હકાલપટ્ટીની શરૂઆત : USAમાં 2000 કર્મચારીઓની છટણી

ડોનાલ્ડ ટ્રમ્પ એક દિવસ પહેલાં ચીમકી આપી અને હવે તેનો અમલ પણ શરૂ થઈ ગયો. US એજન્સી ફોર ઈન્ટરનેશનલ ડેવલપમેન્ટના કર્મચારીઓને વિશ્વભરમાંથી છૂટા કરવાની અને 2000 કર્મચારીઓને હોદ્દાઓને દૂર કરવાની જાહેરાત કરી છે. તેમણે આ અંગે નિર્ણય લઈ લીધો છે. પ્રશાસકોની કચેરી દ્વારા USAIDના કર્મચારીઓને મોકલવામાં આવેલા એક ઈ-મેઇલમાં કહેવામાં આવ્યું છે કે કર્મચારીઓની સંખ્યામાં ઘટાડાના ભાગરૂપે લગભગ 2000 કર્મચારીઓને પણ છૂટા કરવામાં આવશે.

આ પગલું પહેલેથી જ લેવામાં આવ્યું છે.
અમેરિકાના રાષ્ટ્રપતિ ડોનાલ્ડ ટ્રમ્પે શરૂઆતમાં USAIDના હજારો કર્મચારીઓને બરતરફ કરવાનો પ્રયાસ કર્યા બાદ આ પગલું લેવામાં આવ્યું છે. ત્યારબાદ તેમને કાયદાકીય પડકારોનો સામનો કરવો પડ્યો હતો. ફેડરલ કોર્ટે ટ્રમ્પ વહિવટીતંત્રને રોક્યા પણ હતા.

કર્મચારીઓને રજા પર મોકલી દેવાયા
મીડિયા રિપોર્ટ્સના જણાવ્યા અનુસાર રાત્રે મોકલવામાં આવેલી નોટિસમાં, મહત્વપૂર્ણ મિશન પરના કર્મચારીઓ અને ખાસ નિયુક્ત કાર્યક્રમોના કર્મચારીઓ સિવાયના તમામ કર્મચારીઓને વહિવટી રજા પર મોકલવામાં આવ્યા છે.

જો કે, નોટિસમાં સ્પષ્ટતા કરવામાં આવી છે કે યુએસએઆઈડીના કર્મચારીઓ કે જેઓ મિશનના નિર્ણાયક કાર્યો માટે જવાબદાર છે તેઓ આ નિર્ણયથી પ્રભાવિત થશે નહીં. જો કે, કેટલા કર્મચારીઓને મહત્વપૂર્ણ માનવામાં આવ્યા છે તે હજુ સ્પષ્ટ નથી. એલન મસ્કની આગેવાની હેઠળનો DOGE વિભાગ યુએસએઆઈડીને નાબૂદ કરવાનો પ્રયાસ કરી રહ્યો છે.