The Ashes 2025-26: 2025 એશિઝને લઈને ઉત્સાહ વધતો જ રહ્યો છે. પર્થમાં આઠ વિકેટથી હાર મેળવ્યા પછી, ઇંગ્લેન્ડે બીજી ટેસ્ટ માટે પોતાની પ્લેઇંગ ઇલેવનની જાહેરાત કરી છે. આ મેચ 4 ડિસેમ્બરથી બ્રિસ્બેનના ગાબા ખાતે ડે-નાઇટ ફોર્મેટમાં રમાશે. ટીમમાં સૌથી મોટો ફેરફાર સ્પિન ઓલરાઉન્ડર વિલ જેક્સનું પુનરાગમન છે, જે ઇજાગ્રસ્ત માર્ક વુડનું સ્થાન લેશે.
માર્ક વુડ ઘાયલ, વિલ જેક્સને મોટી તક મળી
માર્ક વુડને સીરિઝની શરૂઆતની મેચમાં બોલિંગ કરતી વખતે ડાબા ઘૂંટણમાં તીવ્ર દુખાવો થયો હતો. સંપૂર્ણ તપાસ પછી, તેને બીજી ટેસ્ટમાંથી બહાર કરવામાં આવ્યો છે. ઇંગ્લેન્ડે તેના સ્થાને વિલ જેક્સને ટીમમાં સામેલ કર્યો છે, જેને 2022 ના પાકિસ્તાન પ્રવાસ દરમિયાન ટેસ્ટ ડેબ્યૂમાં પાંચ વિકેટ ઝડપીને હેડલાઇન્સમાં સ્થાન મેળવ્યું હતું. વિલ જેક્સ બેટિંગ અને બોલિંગ બંનેનું સંતુલન પૂરું પાડશે. બીજી ટેસ્ટ માટે ટીમમાં અન્ય કોઈ ફેરફાર કરવામાં આવ્યા નથી. ઇંગ્લેન્ડ હાલમાં સીરિઝમાં 0-1 થી પાછળ છે, કારણ કે, પર્થ ટેસ્ટ ફક્ત બે દિવસમાં સમાપ્ત થઈ હતી અને ઓસ્ટ્રેલિયા આરામથી જીતી ગયું હતું.
સ્ટોક્સનું નિવેદન
પહેલી ટેસ્ટમાં નિરાશાજનક હાર છતાં, કેપ્ટન બેન સ્ટોક્સ કહે છે કે, ટીમ સંપૂર્ણ તાકાત સાથે વાપસી કરવા માટે તૈયાર છે. તેમણે કહ્યું કે, ચાર મેચ બાકી હોવાથી, ઇંગ્લેન્ડ પાસે એશિઝ ફરીથી જીતવાની ક્ષમતા છે.
ડે-નાઈટ ટેસ્ટ બંને ટીમો માટે ખરી કસોટી હશે
ગાબ્બામાં ઝડપી પિચ અને ગુલાબી બોલ આ મેચને વધુ પડકારજનક બનાવશે. ઇંગ્લેન્ડ શરૂઆતની હાર પછી સીરિઝ બરાબર કરવાનો પ્રયાસ કરશે, જ્યારે ઓસ્ટ્રેલિયા 2-0 થી પોતાની લીડ વધારવાનો પ્રયાસ કરશે. આ સીરિઝ ICC વર્લ્ડ ટેસ્ટ ચેમ્પિયનશિપ 2025-27 નો પણ ભાગ છે, તેથી દરેક મેચ મહત્વપૂર્ણ છે.
ઇંગ્લેન્ડની પ્લેઇંગ 11: ઝેક ક્રોલી, બેન ડકેટ, ઓલી પોપ, જો રૂટ, હેરી બ્રુક, બેન સ્ટોક્સ (કેપ્ટન), જેમી સ્મિથ (વિકેટકીપર), વિલ જેક્સ, ગુસ એટકિન્સન, બ્રાઇડન કાર્સે, જોફ્રા આર્ચર.
