ચાર પેઢીઓ ચાલે એટલા રૂપિયા કમાયો : હવે વિના વિચાર્યે કાંઈ પણ ખરિદી શકું છું. - રામ કપૂર

કસમ સે અને બડે અચ્છે લગતે હૈ જેવી લોકપ્રિય સિરિયલોમાં ભૂમિકાઓ ભજવ્યા પછી અભિનેતા રામ કપૂર ઘરે ઘરે જાણીતો બન્યો. પોતાની પેઢીના સૌથી વધુ કમાણી કરતા ટેલિવિઝન સ્ટાર્સમાંના એક, રામ કપૂરે ઘણી લક્ઝરી કાર ખરીદી છે, જેમાં મર્સિડીઝ-એએમજી જી63, બીએમડબ્લ્યુ એક્સ5, પોર્શ, ફેરારી અને તાજેતરમાં લગભગ 5.21 કરોડ રૂપિયાની લેમ્બોર્ગિની ઉરુસનો સમાવેશ થાય છે. રામ કપૂરે તાજેતરમાં કહ્યું હતું કે તેણે ઓછામાં ઓછી ચાર પેઢી પૂરતા પૈસા કમાયા છે, અને તે વિચાર્યા વિના મોંઘી વસ્તુઓ ખરીદી શકે છે.

રામ કપૂર કારનો શોખીન છે

એક ઈન્ટરવ્યુમાં રામ કપૂરે કહ્યું કે "મને કાર અને બાઇકનો ખૂબ શોખ છે. જે લોકો મારા જેવા કાર અને બાઇકના દિવાના છે અને જેઓને તે પરવડી શકે છે, તેમની પાસે આ કાર કલેક્શન હોય છે. ફરક એ છે કે મારી કાર વિશે વાત કરવામાં આવે છે, જ્યારે મારા મિત્રો પાસે મારા કરતા સારું કાર કલેક્શન છે, જે લોકોની નજરમાં નથી, કારણ કે તે મોટાભાગે કોર્પોરેટ જગતના છે, તેમના વિશે વાત કરવામાં આવતી નથી."

રામ કપૂરે કહ્યું કે તે ક્યારેય પોતાની કોઈપણ લક્ઝરી ખરીદી વિશે વ્યક્તિગત રીતે પોસ્ટ કરતા નથી, પરંતુ કોઈક રીતે સમાચાર બહાર આવે છે. "જ્યારે મેં લેમ્બોર્ગિની ખરીદી કરી, ત્યારે મેં ડીલરને સ્પષ્ટપણે કહ્યું કે ત્યાં પ્રેસ ન બોલાવતા. જોકે, તેમની પાસે તેમનો ઇન-હાઉસ ફોટોગ્રાફર હતો. હવે, તેમણે તેમની સાઇટ પર મારો ફોટો અપલોડ કરતાની સાથે જ મીડિયાએ તેને શેર કર્યો. હું તેને કેવી રીતે રોકી શકું? હું ભાગ્યશાળી છું કે હું આ બધા વાહનો ખરિદી શકું છું."

તે જ ઇન્ટરવ્યુમાં, રામ કપૂરે દાવો કર્યો હતો કે તેમણે, સાક્ષી તંવર અને રોનિત રોય જેવા તેમના સાથી કલાકારો સાથે, ઓછામાં ઓછી ચાર પેઢી ચાલે એટલી કમાણી કરી છે. તેમણે કહ્યું, "એવું નથી કે ટેલિવિઝન કલાકારો ફિલ્મ કલાકારો જેટલું કમાય છે. પરંતુ જો તમારી પાસે એક હિટ શો છે જે 7-8 વર્ષ સુધી ચાલે છે અને જો તમે ટેલિવિઝનમાં ટોચ પર છો અથવા ઘણા પૈસા કમાઈ રહ્યા છો, તો તમારો માસિક ચેક તમારા 8 વર્ષના પગાર જેટલો છે. મારા, સાક્ષી અને રોનિત જેવા લોકો, જો તમે 20 વર્ષથી ટેલિવિઝન પર છો અને સમજદાર છો, તો તમે ઓછામાં ઓછી 3-4 પેઢીઓ માટે પૂરતી કમાણી કરી છે."

રિપોર્ટ અનુસાર, રામ કપૂરનું મુંબઈમાં એક મોટું ઘર છે, અને તેમની પાસે ગોવા અને ખંડાલામાં પણ વૈભવી મિલકતો છે. આ ઉપરાંત, તેમની પાસે અલીબાગમાં 20 કરોડ રૂપિયાની વેકેશન પ્રોપર્ટી પણ છે.