Dilip Kumar Death Anniversary: સિનેમા જગતમાં 'ટ્રેજેડી કિંગ' તરીકે પ્રખ્યાત અભિનેતા દિલીપ કુમારની ચોથી પુણ્યતિથિ આજે 7 જુલાઈના રોજ ઉજવાઈ રહી છે. આ પ્રસંગે, અભિનેતાની પત્ની અને અભિનેત્રી સાયરા બાનુએ સોશિયલ મીડિયા પર એક પોસ્ટ શેર કરી છે, જેમાં તેમણે ઘણી તસવીરો શેર કરી છે જેમાં અભિનેતાની યુવાનીથી વૃદ્ધાવસ્થા સુધીની તસવીરો દર્શાવવામાં આવી છે. આ પોસ્ટ સાથે, અભિનેત્રીએ 'અકેલે હી અકેલે ચલા હૈ' ગીત પણ મૂક્યું છે, જે તેમની એકલતા અને દુ:ખને વ્યક્ત કરી રહ્યું છે.
આ સાથે, અભિનેત્રીએ એક લાંબી નોંધ પણ શેર કરી છે, જેમાં તેમણે લખ્યું છે કે દિલીપ કુમાર તેમના જીવનનો સૌથી કિંમતી રત્ન હતા.
દિલીપ કુમારનીની જગ્યા ક્યારી કોઈ નહીં લઈ શકે...
તેમણે કહ્યું કે દિલીપ સાહેબની ગેરહાજરી કોઈ દૂર કરી નહીં શકે. તેઓએ દિલીપ કુમારની યાદોના સહારે ચાલવાનું શીખી લીધું છે. આ સાથે, તેઓએ કહ્યું કે દર વર્ષે આ દિવસે તે કોમળ ફૂલોની જેમ દિલીપ સાહેબની યાદોને વહાલ કરતી જોવા મળે છે. તે જ સમયે, તેણીએ આગળ લખ્યું કે દિલીપ કુમાર ફક્ત તેના માટે જ સૌથી મહત્વનો રત્ન ન હતા , પરંતુ તે ઘણી પેઢીઓ માટે પ્રેરણારૂપ હતા. આ સાથે, તે ઘણા રાજકારણીઓ, અભિનેતાઓ અને વિદ્વાનોના ખાસ મિત્ર હતા.
દિલીપ સાહેબ કાયમ માટે રહેશે..
પોસ્ટમાં આગળ, સાયરા બાનુએ લખ્યું, 'આ મહાન વ્યક્તિત્વ પાછળ એક સૌમ્ય, મોહક, રમુજી વ્યક્તિ છુપાયેલો હતો. મને ખૂબ સારી રીતે યાદ છે કે એક વખત સાંજે અમારું ઘર શાસ્ત્રીય સંગીતના સૂરોથી ગુંજી રહ્યું હતું, દરબાર પૂરજોશમાં હતો અને સાહેબ એક પણ શબ્દ બોલ્યા વિના શાંતિથી આરામ કરવા ગયા. તેમણે અમારી સામાન્ય ક્ષણોને પણ અમર બનાવી દીધી. દિલીપ સાહેબ હંમેશા રહેશે. અલ્લાહ હંમેશા તેમના પર પોતાનો આશીર્વાદ રાખે.'દિલીપ કુમારને યાદ કરતાં ઘણા ફિલ્મી સિતારાઓએ તેમના વિષે સોશિયલ મીડિયામાં પોસ્ટ કરી છે..
ધર્મેન્દ્રએ દિલીપ કુમાર વિશે એક પોસ્ટ કરતાં લખ્યું કે..
'આજનો દિવસ ખૂબ જ દુઃખદ અને કમનસીબ છે. આજે મારા ખૂબ જ પ્રિય, તમારા પણ પ્રિય અભિનેતા, ફિલ્મ જગતના ભગવાન, એક ઉમદા અને મહાન વ્યક્તિ, દિલીપ સાહેબ આપણને કાયમ માટે છોડીને ગયા હતા. હું આ આઘાત સહન કરી શકીશ નહીં. તેથી હું પોતાને સાંત્વના આપું છું કે તેઓ આપણી નજીકમાં જ છે.'
બંનેએ સાથે કામ કર્યું હતું
તમને જણાવી દઈએ કે ધર્મેન્દ્ર અને દિલીપ કુમારે 1972માં રિલીઝ થયેલી ફિલ્મ 'અનોખા મિલન'માં સાથે કામ કર્યું હતું. આ ફિલ્મનું નિર્દેશન જગન્નાથ ચેટર્જીએ કર્યું હતું. આ ફિલ્મ 1966માં રિલીઝ થયેલી બંગાળી ફિલ્મ 'પરી'ની રિમેક હતી.
