અમેરિકી રાષ્ટ્રપતિ ડોનાલ્ડ ટ્રંપની શપથ ગ્રહણ સમારોહ દરમિયાન ટ્ર્ંપે ઉપરાષ્ટ્રપતિ જેડી વેન્સની ભારતીય મૂળની પત્ની ઉષા વેન્સની પ્રશંસા કરી. તેમણે કહ્યું કે તેમણે ઉષા વેન્સને ઉપરાષ્ટ્રપતિ પદના ઉમેદવાર તરીકે પસંદ કરતાં કારણે કારણ કે ઉષા જેડી કરતાં વધુ હોશિયાર છે. જો કે, ઉત્તરાધિકારનો કાયદો તે રીતે કામ કરતો નથી, એમ જણાવ્યું હતું કે જેડી વેન્સે અમેરિકાના ઉપરાષ્ટ્રપતિ તરીકે શપથ લીધા કે તરત જ તેમની પત્ની ઉષા વેન્સ અમેરિકાની પ્રથમ ભારતીય મૂળની સેકન્ડ લેડી બની ગઈ.
ટ્રંપના નિવેદનથી આ હોલનું વાતાવરણ હળવુ થઈ ગયું
શપથગ્રહણ બાદ પોતાના સંબોધનમાં ટ્રંપે તેમની સમગ્ર ટીમ ખાસ કરીને જેડી વેન્સની પ્રશંસા કરી હતી. ટ્રમ્પે કહ્યું કે હું લાંબા સમયથી જેડીને જોઈ રહ્યો છું. મેં તેમને ઓહાયોથી સેનેટર પદ માટે પણ સમર્થન આપ્યું હતું. તેઓ એક સારા અને ખૂબ જ બુદ્ધિશાળી સેનેટર હતા. જો કે તેમની પત્ની તેના કરતા વધુ હોશિયાર છે. ટ્રંપ આટલું બોલતાની સાથે જ આખો કેપિટોલ રોટુન્ડા હોલ હસી પડ્યો.
ટ્રંપે કહ્યું કે મેં મારા ડેપ્યુટી તરીકે ઉષાની પસંદગી કરી હોત, પરંતુ ઉત્તરાધિકારના નિયમો આ રીતે કામ કરતા નથી. જેડી અને ઉષા, બંને ખૂબ સારા છે અને બંનેની કારકિર્દી સારી રહી છે. સુપ્રીમ કોર્ટના ન્યાયાધીશ બ્રેટ કેવનોગે જેડી વેન્સને ઉપરાષ્ટ્રપતિ તરીકેના શપથ લેવડાવ્યા હતા. બ્રેટ કેવનો અગાઉ ઉષા વેન્સના માર્ગદર્શક રહી ચૂક્યા છે. ઉષાએ બ્રેટ કેવનો અને ચીફ જસ્ટિસ જોન રોબર્ટ્સ સાથે કામ કર્યું છે.
