બાઈકના શોખીનોની બલ્લે બલ્લે : ભારતમાં 14 મોટર સાયકલ લોન્ચ કરશે આ બ્રાન્ડ, મોંઘી બાઈકના શોખીનોને પડશે મોજ

મોંઘી અને સ્પોર્ટ્સ બાઈકના શોખીનો માટે મોટી સમાચાર આવ્યા છે. એક કે બે નહીં પરંતુ ભારતમાં 14 બાઈક લોન્ચ કરવા જઈ રહી છે ફેમસ ડુકાટી કંપની. નવા વર્ષમાં ડુકાટી 14 બાઈક માર્કેટમાં ઉતારવા જઈ રહી છે.ઈટાલિયન કંપની ડુકાટી આ વર્ષે ભારતીય બજારમાં એક કે બે નહીં પરંતુ 14 મોટરસાઈકલ લોન્ચ કરવાની તૈયારી કરી રહી છે. જો જોવામાં આવે તો ડુકાટીનું નવું મોડલ દર મહિને માર્કેટમાં આવી શકે છે. નવા મોડલ લોન્ચ કરવાની સાથે બાઇક કંપની તેના ડીલર નેટવર્કને પણ વિસ્તારવા જઈ રહી છે.

આ બાઈક આવશે માર્કેટમાં
DesertX ડિસ્કવરી અને ડુકાટીની સુપરસ્પોર્ટ બાઇક Panigale V4 વર્ષ 2025ના પ્રથમ ત્રણ મહિનામાં લોન્ચ થશે. આગામી ત્રણ મહિનામાં, Panigale V2 ફાઇનલ એડિશન અને Scrambler Dark માર્કેટમાં લોન્ચ થશે. આ ચારેય બાઇક પ્રથમ છ મહિનામાં માર્કેટમાં આવવા જઇ રહી છે.

ભારતીય બજારમાં જુલાઈથી સપ્ટેમ્બર વચ્ચે પાંચ બાઈક લોન્ચ કરવામાં આવશે. આ બાઈકની યાદીમાં તદ્દન નવી 890 cc Multistrada V2 અને Scrambler Rizoma સામેલ છે. આ સાથે Streetfighter V4, Streetfighter V2 અને Panigale V2 પણ માર્કેટમાં આવશે. ડુકાટી ડિસેમ્બર 2025માં બજારમાં ઘણી નવી બાઈક લોન્ચ કરવાની યોજના બનાવી રહી છે. જેમ જેમ આ વર્ષ આગળ વધશે તેમ તેમ આ નવી બાઇકો વિશે વધુ વિગતો જાહેર કરવામાં આવશે.

ભારતમાં પગ પેસારો કરવા માંગે છે ડુકાટી
ભારતીય બજારમાં કંપની પગપેસારો કરવા માંગે છે ડુકાટી કંપની. એટલા માટે જ તે પોતાનું ડીલર નેટવર્ક વધારવા માંગે છે. હાલ તો ડુકાટીના શોરૂમ માત્ર મેટ્રો સિટીઝમાં જ ઉપલબ્ધ છે. ડુકાટી નેટવર્કને વધારવાની વાત કરીએ તે હાલ તેના શોરૂમ દિલ્લી, મુંબઈ, પુણે, બેંગલુરુ, ચેન્નઈ, હૈદરાબાદ, કોચી, કોલકાતા, ચંડીગઢ અને અમદાવાદમાં છે. નવી બાઈક લોન્ચ થતાની સાથે તેના શો રૂમની સંખ્યા પણ વધશે