પાસે સૌથી નાની ઉંમરે ગોલ્ડન બૂટ જીતવાનો જેમ્સ રોડ્રિગ્ઝ (2014) નો રેકોર્ડ તોડવાની સુવર્ણ તક છે. યમલને ગોલ બનાવનાર (ક્રિએટર) તરીકે વધુ ઓળખવામાં આવે છે, પરંતુ તેના લાંબા અંતરના કર્લિંગ શોર્ટ્સ વિરોધી ગોલકીપર માટે અત્યંત ઘાતક સાબિત થાય છે.
12 વર્ષ બાદ FIFA મંચ પર ‘Waka Waka’ ગર્લનું ધમાકેદાર કમબેક!: શકીરાના શો બાદ લીલી જર્સીમાં ઝૂમતા મેક્સિકન સમર્થકોએ લૂંટી લાઇમલાઇટ
8. ઉસ્માન ડેમ્બેલે (ફ્રાન્સ) - નવો અવતાર નવી આશા
મહત્વના આંકડા : 59 આંતરરાષ્ટ્રીય મેચોમાં 7 ગોલ | 11 વર્લ્ડ કપ મેચોમાં 0 ગોલ
ગ્રુપ સ્ટેજ વિરોધીઓ : સેનેગલ, ઇરાક, નોર્વે
ફેન્ટસી વેલ્યુ : $10 Million
તમને કદાચ ડેમ્બેલેના જૂના આંકડા જોઈને આશ્ચર્ય થશે, પરંતુ છેલ્લા બે સીઝનમાં તે પેરિસ સેન્ટ-જર્મન (PSG) માટે 55 ગોલ કરીને એક વિનાશક સ્ટ્રાઈકરમાં બદલાઈ ગયો છે. જો કે ફ્રાન્સની ટીમમાં મુખ્ય સેન્ટર પોઝિશન પર એમબાપ્પે રમે છે, પરંતુ ડેમ્બેલે તેની પાછળ રહીને કે વિંગ પરથી રમીને પણ ઘણા ગોલ કરી શકે છે.
9. વિનિસિયસ જુનિયર (બ્રાઝિલ) - સામ્બા મેજિકનો સુપરસ્ટાર
મહત્વના આંકડા : 49 આંતરરાષ્ટ્રીય મેચોમાં 9 ગોલ | 4 વર્લ્ડ કપ મેચોમાં 1 ગોલ
ગ્રુપ સ્ટેજ વિરોધીઓ : મોરોક્કો, હૈતી, સ્કોટલેન્ડ
ફેન્ટસી વેલ્યુ : $10 Million
આ 25 વર્ષીય ખેલાડી તેની પોઝિશન અને બ્રાઝિલ માટેના ઓછા ગોલના કારણે ભલે થોડો આશ્ચર્યજનક ઉમેદવાર લાગે, પણ તેનું ફોર્મ લાજવાબ છે. વિનિસિયસે છેલ્લા પાંચ સીઝનમાં રીઅલ મેડ્રિડ માટે સતત 20થી વધુ ગોલ કરવાનો આંકડો પાર કર્યો છે. બ્રાઝિલને ચેમ્પિયન બનાવવા માટે તેનું ચાલવું ખૂબ જ જરૂરી છે.
10. રફિન્હા (બ્રાઝિલ) - અણધારી દિશામાંથી ઘાતક પ્રહાર
મહત્વના આંકડા : 38 આંતરરાષ્ટ્રીય મેચોમાં 11 ગોલ | 5 વર્લ્ડ કપ મેચોમાં 0 ગોલ
ગ્રુપ સ્ટેજ વિરોધીઓ : મોરોક્કો, હૈતી, સ્કોટલેન્ડ
ફેન્ટસી વેલ્યુ : $8.2 Million
બોક્સના ખૂણા પરથી અત્યંત ઘાતક શૉટ્સ મારવા માટે જાણીતા આ અટેકિંગ મિડફિલ્ડરે વર્ષ 2024/25ની શરૂઆતથી બાર્સેલોના માટે 90 મેચોમાં 55 ગોલ ફટકાર્યા છે. આ વર્લ્ડ કપમાં બ્રાઝિલ તરફથી પેનલ્ટી અને ફ્રી-કિક લેવાની જવાબદારી પણ રફિન્હા સંભાળશે, જેના કારણે તેના ગોલની સંખ્યા ઝડપથી વધી શકે છે.
