Dhurandhar: રણવીર સિંહ અભિનીત 'Dhurandhar' અને 'Dhurandhar 2' એ સંયુક્ત રીતે ભારતીય સિનેમાના ઇતિહાસમાં એક અનોખી સિદ્ધિ હાંસલ કરી છે. આ ફ્રેન્ચાઇઝી ભારતીય ફિલ્મ ઉદ્યોગમાં પહેલીવાર 3000 કરોડના વૈશ્વિક કુલ સંગ્રહના જાદુઈ આંકડાને વટાવનાર પ્રથમ શ્રેણી બની છે. બંને ફિલ્મોએ મળીને 'Bahubali' અને 'Pushpa' જેવી મહાન ફ્રેન્ચાઇઝીઓને પાછળ છોડીને નંબર વન સ્થાન મેળવ્યું છે. આ માત્ર વ્યાપારી સફળતા નથી, પરંતુ ભારતીય સિનેમાની વૈશ્વિક તાકાત અને વધતી જતી લોકપ્રિયતાનો પુરાવો છે.
'Dhurandhar' ની ઐતિહાસિક શરૂઆત
ફિલ્મ 5 ડિસેમ્બર 2025ના રોજ રિલીઝ થઈ અને તેણે તમામ બોક્સ ઓફિસ રેકોર્ડ તોડી નાખ્યા.
ભારત નેટ: ₹840.20 કરોડ
ભારત ગ્રોસ: ₹1007.85 કરોડ
વિદેશી કમાણી: ₹299.50 કરોડ
વૈશ્વિક કુલ: ₹1307.35 કરોડ
આ આંકડાઓ સાથે તે અત્યાર સુધીની સૌથી વધુ કમાણી કરનાર હિન્દી ફિલ્મોમાં સ્થાન મેળવી ગઈ.
સફળતાનો નવો શિખર: ''Dhurandhar' 2'પહેલી ફિલ્મની સફળતાના માત્ર ચાર મહિના પછી રિલીઝ થયેલી સિક્વલે પણ તોફાની પ્રદર્શન કર્યું. રણવીર સિંહના શક્તિશાળી અભિનય અને મોટા પાયાના નિર્માણે ફ્રેન્ચાઇઝીને નવી ઊંચાઈઓ આપી.
ભારત નેટ: ₹1083.65 કરોડ
ભારત ગ્રોસ: ₹1297.50 કરોડ
વિદેશી કમાણી: ₹414.50 કરોડ
વૈશ્વિક કુલ: ₹1712.00 કરોડ
વિગતવાર બોક્સ ઓફિસ આંકડા (13 એપ્રિલ 2026 સુધી)
Dhurandhar (ભાગ 1):
ભારત નેટ ₹840.20 કરોડ | ભારત ગ્રોસ ₹1007.85 કરોડ | વિદેશ ₹299.50 કરોડ | કુલ ₹1307.35 કરોડ
'Dhurandhar' 2 (ભાગ 2):
ભારત નેટ ₹1083.65 કરોડ | ભારત ગ્રોસ ₹1297.50 કરોડ | વિદેશ ₹414.50 કરોડ | કુલ ₹1712.00 કરોડ
ફ્રેન્ચાઇઝી કુલ:
ભારતમાં કુલ કમાણી ₹1923.85 કરોડ (ગ્રોસ ₹2305.35 કરોડ) | વિદેશી ₹714 કરોડ | વૈશ્વિક કુલ ₹3019.35 કરોડ
આ પણ વાંચો: 'Jana Nayagan' લીક કાંડમાં મોટો ધડાકો : 6 આરોપીઓ જેલ ભેગા, 300 થી વધુ લિંક્સ બ્લોક
બાહુબલી અને પુષ્પા સાથે સરખામણી
'Dhurandhar' શ્રેણીએ 'બાહુબલી' ફ્રેન્ચાઇઝી (લગભગ ₹2438 કરોડ) અને 'પુષ્પા' ફ્રેન્ચાઇઝી (લગભગ ₹2092 કરોડ) ને પાછળ છોડી દીધી છે. આ સિદ્ધિ ભારતીય સિનેમા માટે એક માઈલસ્ટોન છે, જે દર્શાવે છે કે હિન્દી સિનેમા પણ વૈશ્વિક સ્તરે મજબૂત પગપેસવું મેળવી રહ્યું છે. આ અભૂતપૂર્વ સફળતામાં અભિનેતા રણવીર સિંહ, નિર્દેશક અદિત્ય ધર અને સમગ્ર ટીમે ફિલ્મ ઉદ્યોગ માટે એક નવું ઉદાહરણ સ્થાપિત કર્યુ છે.
