ભારતમાં કાશ્મીરના પહલગામ વિસ્તારમાં તાજેતરમાં થયેલા આતંકવાદી હુમલાએ સમગ્ર દેશને હચમચાવી દીધો છે. આ હુમલામાં 26 નિર્દોષ નાગરિકોએ જીવ ગુમાવ્યો હતો. ભારત અને આંતરરાષ્ટ્રીય સમુદાયે આ અંગે આકરી પ્રતિક્રિયા આપી છે. રશિયા અને અમેરિકાએ આ હુમલાની સખત નિંદા કરી છે અને ભારતને તેમના સંપૂર્ણ સમર્થનની ખાતરી આપી છે.
રશિયાએ પહેલા જ પોતાની ચિંતા વ્યક્ત કરી હતી અને પોતાના નાગરિકોને પાકિસ્તાનની યાત્રા ટાળવાની સલાહ આપી હતી જ્યારે હવે અમેરિકાએ પણ ભારત સાથે સંપૂર્ણ એકતા દર્શાવી છે. અમેરિકન અધિકારીઓએ આ હુમલા પર પીએમ નરેન્દ્ર મોદી પ્રત્યે ઊંડી સંવેદના વ્યક્ત કરી છે. અમેરિકાની જાસૂસી સંસ્થાના ડાયરેક્ટર તુલસી ગબાર્ડે આતંકવાદીઓ વિરુદ્ધ કડક કાર્યવાહી કરવા ભારતને સંપૂર્ણ સંમતિ આપી હતી.
We stand in solidarity with India in the wake of the horrific Islamist terrorist attack, targeting and killing 26 Hindus in Pahalgam. My prayers and deepest sympathies are with those who lost a loved one, PM @narendramodi, and with all the people of India. We are with you and…
— DNI Tulsi Gabbard (@DNIGabbard) April 25, 2025
તેણે એમ પણ કહ્યું છે કે તે ભારતની સાથે છે અને આતંકવાદીઓને ન્યાય અપાવવામાં તમામ શક્ય મદદ કરશે. મતલબ કે એવું માની શકાય કે અમેરિકન ગુપ્તચર તંત્ર પણ ક્યાંક ને ક્યાંક ભારતને મદદ કરી શકે છે. જ્યારે એક દિવસ પહેલા જ વડાપ્રધાન મોદીએ આ હુમલા પર પ્રતિક્રિયા આપતા કહ્યું હતું કે આતંકવાદીઓને તેમના કાર્યોની સજા મળશે. તેમણે એમ પણ કહ્યું કે ભારત સરકાર આ હુમલા માટે જવાબદાર લોકોને કોઈ પણ સંજોગોમાં છોડશે નહીં. તેમણે દેશવાસીઓને અપીલ કરી કે તેઓ આતંકવાદીઓ સામે એકજુટ થઈને શાંતિથી પોતાનો જવાબ આપે.
